الموضوع: مطلوب مشورة الخبراء في مشكلة تكييف اوكتافيا ٢٠٠٨

انا لسة شاري اوكتافيا ٢٠٠٨ a5 اليجانس .. و العربية لله الحمد تحفة تستحق الاقتناء و لكن الحلو ما يكملش فوجئت بمشكلة التكييف العويصة .. و ما يشغلني الان هو كيفية الحل الامثل لها بحيث كل من يعاني من نفس المشكلة يجد الحل جاهزا امامه و لذا ارجو منكم جميعا المشاركة و ابداء الاراء حتي نصل للحل المناسب بقدر الامكان ان شاء الله .. بعد بحث و فحص و لف كان ما توصلت اليه بمساعدة الزملاء في منتدانا الجميل : ١- شراء كومبروسور و سربنتينة جديدة في التوكيل بالتركيب حوالي ١٠ الاف جنيه مصري ( رقم خيالي جدا الصراحة )
٢- شراء كومبروسور و سربنتينة صيني و ان اختلفت المسميات و التكلفة خمسة الاف جنيه ( و يا عالم هايشتغل قد ايه ؟ )
٣- شراء كومبروسور استيراد من الحرفيين و سربنتينة اصلي من التوكيل و التكلفة في حدود ثلاثة الاف و خمسمائة جنيه ( و برضه يا عالم برضه الاستيراد و حاله ؟ )
٤- شراء كومبروسور اصلي من الخارج جديد عن طريق مختصين بالاستيراد و بشرط تحديد مواصفات الكومبروسور المراد شراءه و كذلك السربنتينة المطلوبة من الخبراء و الاتفاق مع احد مهندسي التكييف بحيث يتم التركيب عنده لاعضاء نايل موتورز و عمل باكدج للتكلفة مثلا
٥- حالتي انا شخصيا حيث وجدت تسريبا من الكومبروسور و بعد الفحص الجيد بضغط الهواء تبين ان التسريب من مسمارين من مسامير واجهة الكومبروسور و لا ادري بالطبع هل يمكن عمل لحام فيها او تغييرها بمسامير اكبر مثلا لسد التسريب
.. اخيرا برجاء مشاركة جمبع الاخوة هنا و كل من تعرض لنفس المشكلة و توصل لحل و قام بتنفيذه يشاركنا برأيه ..
عذرا للاطالة اخوتي و لكنها افكاري للطرح عليكم و طلب المشورة منكم .. و ما خاب من استشار

لو التسريب من بين المسامير كدة ممكن يتعمل بس مش اى واحد يعملة كلة بيستسهل وخلاص ويقول اشترى
بدل ما تتكلف كل دة اعرف واحد بتاع تكيفات هايعملهوك اتصل بى وانا اوصلك لية ان شاء الله
01145471762