حادث سيراتو على سرعة 160 كم \س مش عارف السبب

العربية سيراتو 2012 خليجى exالنهاردة وانا كنت على طريق صحراوى على سرعة 160 لقيت فى لمح البصر حدث الاتى ومش عارف اية السبب؟
كنت فى منزل شوية وانا واخد الحارة اليمين فكان فية شوية رملة وظلط صغير خفيف على الحارة اللى انا ماشى فيها فلقيت العربية بتعوم منى جامد جدا جدا ومش قادر اسيطر عليها (حدفت شمال ثم يمين ثم شمال مش فاكراية بالظبط)وانا كنت فى اتجاة الشرق ففى لمح البصر لقيت العربية مالت نحية السواق كانها حتتقلب وبعدين لقيت نفسى فى اتجاة الغرب والعربية النحية اللى ورا كلها الاكسدام الخلفى وراه جبل رملة والرملة لحد الاكسدام والبلاستيكة السودة مفكوكة وفى خبطة فى الرفرف اللى ورا شمال والعجلتين اللى نحية السواق نايمين واللى ورا شمال ملقتش فيها خرم اما التانية لسة معرفش؟؟؟؟؟؟؟؟؟؟زعلت اوى على العربية فمش عارف العيب فى مين فيا انا ولا العربية كدا يعتبر خذلتنى ولا اية؟ولاالكوتش بس الحمد لله

المهم سلامتك والف حمد لله والشكر
ونرجوا الرد من الخبراء

قدر الله وماشاء فعل وحمدالله على سلامتك
اكيد الرمله او الزلط او الحصا اللى مشيت عليهم بالسرعه دى سبب مباشر للى حصل ومعتقدش الكوتش ضرب لانه ببساطه كنت هتسمع صوته
عموما حصل خير وبلاش السرعه الزياده دى مره تانيه

اول حاجة الف حمد لله على سلامتك
ربنا نجاك ، ولازم تسجد شكر وتطلع حاجة لله

ثانيا تحليلى للى حصل
العربية ex يعنى على حد علمى مفيش عندك esp و لا حتى ABS
مشيك على رمل وحصى على السرعة دى خطر جدا جدا لان بيحصل اختلال في احتكاك العجل مع الارض
خصوصا لو نص العربية على اسفلت احتكاكه عالى والنص التانى على رملة مزحلقة ده فعلا يخلى العربية تلف حوالين نفسها وتفقد توازنها وبيؤدي في الغالب لانقلاب السيارة خصوصا على السرعة العالية ، فالحمد لله انت ربنا سترها معاك ..

الكاوتش في رأيي ما انفجرش ولا حاجة ، اللى حصل غالبا ان الجنوط اتعوجت لما العربية مالت ، فده اللى جاب العجل ع الارض

الف حمد لله ع سلامتك مرة تانية ، ومعلش ، اللى حصل بردو حاجة بسيطة وكفاية خروجك منها سالما ، وبلاش تتعقد من العربية ، بالعكس ، ربنا ستر والعربية مسكت نفسها في الاخر ..

ريحت رجلك على الفرامل لما وصلت للرملة ؟
والحمد لله على سلامتك

الحمد لله على السلامه و العربيه فقدت ال traction بسبب الرمل و الظلط

اقتباس:

---

المشاركة الأصلية كتبت بواسطة amrelsaqqa

اول حاجة الف حمد لله على سلامتك
ربنا نجاك ، ولازم تسجد شكر وتطلع حاجة لله

ثانيا تحليلى للى حصل
العربية ex يعنى على حد علمى مفيش عندك esp و لا حتى abs
مشيك على رمل وحصى على السرعة دى خطر جدا جدا لان بيحصل اختلال في احتكاك العجل مع الارض
خصوصا لو نص العربية على اسفلت احتكاكه عالى والنص التانى على رملة مزحلقة ده فعلا يخلى العربية تلف حوالين نفسها وتفقد توازنها وبيؤدي في الغالب لانقلاب السيارة خصوصا على السرعة العالية ، فالحمد لله انت ربنا سترها معاك ..

الكاوتش في رأيي ما انفجرش ولا حاجة ، اللى حصل غالبا ان الجنوط اتعوجت لما العربية مالت ، فده اللى جاب العجل ع الارض

الف حمد لله ع سلامتك مرة تانية ، ومعلش ، اللى حصل بردو حاجة بسيطة وكفاية خروجك منها سالما ، وبلاش تتعقد من العربية ، بالعكس ، ربنا ستر والعربية مسكت نفسها في الاخر ..

---

فعلا لو كان عنده esp كانت العربية لحقت نفسها

علشان كده دايما اوبشن abs / ebd مش كماليات ديه اساسيات فى العربيه

انا معايا سيراتو 2010 سعودى مرضتش اشتريها الا وهى كامله فيها كل حاجه والحمد لله زى الفل

وربنا نجيك يارب من كل شر

في الغالب انت تقلت رجلك علي الفرامل وهي في الرمل والحصي وده خلي العربيه تفقد توزنها وتلف يمين شمال اكثر

في اعتقادي في كاوتش ضرب وياما كوتشات بتضرب بدون صوت لان نفترض ان في زلط ورمل خفيف على قولك مش هيحصل حاجه الا لو ضربت فرامل عالزلط ده انما بدون ولا الهوا.....
ده رايي البسيط والحمد لله على سلامتك وباذن الله العربيه تتصلح وترجع زي ما كانت...

تحياتي

Sent from my Xperia Arc S using Forum Runner

انت اتكتبلك عمر جديد، الحمد الله العربية ماتقلبتش
احنا عندنا عوامل الأمان في شوارعنا وعربياتنا تعبانة، ربنا اللي بيسترها

لسا حصلى الموقف ده عالصحراوى من 15 يوم كنت ماشى على 140 والعربيه عامت منى لوحدها بس ربنا ستر وكشفت عالفرامل عند ورشه وفى التوكيل قالولى الفرامل واخده هوا فاتقفش لوحدها العجلتين الى ورا . الحمدلله ان ربنا ستر عليك بس نصيحه اكشف عالفرامل والكاوتش لو ملقتش حاجه يبقى من الطريق بس لازم تكشف احتياطى

لو لمست الرمل على الاسفلت وزدت دوسة البنزين لازم العربية تروح يمين وشمال

حمد الله على سلامتك

اقتباس:

---

المشاركة الأصلية كتبت بواسطة dr.hazem

في اعتقادي في كاوتش ضرب وياما كوتشات بتضرب بدون صوت لان نفترض ان في زلط ورمل خفيف على قولك مش هيحصل حاجه الا لو ضربت فرامل عالزلط ده انما بدون ولا الهوا.....
ده رايي البسيط والحمد لله على سلامتك وباذن الله العربيه تتصلح وترجع زي ما كانت...

تحياتي

sent from my xperia arc s using forum runner

---

+11111111
انا عندي فردة كاوتش ميشلان كانت عاملة 20.000 بس و ضربت وانا ماشي على اسكندرية الصحراوي على 90 تقريباً ..... وماطلعش أى صوت منها نهائي ......... حمد لله على سلامتك

العربية فيها abs
والمفاجاة انى ملقتش ولاحاجة فى الكاوتشات
بس على ما افتكر ان العربية موجت قبل ما تدخل على الرملة
وثانيا انا كنت جى من مشوار 120كم بسرعة 160 بردو
ولكن انا كنت عايز اعرف السبب علشان اتلافاه وميحصلش وافيد اعضاء المنتدى
وشكرا للعضاء الاعزاء

مابلاش يا جماعة السرعة العالية خصوصاً اليومين دول ممكن تلاقي في زيت على الطريق ولا حاجة لاقدر الله

ربنا ينور طريقك ولازم تكشف على عربيتك الاول قبل اي سفر

السبب : الـسرعة
العوامل : 1- الطريق 2- العربية

السرعة + عوامل الطريق = حادث مروع ممكن كانت تتقلب بيك العربية

الحمدلله على سلامتك السرعة قاتلة

حمد الله على سلامتك واكيد الرملة الي مشيت عليها هي السبب

قدر الله وما شاء فعل بس العربيه دى مش بتاعه جرى

اقتباس:

---

المشاركة الأصلية كتبت بواسطة محمد معاطى

قدر الله وما شاء فعل بس العربيه دى مش بتاعه جرى

---

ياباشا السيراتو مش بتاعة جري !!!!
في ناس قفلت العداد بيها ومن هنا في المنتدى وبالصور والفيديو

الحمد لله انك بخير ودة المهم

الف حمد الله علي سلامتك

اقتباس:

---

المشاركة الأصلية كتبت بواسطة 2code

ياباشا السيراتو مش بتاعة جري !!!!
في ناس قفلت العداد بيها ومن هنا في المنتدى وبالصور والفيديو

---

معلش انا اسف هوا الجري في نظرك يبقى تقفيل عداد ؟؟؟؟ انا مبغلطش فيك لكن ده اسمه غشامه و ده اللي ربنا يكفيك شر واحد غشيم معاك على طريق
القياده يا باشا فن مش غشامه يعيني تعرف تسحب و تشد و تلم نفسك لو طرق شئ
و الراجل مش بيقول ان السيراتو مبتجريش لا بتجري و بتجري او بس ابقى هات معاك حد يعرف يوقفها
انا اسف لو كلامي هجومي بس هوا مالوش غير كده

من واقع الحوادث الي عملتها (انا بقيت سينيور دلوقتي في عومان السيراتو :( )
اكيد انت كسرت الدركسيون بشكل مفاجئ و بعدين هي دخلت عل الرمل و عامت منك لكن مستحيل انها تعوم لو انت ماشي عل الرمل بشكل مستقيم الا لو فيه حتت عليه و وطيه في الطريق
انا عمت بالسراتو اكثر ما مشيت بيها و الحمد لله كنت بلمها من غير اي خسائر لكن هي فعلا صعبه جد في اللم اول ما بتعوم بتكون عوزه تكمل يمين في شمال
لكن الحمد لله عل كل شئ اخر حادثه دي لم يكن لي دخل فيها هي كلت النقر و طارت علطول مخلتنيش اتعب نفسي :(
العربيه دي امانها عالي جدا ما شاء الله انا نازل منها مفيش الا كام كدمه بس و الصلون بتاع العربيه سليم بشكل كبير الي بهدلنا الازاز الي حمبنا و فتحه السقف بس
لكن هي فعلا عربيه مش بتاعت جري اخرك عشان تبقا في الامان ١٠٠ ١٢٠ لو الطريق سليم للعلم انا كنت ماشي ١٢٠ و انا داخل عل النقر دي و كنت هارس الفرامل ابل ما اخش بحوالي ١٠ متر بس الحمد لله عل كل شئ


نصيحه لكل مالك سيراتو (او اي عربيه كوري اوي اي عربيه مش ثابته) الجري بالعربيه تهلكه انا لعبت بيها و عملت بيها كل حاجه و مكنتش بمشي عل طريق الا ١٨٠ لكن ساعه الخطر العربيه دي مش هتنفعك نهائي مقص يتكسر كوتش يفرقع بتستسلم علطول و تقلب عل سقفها و ربنا يسترها معانا جميعا

حمدلله علي سلامتكبسيا راجل علي سرعه زي ده ومش عارف ليه بس الحمدلله ان بخير وده الاهم

الف حمداللة على سلامتك
ونصيحة لأى حد بلاش السرعة فوق ال 120 بدليل انك فى اى عربية بتركبها بتلاقى alarm بعد ال 120 صح؟

موضوع ان السيراتو مش بتاعت جرى والكلام دة اى عربية بتجرى دة الفيرنا بتجرى بغياء بس تعالى وقفها !!!!!!!!!

الموضوع ببساطة انك ازاى تعرف تعمل handling لعربيتك تعرف امتى تجرى وامتى ماتجريش واللة احيانا وانا باخد غرز وبتكون غرز على سرعات عالية بلاقى ان الواحد احيانا لما بيدوس بنزين احسن من الفرامل !!!1

من وجهة نظرى خصوصا انى من ملاك السيراتو القدام العربية فعلا خفيفة على السرعات العالية وال stability بيتاعها مش هوة اللى يخليك تجرى بيها فوق ال 160 وانت مطمن
عايز عربية تحرى بيها وانت متطمن هاتخش فى فئة سعرية فوق ال 250 الف جنية
غير ان الطرق بتاعتنا حدث ولا حرج بحد كوارث :hugging:

الخلاصة وهاقولها على طول الرك على السواق مش العربية كل واحد يعرف امكانيات عربيتة

وحمداللة على سلامتك وربنا بسترها معانا كلنا يارب العالمين

للاسف ان معظم العربيات الى منتشره فى مصر مش بتاعت جرى معظمها عربيات صغيره اخرها 120 كحد أمن
العربيات الى تجرى بيها وانت مطمئن فوق ال2400 سى سى و تجيب 160 وانت مطمن جدااا ولا تحس بحاجه
اما تقفيل العداد اى عربيه بتقفل عدادها لو مكنتها سليمه لو العربيه 800 سى سى بس ابقى قابلنى لو وقفتها بالساهل
لان الفرامل اصلا مش معموله عشان تكلبش العربيه فى مكانها هى عشان تقلل السرعه

اقتباس:

---

المشاركة الأصلية كتبت بواسطة 2code

ياباشا السيراتو مش بتاعة جري !!!!
في ناس قفلت العداد بيها ومن هنا في المنتدى وبالصور والفيديو

---

مع احترامي
سيادتك فهمت الموضوع خطأ
أي سيارة ممكن تجري
بس هو يقصد عوامل الامان في حالة السرعة ليست كافية
تحياتي

اقتباس:

---

المشاركة الأصلية كتبت بواسطة crazydeepman

معلش انا اسف هوا الجري في نظرك يبقى تقفيل عداد ؟؟؟؟ انا مبغلطش فيك لكن ده اسمه غشامه و ده اللي ربنا يكفيك شر واحد غشيم معاك على طريق
القياده يا باشا فن مش غشامه يعيني تعرف تسحب و تشد و تلم نفسك لو طرق شئ
و الراجل مش بيقول ان السيراتو مبتجريش لا بتجري و بتجري او بس ابقى هات معاك حد يعرف يوقفها
انا اسف لو كلامي هجومي بس هوا مالوش غير كده

---

فعلا هى دى المشكله ان معظم اللى راكب عجل اليوميين دول فاكر الموضوع جرى ونفخ وبس
وياما قولنا ان العربيه الجيده هى اللى بتثبت فى الحركه وبتقف كويس مش اللى بتجرى كويس وبح
وربنا يهدى سواقين مصر