الموضوع: قال ويقولوا ان قطع غيار اليابانى ارخص من هيونداى هع

المشاركة الأصلية كتبت بواسطة ahmed travco

كدابين ونصابين طبعا يا باشا... ازاي يعني مش بيكسبوا في العربيات اللي بنشتريها بضعف تمنها الحقيقي؟؟؟ انا مش هدخل في حسبة الجمارك واطلعلك انهم بيكسبوا قد ايه في العربية الواحدة... بس شوف المثال ده كده:
الكورولا 2013 هايلاين كانت ب167000 قبل ما تزيد بدون سبب وتوصل ل172000.... ما علينا... الشارك هايلاين في نفس الفترة (وكانت موديل 2012) كانت ب163000 جنيه... تمام؟؟؟ اول ما عرفوا ان الدولار زاد قالك الحق السبوبة دي... فجأة لقينا الكورولا نطت وبقت ب183000 مع ان الشارك عملوا عليها عرض خصم 5000 جنيه وبقت ب158000 (وانا كنت حاجز اخر واحدة في مصر بعد دوخة طويلة وبعديها نزلت ال2013 فجبتها ب167000 برضه!!!!!)...

شفت بقى؟؟؟ يعني عربية تزيد 11 ألف بحجة سعر الصرف في حين عربية تانية في نفس الفترة ترخص 5 الاف والموديل الجديد منها اللي لسة متجمرك ينزل بسعر موديل السنة اللي قبليها!!!!!

باختصار شديد... احنا معندناش اي نوع من الضمير من البياعين ولا اي احساس ولا رقابة من الدولة... يعني توكيل تويوتا عارف ان المصريين بيحبوا الماركة دي وهيشتروا هيشتروا فيقوم يزود سعادته الكورولا 11 الف جنيه خبطة واحدة... وتوكيل ميتسوبيشي عارف ان الشارك مش بياعة فيقوم ينزل 5 الاف من سعر ال2012 ويبيع اللي لسة نازلة بنفس سعر السنة اللي فاتت لما كان الدولار -وبالتالي الجمارك- اقل!!!! وطبعا هوه في الحالتين مش خسران.... هوه بس كسب في الاولى 20 الف وفي التانية اضطر يكسب 15 الف بس يا عيني!!!!

طبعا ناهيك عن السرقة العلنية في الصرانان وقطع الغيار.... يعني لما اروح اغير للشارك زيت + فلتر زيت وادفع 700 جنيه واروح يبقى الناس دي عارفة هي بتعمل ايه بالظبط....

بس ربنا إن شاء الله مش هيباركلهم لا هم ولا البلد اللي سايباهم يعملوا فينا كده....

معلش انا طلت في تفاصيل بعيدة شوية عن الموضوع الاساسي بس حبيت افش غلي!!

علشان انا عارف ان التوكيلات دول حرامية مبروحش التوكيل الا وانا بشتري تيل الفرامل الاصلي فقط لا غير وعربيتي بقالها معايا 5 سنين مدخلتش التوكيل الا مرة واحدة في تغييرة تيل وشكرا والحمدلله ماشية زي الفل و مش ناوي ادخل التوكيل تاني من اساسه انا اخري اشتري قطعة الغيار الاصلية من هناك واركبها بره و شكرا على كدة