مفتاح الريموت ضاااااع

**crayvor** · 27-09-2013 09:03 PM

السلام عليكم :)

قدر الله وما شاء فعل.. مفتاح السانديرو اللي فيه الريموت ضاع
كنت ف سفر لفترة وكان ابويا أو أخويا حد بيدورها شوية وحد يطلع بيها علي خفيف عشان ماتنامش رجعت ماحدش لاقي المفتاح اللي فيه الريموت :(

طبعا حاحط أسوأ احتمال انه ضاع في حتة قريبة وحد لقاه وممكن يكون مستني يشوفها راكنة برة الجراج..

الحل حاليا اني عاوز أجيب مفتاح ريموت جديد وأغير الشفرة بتاعة المفتاحين..

حد يعرف حاتتكلف كام؟ ولو فيه حد ف اسكندرية برة التوكيل يعمل الموضوع ده؟ وممكن يأثر علي الضمان؟

وبالمرة لو حبيت أغير الطبل كلها (2 كالون باب + كونتاكت + شنطة) تكلف كام؟

**ASCOM** · 27-09-2013 09:56 PM

طالما انت في الضمان اعملها فالضمان افضل

**ece_o_nail** · 03-10-2013 11:10 PM

فى ناس بتوصل كابل على كمبرتور العربية ويتم ادخل المفتاح الاخر بالكنتاك ويتم تنزيل شفرة جديدة وتعريف مفتاحين الجديد والاصلى الذى لم يضيع وان عملت كده عندى والتكليفة 200 جنية بس عملت مفتاح عادى وليس ليس به رمود

**smsm91158** · 04-10-2013 03:15 AM

بص يا باشا

انا عملت الفيلم دا وكلفنى حوالى 2000جنيه وعربيتى لوجان من سنتين

مفتاح الريموت لوحده بدون سلاح حوالى 700

الطقم (سلاحين + طبلة شنطة + طبلتين بابين) حوالى 850 جنيه

برمجة كميوتر حوالى 200 جنيه

انا عملت الموضوع دافى توكيل العامرية

اتمنى اكون افتتك

**ooworld** · 07-10-2013 09:07 PM

انا جبت الريموت من التوكيل ب 1000 و ده كان من حوالى سنه (اسمع انه غلى) و بياخد حوالى اسبوعين لحد ما يوصل عندهم بعد كده كودته بره ب 60 جنيه.

**crayvor** · 15-10-2013 02:25 PM

ألف شكر يا رجالة ع الردود

امبارح كان ليلة العيد وعقبال عندكم كنت في سموحة عند زهران (اسكندرية) وكنت فاكر ان فيه حد بتاع مفاتيح هناك.. رحت لقيت عنده مفتاح الفابريكة بالريموت ومن غير..
سألته الأول اذا كان يقدر يطلع مفتاح ريموت من مفتاح عادي (مافيهوش ريموت) قالي ممكن مافيهوش مشكلة بس نسيت اسأله حايطلع الشفرة من العادي ويحطها في التاني يشتغل الريموت اوتوماتيك ولا حايجيب حاجة من كمبيوتر العربية.

المهم الأسعار
300 مفتاح أصلي عادي بدون ريموت + عمل سلاح المفتاح + الشفرة
550 مفتاح أصلي بالريموت + عمل سلاح المفتاح + الشفرة

حاروح ان شاء الله أعمله بعد العيد باسبوع كدة وأبلغكم النتائج

وداعا للتوكيل والنصب :)

للأسف مش حاقدر أفيد حد من برة اسكندرية لأني ماسألتش غير في اسكندرية بس.