المشاركة الأصلية كتبت بواسطة buddha
العربيات الانجكشن اغلبيتها بيكون على وحدة تحكم "كنترول يونت"
يرمز لة بـــ ecu
electronic control unit
زى بروسيسور الكمبيوتر هو الــ بيعالج البيانات وتتعدد الوظائف وتختلف من شركة الى اخرى او على حسب امكانيات المحرك
الوحدة دى بتكون موصلة بعدد من النقط موزعة باماكن مختلفة واسمها حساسات او sensors ودى مختلفة الوظائف وفى الاخر الحساسات دى بتبعت بيانات على حسب وظيفتها لوحدة التحكم لتحليلها والتصرف على اساسها
يعنى من اشهر الحساسات
tps : Throttle position sensor
ودة حساس البوابة يعنى لما تدوس على دواسة البنزين الواير المتوصل بالدواسة بيشد البوابة ويفتحة بقدر قوة الضغطة وهو وظيفتة يبلغ وحدة التحكم مقدار قوة رجلك على الدواسة
coolant sensor
ودة بيشوف درجة حرارة الموتور عن طريق درجة حرارة مياة التبريد وغالبا مكانة بيبقى جنب ثرموستات الكوعة
لما حرارة المياة تكون منخفضة تقوم العربية تشتغل على rpm اعلى لحد ما الحرارة توصل لدرجة معينة
iat sensor: Intake air temperature
ودة ترمومتر بيقيس درجة حرارة الهواء المسحوبة من فلتر الهواء ومكانة غالبا قبل البوابة يعنى فى الماسورة المتوصلة بفلتر الهواء
ودة حساس مهم جدا وممكن فى حالة التلف او الاتساخ يدى حرارة غلط فالموتور يستهلك وقود اكثر
map: Manifold absolute pressure
بيقيس ضغط الهواء داخل المنافول الفعلى ودة شغلة كتير يعنى ممكن لو مشغل التكيف المكنة بتحتاج تعلى شوية ولما تدوس فرامل ال brake booster بيسحب هواء من بتاع المنافول الخاص بالتشغيل فيقوم باعت اشارة للكنرول عشان يخلى الــ tps يعلى شوية
knocking sensor
ودة مكانة فى البلوك بتاع الموتور عشان يشوف لو المكنة بتسقف نتيجة لاستخدام وقود بدرجة اوكتان غير الموصى بها يعدل فى توقيت الشرارة الخارجة من الاسبراتير سواء يقدمها او ياخرها
abs: Anti-lock braking system
يعنى لو دوسة الفرامل كانت قوية وقفلت خالص يمنع الكلام دة ويخليها فى صورة متقطعة وبكدة بتون مواثرة اقوى
o2 sensor
ودة بيبقى على الفرن العادم او فى مكان ما على دورة الــ exhaust
وفى ك>ا شكل منة واحد بيسخن الفرن عشان العادم يطلع غير نئ وبكدة ميلوثش البيئة
يعنى مجرد شخان
والتانى بيشوف لو العادم نئ يبعت احداثيات للكنترول بحيث انة يراجع او يعدل منظومة الحرق
طبعا فى اكتر بس زى ما قولتلك كل ما العربية بقت افخم زادت الحساسات دى وكلة بثمنة زى مثلا المرسيدس كلها حساسات لدرجة لو حضرتك نمت وانتا سايق فى كميرات مخصصة فقط انها تراقب حركة عينك
وتوقف العربية وتركن لوحدها بامان تام وممكن تغطيك كمان