زى العنوان كدة انا عاوز اعرف ازاى اغير زيت الفتيس الاوتوماتيك والفلتر لفيكترا ايه وايه احسن نوع زيت لانى ماشي 237000 كم وماغيرتش الزيت خالص. انا معنديش أى مشاكل فى الفتيس خالص والحمدلله بس قلقان لان المدة كبيرة جدا.
عرض للطباعة
زى العنوان كدة انا عاوز اعرف ازاى اغير زيت الفتيس الاوتوماتيك والفلتر لفيكترا ايه وايه احسن نوع زيت لانى ماشي 237000 كم وماغيرتش الزيت خالص. انا معنديش أى مشاكل فى الفتيس خالص والحمدلله بس قلقان لان المدة كبيرة جدا.
بالنسبة لزيت الفتيس
في شل 220 و موبيل 220 في حدود 35 جنيه للتر
وفي شل 320 و موبيل 320 في حدود 55 جنيه للتر
طبعا ال 320 افضل في اللزوجة سواء موبيل او شل
وفي نوع تاني اسمه فيبي ناس كتير بتشكر فيه بس انا بصراحة مجربتهوش
وده بيعمل 85 جنيه للتر
انا شخصيا بستعمل موبيل 320
اما بالنسبة لفلتر الفتيس فمعنديش فكرة عن سعره او طريقة تغيره
واتمنى حد من الاعضاء يفيدك ويفيدني في موضوع الفلتر
انا ان شاءالله هجيب شل او موبيل 320 بس مكان الطبة اللى هنزل منها الزيت فين وهضيف الزيت الجديد من مكان المقاس؟
الطبة بتكون تحت الجير بوكس
وممكن تغير الزيت من غير ما تفك الطبة عن طريق مكنة الشفط اللي بتكون عند بتوع غيار الزيت
وبتشفط الزيت من مكان المقاس
وبتضيف الزيت برضه من مكان المقاس
العربية هتاخد 4 لتر و خليك فى السليم و لو زيادة هيطلع من الفايظ بتاع العربية
لو حطيت زيت زيادة هيطلع من الفايظ لوحده ولا فيه حاجة لازم افتحها علشان يطلع والزيت الزيادة هيطلع من فوق الفتيس ولا من تحت.
ياريت تراجع الموضوع ده قبل ما تغير الزيت
http://www.nilemotors.net/Nile/375416-a.html
شكرا يا محمود بس انت كدة قلقتنى خالص ومش عارف اعمل ايه هل اغامر واغير الزيت كله ولا اغير نصه واسيب نصه علشان احافظ على الرايش زى الراي اللى فى اللينك بتاعك ولا اسيبه مادام شغال كويس. انا والله محتار جدا وكويس انك قلتلى على اللينك بتاع الموضوع ده وياريت حد يقولى قول فيصل لانى ماشي حوالى 150000 كم بدون غيار زيت بينما صاحب الموضوع مشي 70000 بس ولما غير الزيت الفتيس مشتغلتش. .اعمل ايه؟
تمام ، انا كنت فاكر كدا باردوا لكن بعد كلام جلجل وانه حصل معاه الموضوع وبعد كلام صاحب الموضوع نفسه فاظن التجربة خير برهان
ياما تغامر وتشفط الزيت زي ماقال الدكتور هلال ، ياما تخليك زي مانت لغاية اما الفتيس يودع بعد عمر طويل
بس
لو منك مش هاغامر ، الا لو معايا فلوس فتيس استيراد
طبعا الفلوس مشكلة بس في حل تانى انى اشفط كل الزيت القديم فى جركن نظيف وبكدة ممكن يكون الرايش مترسب تحت ومايخرجش مع الزيت وبلاش افتح الطبة اللى فى الفتيس لانهاحتخرج كل حاجة واحط الزيت الجديد واجرب لو الفتيس اشتغل يبقي خير وبركة ولو باظ ممكن ارجع الزيت القديم تانى بالرايش بتاعه ولا ايه رايك. هى افتكاسة بس ممكن تنجح.
ههههههههه
الافتكاسة ديه ممكن تكلفك 2500 جنيه على الأقل ، دا سعره في الفكيترا بي معرفش في الـ a عندك بكام
نصيحة: ما تلمسش المكنة الشغالة
اوعي تعمل كدة
توكل علي الله وغير مش علشان واحد حصلت معاة مشكلة نعممها
بس الاحسن سيبك من الشفط حتلائي علبة صغيرة في اسفل الفتيس فكها ونزل الزيت
وحط تقريبا اربعة لتر 320 موبيل
الفلتر ب400ج
وفلتر الاوبل ما بيتغيرش غير مع عمرة الفتيس لو تالف
لان الفلتر في قلب الفتيس
علشان تغيرة حتقسم الفتيس نصفين وانا لا احبذ ذلك
انا هروح النهاردة إن شاء الله للميكانيكى واشوف هيقول ايه وهخليه الاول يشوف الزيت القديم وحالته لو مش بنى يبقى مفيهوش رايش كتير وساعتها اغيره لانى شفته النهاردة الصبح ولقيت لونه بنى فاتح اوى ومش غامق ولزوجته كويسة وبعدين فى أسوأ الأحوال لو جبتله طقم اصلاح وصرفت 1000- 1200 جنيه ويبقى جديد احسن من لما استنى واضطر اشترى واحد 2500 جنيه
الحمد لله غيرت الزيت النهاردة وكل حاجة تمام وفعلا الميكانيكي قال لى إن فى عربيات الفتيس بتاعها مشتغلتش لما غيرت الزيت بس ده عمره ماحصل معاه فى الاوبل وده اللى شجعني وغيرته وكله تمام وده يثبت ان الاوبل عربيات جبارة لانى ماشي على الزيت القديم رقم قياسي 237000 كم والفتيس ماشاءالله كويس جدا..وشكرا لكم جميعا
الحمد لله ، دلوقتي احفظ انت غيرت عند كام كيلوا في العداد عشان هاتغير بعد الـ 30 الف
هو المفروض كل 60 الف بس انت غيره بعد الـ 30 أضمن
هاهاها انا فعلا كتبت عداد العربية عامل كام دلوقتى وان شاء الله هغيره على 30 او 40 ألف.
على فكرة انا كان معايا عربية أمريكى وقعدت معايا 4 سنين وبرضه عمرى ماغيرت زيت الفتيس بتاعها لانى كنت بقيسه بس.
تجربة مفيدة اعتقد هيستفاد منها الكل
بس لمعلوماتك
الزيت اللى انت حطيته دا بيقعد 75000كم ل 80000كم
لو هتغيره على 30000 او 40000 تبقى غلطان
انا جارى ماشى عليه 7 سنين بيغير على 70000كم لعربيته الاودى a3
وبيسافر بيها يوم ويوم طنطا
سؤال وارجو الرد
لو زيت الفتيس ناقص ينفع ازود الزيت باي نوع زيت اتوماتيك
ولا اغير الزيت كله