الــسلامـ عليكــم ورحمــة الله وبــركـاته ..
ياريت الخبراء يفيدونا في عيوب ومميزات السيارتين كيا سيفيا وشوما .. ايه مميزاتهم وايه العيوب الشائعة فيهم وايه الافضل بينهم .. لانى عاوز اشترى سيفيا او شوما !!
شكراً :) .. واسف ع الاطالة .
عرض للطباعة
الــسلامـ عليكــم ورحمــة الله وبــركـاته ..
ياريت الخبراء يفيدونا في عيوب ومميزات السيارتين كيا سيفيا وشوما .. ايه مميزاتهم وايه العيوب الشائعة فيهم وايه الافضل بينهم .. لانى عاوز اشترى سيفيا او شوما !!
شكراً :) .. واسف ع الاطالة .
Uppppppppppp
انا العربيه دي كانت معايه وهيه عربيه محترمه مالهاش اعطال خالص سنتين مشتكتش من حاجه بس لو الباور باظ بتتعب لغايه ما يتظبط
غير كده عربيه محترمه جدا جدا
الكيا شوما 1 هي الكيا سيفيا من حيث الموتور العفشة التابلوه هي هي بالظبط
العيوب زي اي عربية عادي مفيش عيوب غير اعطال لو انت فاهم ف العربيات تقدر تعمل الصيانات المطلوبة وتعيش معاك سنين تمام ومتقلش معاك -- بس العيب الظاهر الوحيد هو ان عدد المحلات اللي بتبيع قطع الغيار اقل من الدايو مثلا بس كل حاجتها موجودة وبنفس الاسعار زي الدايو تقريبا حتى لو زيادة شوية بس فرق بسيط عادي يعني
المميزات هي من وجه نظري الأفضل في الفئة السعرية 40 حتى 50 الف جنيه
الاختيار شوما ولا سيفيا على حسب زوقك فقط لا غير بس السيفيا سعرها اقل شوية من الشوما
عربيات ممتازة في كل حاجة
ماعدا بعض العيوب اهمها
اسعار قطع غيار غالية ومش متوفرة في كل مكان
الفتيس الاوتوماتيك مش كويس
الصاج ضعيف والعربية بتتبهدل بسرعة خصوصا السيفيا
السيفيا فيها ميزة قوية جدا، ناس قليلة اللي يعرفوها، وهي ان سير الكاتينة لو اتقطع، العربية بتفصل أوتوماتيك، ومابيحصلش أي ضرر للموتور
انا ليا تعليق لو سمحت
- قطع الغيار سعرها فعلا اعلى من الدايو والفيرنا بس حضرتك فرق السعر كام يعني السير ابو 60 هتلاقي ب 80 وتيل الفرامل ابو 120 هتلاقي 145 وممكن يكون ف فرق اكبر ف سعر الحساسات بس بردوا الحساس ممكن تغيره مرة واحده ف عمر العربية او مش يتغير خالص بالمقارنة بالنوبيرا مثلا
- الفتيس الاتوماتيك دا ممتاز حضرتك بشهادة ناس كان ف المنتدى وطبعا مش معنى ان واحد عنه سيفيا او شوما ومش قدر يحافظ على الفتيس يبقى دا عيب فتيس اعرف صديق بوظ فتيس اوبل فكترا ولف عليه الدنيا وجابه ب 3500 ج ولو حبيت تقارته بالاوتوماتيك نوبيرا هيكسب بفرق كبير بس طبعا هو مش افضل من الفيكترا ولا حاجة بس قصدي سوء الاستخدام
- الصاج الضعيف دا اكبر عيب الدايو عموما وخصوصا الموديلات التقفيل المصري اما البهدلة دي عند حق خامات التابلوه فعلا سية جدا بالمقارنة بالفيرنا والدايو ولا يكون ليه عناية مستمرة
اسف على الإطالة بس حبيت اوضح لان ف شخص هياخذ القرار على رأي الناس الموجودة وياريت تكون تقبلت رأيي
الف شكر ليكوا يا رجالة :)
متشكر ليكوا كلكوا .
انا قلت وجهة نظري المتواضعة وموضوع الفتيس الاوتوماتيك ده اانا صادفته كذا مرة مع اصدقائى
بالنسبة لقطع الغيار دى تشمل القطع الخارجية وقطع الصالون مش بس قطع الموتور والقطع الاستهلاكية يعنى انت ممكن تلف على اوكرة الباب الداخلية وما تلاقيهاش ولو لقيتها تلاقيها بـ 100 جنيه مثلا ، وطبعا الواحد مش هيبقى مبسوط لما يجيب حاجة زي كدة بـ 100 جنيه لعربية في الاول وفي الاخر كوري ، صح ولا ايه ؟
لو مش مصدق كلامى ادخل شوف بنفسك في موضوع رابطة ملاك السيفيا ..
وطبعا انا متقبل وجهة نظرك :) مفيش اي مشكلة :)
اانا لسا جايب كيا شوما وبصراحا انا شايف ان هيا عربيه ممتازه وافضل من لانوس بكتير واكبر حجما الشنطه تحفا