اعمل عمره كامله ولا اشتري شورت بلوك

**mahmoud_dev** · 27-09-2013 10:58 AM

السلام عليكم ورحمة الله وبركاته

ارجو المساعده من خبراء المنتدي

عربيني لانوس وان 99 اوتوماتيك عددها عامل 250 الف

من السخونه حصل فيها مشكله وانا قدامي بديلين الاول العمره وده الميكانيكي قالي هاحتاج

طرمبة زيت
طقم بستم
طقم شمبر
طقم سبايك
طقم جوانات
طقم صبابات
بلية كاتينه
سير كاتينه
طقم بوجهات
بالاضافة لمصنعيات الخراط اللي هايعمل وش السلندر + خراط المواتير

البديل التاني وهو ماتور استيرد وانا سألت علي حسب معرفتي لقيت قدامي ماتور ب 2700 جنيه بدون ضمان غير الكشف عليه بس
وماتور تاني كامل بوحدات التغذيه والراجل عايز يبيه ب 3700 جنيه وضمان 20 يوم
مع العلم اني قلقت من الماتور الاستيراد لأن في ناس قالتلي انه مش مضمون اوي وبيبقي محتاج طقم شنبر

المفروض اخد قرار نهائي

ياريت تقوليلي ايه الافضل واللي عنده فكره عن اسعار الحاجات اللي محتاجها للعمره يقولهالهي وبردو اللي يعرف حد بيبيع ماتور استيراد كويس ومضمون يقولي

وشكرا ليكم جميعا

**Silent~Dream** · 27-09-2013 11:49 AM

بص لو ربنا كرمك بموتور استيراد نضيف و ده صعب يبقى توكل على الله بعد كشف الحريص جدا عليه و اخده على تجربه عدد ايام معين و لو عمره لازم تشترى كل حاجه اصليه و نضيفه و الخراااااااااااط اهم حاجه فى العمره لازم يكون كويس وعنده ضمير و بيعرف يشتغل ثم الميكانيكى بردو يكون صنايعنى محترم

**mahmoud_dev** · 27-09-2013 12:07 PM

لأ هو الماتور هايروح للخراط لأنه هو اللي هايعمل كل الكلام ده بس ده خراط مواتير غير الخراط التاني بتاع وش السلندر

**Ahmed Nasser** · 27-09-2013 12:29 PM

هو البلوك هيتخرط فية اية بالظبط

**mahmoud_dev** · 27-09-2013 12:50 PM

الشميز ويركب البساتم ويتركب طقم شنمبر والسبايك وفيه كوعات متاكله عايزه تتظبط وطبات

**ah-elgendy** · 27-09-2013 02:07 PM

ريح دماغك وهات واحد استيراد نظيف بدل وجع القلب بتاع العمره ولو عملتها وطلع بعد كده فى مشكله هتبقى الخساره اكبر

**rotanamasoud** · 27-09-2013 02:09 PM

موتور استيراد حاله الزيرو من نص وتشوف النص ماشى كام كيلو يفضل اقل من 50 الف
انا عرفت طريقه التجار بيعرفو المكنه النضيفه ازاى بيبصو على مجارى الميه ويشوفوها لو شكلها زيرو بتدل على حاله المكنه اما لو باين اثار الميه والتاكل والاملاح تبقى اشتغلت شويه حلوين

**Dr.Rayyan** · 27-09-2013 02:13 PM

نصيحه استيراد من تاجر محترم ويديك ضمان أفضل بكثير من شغل العك بتاع الخراطة لأن الميكانيكية مستواهم ف الغالب زباله إلا من رحم ربي وفي الاخر بتحصل مشكله بسيطة مش هتتحل وهتفضل منكده عليك

**ahmedibnali** · 27-09-2013 09:50 PM

ياريت لو حدا خبير فى المنتدى يقولنا ازاى نعرف ان حالة الموتور الاستراد كويسه ولا لا لانى واقع فى نفس المشكلة والميكانيكى قالى عايزين شورت بلوك و بصراحة خايف انى ادبس فى واحد تعبان العربيه لانوس 2 موديل 2002