عاوز اشتري عربيه ب45.000 واول مره اسوق

**MohamedTag** · 27-09-2013 04:45 AM

انا معايا 45 الف وعاوز اشتري عربيه محتاج حد يقولي اجيب ايه وايه المناسب في السعر ده
انا عمري مسوقت عربيه قبل كده فدي هتكون الاولي
مش عاوز دايو لانوس لاني كرهتها كل منسافر بيها للكليه تعطل
يا ريت تقولولي المبلغ ده يجيب ايه مش محتاج مصاريف كتير

وطلب كمان انا من اسماعيليه والعربيات عندنا غاليه جدااااا ومتستحقش المبلغ اللي هيدفع فيها وكلو بيحسسني انه بيبيع بي ام فياريت اللي يعرف معارض في بورسعيد او اي مكان قريب من اسماعيليه يقولي ويكونو بيبيعو بسعر السوق

يا ريت محدش ينفض للموضوع انا عارف انكم احلي منتدي للسيارات وكل اللي فيه ناس خبره وعارفه الدنيا ماشيه ازاي

**ahmedalaahosny** · 27-09-2013 09:32 AM

ما كل العربيات بتعطل لو مافيش اى اهتمام بيها انت لو معاك زيرو واهملتها برده هتبهدلك مواقف من دى
عامة انت ممكن تجيب نوبيرا 1 او اكسنت2001 او بولو 2001 وكيا شوما 2000 وفيكترا 95 نضيفة وسيفيك 92 بيجو 206 2000 وكيا سيفيا 99 و كورولا عيون فل اوبشن وميجان 2001 ودايو جوليت اللى هى لانوس هاتش باك

**MohamedTag** · 27-09-2013 11:42 PM

طيب شكرا ممكن تقولي ايه الاحسن
انا بسافر كل اسبوع 70 كيلو رايح جاي انهي واحده هتستحمل السفر وهل كلهم رنج 45 الف ؟ هجيبهم مش هيحتاجو مصاريف
ميجان
اكسنت
كورولا عيون

**besso33** · 28-09-2013 12:34 AM

لانشيا ديدرا او تمبرا ( ايطالي )او بيجو 405 ( فرنساوي ) او اوبل فيكترا ( الماني ) هيدوك اللي انت عايزه وزيادة وابعد عن الكوري خالص

**MohamedTag** · 28-09-2013 01:00 AM

المشاركة الأصلية كتبت بواسطة besso33

لانشيا ديدرا او تمبرا ( ايطالي )او بيجو 405 ( فرنساوي ) او اوبل فيكترا ( الماني ) هيدوك اللي انت عايزه وزيادة وابعد عن الكوري خالص

شكرا علي المعلومات بالنسبه لاوبل فيكترا الماني هتكون موديل كام ؟

**Ayman_Amer** · 28-09-2013 01:15 AM

انت عندك عربيات كتير بس المهم انت عاوز ايه من العربية يعني احتياجاتك عربية عائلية ولا مش فارقة عاوزها سيدان ولا هاتشباك بتحب الجري ولا مش فارق. مكان اقامتك لأن ده هيحدد مدي توفر قطع الغيار والصيانة. بتحب المغامرة ولا تقليدي يعني ممكن تجيب عربية مش منتشرة بس حلوة وتتحمل صيانتها ولا لازم تكون منتشرة جدا.
حدد احتياجاتك وطبيعة استخدامك.

**MohamedTag** · 28-09-2013 02:03 AM

المشاركة الأصلية كتبت بواسطة ayman_amer

انت عندك عربيات كتير بس المهم انت عاوز ايه من العربية يعني احتياجاتك عربية عائلية ولا مش فارقة عاوزها سيدان ولا هاتشباك بتحب الجري ولا مش فارق. مكان اقامتك لأن ده هيحدد مدي توفر قطع الغيار والصيانة. بتحب المغامرة ولا تقليدي يعني ممكن تجيب عربية مش منتشرة بس حلوة وتتحمل صيانتها ولا لازم تكون منتشرة جدا.
حدد احتياجاتك وطبيعة استخدامك.

انا عاوزها شبابي علي عائلي وبتجري وتكون سيدان واقامتي اسماعيليه والعربيه لازم تكون منتشره واستخدامي هتكون هروح للشغل وللكليه واسافر بيها كل اسبوع مره وعاوز شكلها حلو
يا ريت تقولي ايه انسب حاجه ليا

**mhopa2440** · 28-09-2013 02:12 PM

الافضل ف الفئة السعرية دي هي الكيا شوما او كيا سيفيا خليك فيها احسن من الدايو والاوبل طبعا افضل بس موديلات قديمة وسعر غالي وقطع غيار غاليه بس بتعيش جدا جدا

**besso33** · 28-09-2013 11:48 PM

المشاركة الأصلية كتبت بواسطة mohamedtag

شكرا علي المعلومات بالنسبه لاوبل فيكترا الماني هتكون موديل كام ؟

هتكون موديل 96 بس الشكل الجديد وفيه منها المانيوال 1600 او الاتوماتيك 2000 سي سي

**MohamedTag** · 01-10-2013 08:50 AM

المشاركة الأصلية كتبت بواسطة mhopa2440

الافضل ف الفئة السعرية دي هي الكيا شوما او كيا سيفيا خليك فيها احسن من الدايو والاوبل طبعا افضل بس موديلات قديمة وسعر غالي وقطع غيار غاليه بس بتعيش جدا جدا

لا بلاش طالما قطع غيار غاليه عاوز اجيب حاجه تريحني بدل مانا باجر عربيه كل شويه لما بسافر