الموضوع: سؤال بخصوص لمبات زينون h1 و d2s

شكرا على الرد جدا، طيب ال d2s ده صيني برضه مش كده؟

طيب محدش يعرف سعر اللمبة الأصلي (غالبا فيليبس) في التوكيلات زي نيسان وبيجو وسكودا وغبور، لأن القشقاي والمازدا والأوكتافيا والبيجو بينزلو بزينون فأكيد فيه قطع غيار؟

بس لو بتشتري من توكيل زي نيسان أو حتى بي إم أو مرسيدس، مش الفروض في الحالة دي تكون مش مضروبة. ما هي ممكن تكون صناعة صيني بس مش مضروبة، زي ما كل الموبايلات السامسونج مثلا تقفيل صيني، بس أصلية.

عموما شكلي كده هدوس في الطقم ال h1 حتى لو جودة اللمبات الصيني يوم ما أحتاج أغير مش عجباني، ممكن ساعتها أشتري من بره وساعتها اللمبات بشحنها ممكن يبقى بثمن لمبة فيليبس واحده لو أصلي.

ده أنا إكتشفت إن كل أطقم الزينون إللي بتتباع على إنها أصلي وب ١٤٠٠ و ١٦٠٠ جنيه فيلبس وأوسرام كلها مضروبة، ببساطة لأن لا فيليبس ولا أوسرام بتعمل لمبات زينون H1 و h4 و h7 ... إلخ. بيعملو لمبات d2s و d2r و d1s.... إلخ والمصيبة إن طقم زي الأوسرام المضروب مثلا بيتباع في التوكيل بتاع أوسرام!!!! قمة النصب!

نبتدى من الاول خالص
الكشافات الهالوجين دى لمباتها بتكون H1 , H7 , H4 , h11, 9005,....
اما الكشفات البتنزيل زينون لمباتها بتكون D1S, D2S, D3S,D4S دى المقسات بتاعت الكشفات الزينون البتنزل بعدسات
الكشفات البتنزل زينون بدون عدسات زى الكورولا و سيفيك مثلا لمبتهم مقاسها D1R, D2R, D3R,D4R
S >> للعدسات و R >> للكشفات البدون عدسات
D1 و D3 دول اللمبات بيكون فيها علبة صغيرة اسمها ignitor بتكون built in و هدفها ام ميبقاش فى سلك ماشى عليه كهرباء عالية لان بداية تشغيل الزينون 23KV و بعد كدة بيستقر على 85V
D2, D4 بيكونوا منغير built in ignitor
D3 , D4 بيشتركوا انهم HG free مش داخل فى تصنعهم زيبق و فولت التشغيل اقل من D1 , D2
تقدر تقول ان D3 هى الجيل التانى لل D1
D4 هى الجيل التانى لل D2

اللمبات ال H1 الزينون دى اسمها rebased bulbs افتكاسة صينى عشان يقدر يخليك تركب زينون فى كشاف اصلا هالوجين و تمنها هنا بتراوح بين 80 - 130 الطقم
و D2S تمنها بيتراوح بين 150 - 300 الطقم على حسب الجودة

الزينون الفيليبس و الاوسرام البيتباعوا فى التوكيل مش المانى و مش مضروبين بمعنى
لما الشركات دى لقيت ان الموضوع ده مربح قالت و ماله نخوش فيه بس عشان هو مش قانونى فى اغلب الدول انك تركب زينون فى كشاف هالوجين مش حتلاقى الاطقم دى على مواقع فيليبس و اوسرام فى الدول دى

اما عن الصناعة فهم تقفيل صينى الاتنين بس فيليبس بتتميز فى حاجة عن الاوسرام ان اللمبات H1 ,H7,...... بتعتهم الكابسولة نفسها اصلية زى بتاعت الفيليبس D2S او D1S الاصلية و لاكن تم وضعها على قاعدة H1 مثلا و ده بيفسرلك فرق السعر بين الفيليبس و الاوسرام

الاوسرام لمبتها صينى ة لاكن الفى فرق شاسع بين منتج اوسرام توافق تحط عليه اسمها و منتج تانى ملوش اصل

السبب الرئيسى انه اتعمل فى الصين هو التكلفة عشان برده يبقى منافس الحد ما لان اسعار الصين هى الاقل

اللمبات D2S الاصلية الفيليبس ب 370 اللمبة و الاوسرام اغلى 600 اللمبة على ما اظن و اسلم حاجة تجبهم من التوكيل عشان فى منهم 99% طبق الاصل صينى.

العدسات موجوده هنا فى مصر بس فى منها انواع كتير, انت بتدور على موديل معين

و ده موضوع فى شوية حجات ممكن تفيدك فى الاضاءة
http://www.nilemotors.net/Nile/166344-a.html

المشاركة الأصلية كتبت بواسطة Kareem.ElAraby

أستاذ نبيل
حضرتك ترشح أوسرام ولا فيليبس لو الطقم h1

الطقم PNP الفيليبس لمباته افضل لانها فيليبس عكس الاوسرام

بس الفيليبس الفيش بتاعت اللمبات مختلفة عن الصينى الموجود فى السوق يعنى لاى سبب مش حتقدر تركب عليه لمبات تانية فى حالة لو وحدة اتحرقت بعد الضمان و اعتقد طقم اللمبات حيكون فى حدود 600-700
الاوسرام الفيش بتاعت اللمبات و الموديولات زى الصينى الفى السوق و ممكن يتركب عليه اى حاجة من الموجوده فى السوق

انا عن نفسى لما اكون عايز اركب زينون و معنديش مشكلة انى ادفع 1600 (تمن الفيليبس) حعدل الكشفات بعدسات تكون زينون( من عربية بتنزل زينون )و اشترى لمبات فيليبس D2S اصلية و وصلة D2 connector و موديولات صينى من الحجات الناس جربتها تقريبا الاجمالى حيكون قريب جدا بس النتيجة حتكون افضل كتير

لان فى الاخر انت حتكون مقيد باداء الكشفات عندك و توزعها للنور مش كفاية لمبة كويسة بس, لازم كمان العواكس او اعدسات يكون توزيعها للنور كويس.