ربنا يستر طريقنا يا احمد
و الله اصلا الطرق بقت تخوف من كتر الحوادث
ربنا يهدى
عرض للطباعة
أه عادي لو ال rpm وصل ل 5 و 6 وأنت بتجري وبتحرق علي غيار, وبتنقل علي اللي بعده,,
لكن مش عادي لو فضلت ماشي مثبت علي 5 أو 6 علي نفس الغيار لفترة,,
يعنى اانا لو ماشى و معدى ال 180 كم/س بيبقا ال rbm عدى 5
ده عادى ولا فيه حاجه ممكن تأثر على العربيه
و طبعا انا بتكلم عن طريق سفر يعنى همشى فتره كاسر rbm 5
لا دا عادي يا ريس في أي فتيس 4 سرعات,
التويوتا الكورولا الشكل القديم اللي هيا الدبة كانت علي 175 بتبقي علي rpm 6 تقريباً
وطبعاً دا كتير, بس هوا الفتيس الأربع سرعات كدا.
معلش اخوكم تاه فى النص .. احمد انت تقصد انى امشي على الغيار التانى او التالت و ال rpm على 5 او 6 .. مسافه طويله ده غلط
لكن لو فاتح على الرابع و ماشى 170 و 180 و عداد ال rpm ثابت شويه على 5 و 6 الاف ده مفيش مشكله زى مثال الكرولا ؟
انا كده فاهم صح و لا غلط ؟؟
كفيت و أوفيت
بس إستفسار بسيط
هو الصيانات الدورية بعد كده بتكون 10000 أو 6 شهور أيهما أقل برضه
و لا 10000 حتى لو عملتهم في سنة و نص
كنت بقول عادي أنك تحرق علي الغيارات وانت بتجري أو عايز تجمع سرعة,,
لكن مش كويس أنك تفضل ماشي مصبت سرعة علي RPM عالي زي 5 أو 6 كتير
علي أي غيار سواء رابع أو تالت أو تاني.
يعني رينج سرعة ال 150 كيلو ل 160 كويس في أي عربية, وبرضه عشان طرقنا الجميلة تعرف تهدي.
أكتر من كدا ممكن تمشي علي 180 لفترة برضه, بس متفضلش ماشي عليها كتير زي نص ساعة أو ساعة متواصل,, دا اللي كنت أقصده,
ودا عمرة ما هيحصل أصلاً علي طرقنا المصرية, :grinder:
وأبقي قابلني لو عرفت تثبت 180 لربع ساعة علي طريق. :wink01:
أول صيانة اللي هيا بتاعت ال 2500 كيلو المجانية, لازم تتعمل في خلال 2500 كم أو 6 شهور أيهما أقرب.
عشان يتأكدو من حالة العربية ولو فيها مشكلة تتعالج علي طول,
بعد كدا الصيانة كل 10 الأف كيلو أو سنة,,
وممكن لو معملتش 10 الأف كيلو في سنة تروح لما تبقي تعملهم,
بس خلي في بالك إن صلاحية زيت الموتور بتبقي سنة واحدة, وبعد كدا بيتأكسد وبيبقي فيه ضرر علي الموتور,
فالو مش هتقدر تروح التوكيل ممكن تجيب الفلتر الأصلي وتغير الزيت في أي بنزينة لو تغير الزيت برة مش هيخرج العربية من الضمان.
أنت ممكن تعمل 10 الأف كيلو في تلات سنين لو بتتحرك بالعربية في الأجازة بس أو بترفعها وتسافر برة,
وفي الحالة دي يفضل أنك كل ما تنزل أجازتك تروح تغير الزيت في التوكيل عشان لازم يتغير كل سنة علي الأقل,
وعشان تبقي بتعمل صيانتك معاهم كل سنة أو كل 10 الأف كيلو, فانت كدا مواظب علي صيانة كل سنة.
ودا هيفيدك في الضمان عشان لو حصل مشكلة في العربية هتبقي مواظب علي الصيانة في التوكيل,
عن اللي بيغير زيت برة ومش بيروح التوكيل خالص.