عربيتك الاوبترا
موديل كام
عامل بيها كام كبلو
ايه المشاكل اللي قابلتك
صيانتها فين
تنصح بشرائها لاي حد يسالك ولا ﻷ
.....اجب من فضلك
عرض للطباعة
عربيتك الاوبترا
موديل كام
عامل بيها كام كبلو
ايه المشاكل اللي قابلتك
صيانتها فين
تنصح بشرائها لاي حد يسالك ولا ﻷ
.....اجب من فضلك
متابع
موديل كام : 2008
عامل بيها كام كيلو : 42 الف كم تقريبا
ايه المشاكل اللي قابلتك : حاجتين
المساعد الأمامى جاب زيت عند 40 الف كم وغيرت الإتنين الأمامى بمساعدين مونرو سعرهم 600 جنيه
http://www.nilemotors.net/Nile/376129-a.html
المشكله التانيه كانت فى التكييف مكانش بيبرد والعيب كان فى خرطوم السربنتينه وتم تغييره وشحن الفريون فى التوكيل
http://www.nilemotors.net/Nile/299215-a.html
صيانتها فين : التوكيل
تنصح بشرائها لاي حد يسالك ولا ﻷ : أنصح بشرائها
بالتوفيق
موديل 2012 عامل بيها 37 الف كيلو مشكلتين لسه ظاهرين لمبة الهولد ساعات بتدي وميض وانا ماشي والار بي ام وانا واقف ساعات بيلعب بس هم مش مؤثرين خالص ان شاء الله هروح التوكيل ويتحلو وانصحك بشرائها لانها حمالة قاسية زي مبيقولو وقطع غيار رخيصة ومتواافرة مقارنة بأي حاجة تانية في نفس رينج فلوسها وعلى فكرة انا مودتهاش التوكيل غير أول صيانة بس بتاعة ال 5000 وبعد كدا بعمل الصيانة برة وبشتري قطع الغيار الأصلية ومش بتكلفني اي حاجة
موديل 2009
مانيول
انا مشاى كتير عامل 222000
العربية فولة مشاكل بسيطة زى ما اتكرم الاخوة المساعدين - التكيف وانا غيرت الماسورة اللى قدام بمسورة اخرى معزولة حراريا وانتهت المشكلة تماما الحمد لله - فيه مشكلة فى الصبابات عندى فية صوت رنه خفيفة الصبح بس لماا العربيه بتسخن بتروح تماما - اجهزة الفرامل اللى قدام بتعمل صوت حاجة بسيطة عاوزة جلب وبس
بس ياجماعة العربية حوت فى المشى مالهاش حل ناعمة استجابتها جيدة واسعة حمالة اسية وقطع غيارها متوفرة واسعارها مناسبة جدا وانصح اى حد عاوز يشترى سيارة فى نفس الفئة الاوبترا تمااااااااااااااااااااااا ااااااااااااااااااام
ملحوظة انا كان معايا اوكتافيا a4 قبل الاوبترا وعملت بها لا170000 كيلو وظهر فيها بعض الاعطال بس بصراحة ماقدرش اصاينها نظرا لان قطع غيارها غالية جدا انما الاوبترا ولا احلى من كدة
اعتقد من قراياتي علي المنتدي انه يفضل تغيير زيت الفتيس عند 30 الف
هو مفيش غير 3 بس معاهم اوبترا ولا ايه
بالظبط كده زى ما اقال الاخ ابو يحيى هيا كستوبنات اللى عاملة الرنة بتاعت الصبح دية
رحت التوكيل نضفو البوابة وعملولها ماستر ريسيت والفتيس بيقولو الفيشة بتاعة الهولد كانت معلقة عملوها وكمان ركبت الجهاز اللي بيفصل العربية من الريموت الأصلي عشان موضوع السرقة وهو جميل جدا وأمان جدا وكدا أقدر أقول ان اهم مشكلة للأوبترا اتحلت
اما زيت الفتيس فقالي بيتغير على خمسين الف كيلو وبصراحة أخروني جدا على معملو الحاجات التانية فقلت اخليه اغيره على 40 الف
الله يبارك فيك هو سعره 550 جنيه اما صورتة فهو تقريبا جنب الانذار الاصلي مش ظاهر وعملته في فرع العامرية بالاسكندرية أول لما تقفل بالريموت العربية مش بتدور غير لما تفتحها بالريموت لو اتفتحت بالمفتاح مش هتدور وكمان جهاز الانذار بقى بيشتغل اول الباب ميتفتح بالمفتاح اول اول م الكونتاكت ميتفتح لو حد كسر الشباك ودخل منه
طب لو مفتاح الانذار ضاع او البطاريه فضيت ....الف انا حوالين نفسي
موديل 2007 اوتو
عداد 150000
لﻷسف العربية مش عجباني خالص علي الرغم من كل مميزاتهالا ان عيوبها اكتر
العيوب الفنية :
1-دورةالتبريد (الرادياتير- خراطيم الدورة ) الكﻻم ده كله ضرب عندي
2-طلمبة الباور (صوتها عالى جدا ومحتاجة تغيير )
3-التكييف (الخراطيم اللي راحة السربنتينة و التﻻجة)
4-العفشة وخاصة المساعدين و غالبا المساعدين بس ضعيفة علي العربية وبتضرب بسرعة
5-البوابة والتهييس الكبير لل rpm
6-الماتور و عدم ثبات الصوت والسحب( الصبح بحالة و باليل بحالة) بالإضافة لبعض الاصوات الداخلية ده الشئ اللي مميز الاوبترا عن اي عربية تانية
7-الإسكترا (وصوت النقر الللي فيها)
وده طبعا بعيدا عن قطع الغيار اللي مش بتعيش
ياجماعة لازم نصارح نفسنا ومنضحكش ع بعض ولازم نقول ايه العيوب قبل ما نقول ايه المميزات
يا جماعقة منصور بيشتغلنا ويقيفلنا عربية علي هواه و للاسف الشعب المصرى طيب وغلبان بيركب و خﻻص
اللي عاوز يصدق كﻻمى يركب الاسيتي المعاقين اللي هي الاوبترا
او يسأل الاعضااء اللي فى الخليج اللي شارينها
وان شا الله في حملة ضد منصور لغاية مايعدل اداءه
عشان احنا يا جماعة مصريين مش اقل من اى حد ف الدنيا( ﻻ الخﻻيجة وﻻ الغرب احسن منا )
للاستفسار عن اي من العيوب دي او حد عاوز يتواصل ده رقم التليفون 01226201263
انا اسف ياجماعة عن اي اخطاء املائية اصل انا بكتب من علي الموبايل
حضرتك سؤال حال العربيه دلوقت ذيه ذي اول لما اشتريتها او وهيه عامله 50 الف مثلا
فيه اكيد سبب ان العربيه ادائها بيقل
تمام بس العربيه تقفيل كوري مش مصري
ثانيا ......هل حضرتك كنت منتظم علي الصيانه
ثالثا بهد تصليح العيوب دي حالتها ايه الوقتي
انا راي ان الكوري متخلهوش يعدي ال100 الف معاك ...يعني بيع العربيه قبل ال100 الف انا باعمل كده
يعني اجيب زيرو وابيع بعد 5 سنين علي الاكتر
تمام العربية تقفيل كورى وانا مش بتكلم علي التقفيل انا بتكلم عن ان احنا اسوء حاجة ف الكورى بتجلنا
واحنا ليه يجيلنا عربية مفهاش abs -ebd-air bag
دي اول حاجة فى اﻷمان يعنى نبقي زي اﻷوربيين مفيش
عربية تدخل اروبا او تصنع فيها اﻷ اذا كان فيها الحاجات دي
ثانيا العربية منتظمة ف الصيانة وقطعة الغيار اللي تتحط فيها اصلية
ثالثا فى حاجات صلحتها وحاجات مش عارف اوصل ليها لحل
انا مع حضرتك ان الكوري اللي بيجيلنا الامان منزوع منه
ربنا معاك و توصل لحل و تفرح بالعربيه ان شاء الله
لو البطارية فضيت كدا كدا العربية مش هتمشي عشان الاوتوماتك لازم البطارية أما ضياع المفتاح فبردو العربية مش هتمشي والحل انك تطلع مفتاح تاني ريموت من التوكيل ب 700 جنيه او تجيب مفتاح استعمال وتبرمجة ودا مش هيتكلف اكتر من 100 او 150 جنيه كدا ولا العربية تتسرق كلها كمان لو اي عربية فيها امبولايزر مفتاحها ضاع مكدا خلاص انت لبست في حيطة اعتبرها فيها ايموبلايزر
متشكريين اوى يا جماعة الخير على المعلومات المفيدة ومناقشاتكم المهذبة والمفيدة جدااا
انا اوبتراوى جديد - مانيوال 2007 عامله 66.000 ك... حد عايز يفيدنى باى معلومة ؟:Bravo:
تمام يا ابو يحي ده قصدي فعلا .
بالنسبه للاستاذ الاوبتراوي الجديد ...النصائح الاساسيه ..غير كل الزيوت خصوصا زيت الفتيس و لو السيور متغيرتش لو مفيش ورق رسمي فاتوره يعني من التوكيل انه غيرهم ..لازم تغيرهم
متنساش تشيك علي سلامه الكاوتش و الفلاتر
من أفشل دورات التبريد الى موجودة فى السوق هى دورة تبريد الاوبترا
الاسكاترا و طلمبة الباور ليهم اصوات مستمرة حتى و العربية جديدة
الطبيعى بتاع العربية ان الموتور و عداد rpm مش مظبوطين و العربية و هى دايرة مش نفس نغمة الدوران و لازم تعلى و توطى
اختلف مع استاذdodo2000 صوت العربيه علي السلانسيه بعد التسخين واطي جدا ...بالنسبه لدوره التبريد فياريت الاعضاء القدامي يردوا لاني لسه عامل 3500 وبس يعني ما اقدرش احكم الصراحهبس ماسخنتش معايا
انا اتفق مع اﻷستاذ dodo لسبب واحد ان يا جماعة العربية خاماتها معظمها تعبانة والدليل على كدا
انا مغير الراديتير بعد انفجار العلبة العلوية و اﻷسوء من كدا انها كانت صينى وانا واثق من اللي انا بقوله واللي مش مصدق زي اﻷستاذ ابو يحي و الدكتور عماد يفك العلبة العلوية ويبقي ع الجراة ويفكها والله والله محفور عليها من جوة made in china
واتمنى زي ما انا قلت ﻻزم نظهر العيوب قبل المميزات
يا جماعة الناس اللي بتدافع ومعندهاش خبرة اعطال او محصلش ع اعطال نظرا ان العربية لسة جديدة او ان ان العربية ماشية كم قليل
احنا يا جماعة مش راكبين عربية صيني دي عربية المفروض انها من اعرق العربيات او شركات تصنيع السيارات في العالم
الواحد مش بيدافع ...بس اي عربيه يتعرف هي ناجحه او لا من انتشارها و راي اغلب الناس فيها و بصراحه الاوبترا محققه الاتنين ...و اكيد العربيه مش الماني و لا ب 200 الف عشان تبقي برفيكت يعني ...اكيد فيها عيوب واكيد محتاجه صيانه كويسه وده الفرق بين عربيه و التانيه ....يعني حضرتك لو شفت ردود الناس و راي اصحاب العربيه فيها هتلاقي ان المشاكل مش كتيره ودي عربيه نازله من زمان واتجربت خلاص يعني اللي هيبان فيها بان من زمان ..بالنسبه لصنع في الصين لازم حضرتك تعرف ان منتجات الصين درجات و لو الغطاء اللي حضرتك غيرته كان شكوي عامه و كل الناس بتغيره يبقي اكيد سئ بسؤلو حضرتك بس يبقي اكيد شئ اخر يعني عيب في الغطا ده او عدمةمتابعه للسياره وفي الاخر ليس الغرض الدفاع عن السياره او ان الواحد يقول انا جبت عربيه كويسه لان الاوبترا متجربه و معروفه و مفيهاش الغاز لسه عايزه تتحل ...الغرض ان لو واحد عايز يشتري وبيفكر فيها يخش علي الموضوع ويستفاد
و انا شاكر لحضرتك جدا علي المشاركه برايك و الاختلاف في الراي لايفسد للود قضيه
انا اسف جدا لو اتهمت اي حد بحاجة جرحته بس كنت عاوز اوضح لﻷعضاء سبب كل المهاجمة الشديدة للسيارة دى ليه(اﻷوبترا المصري ققط) مش كل الﻷوبترا في العالم ولو حد قرا مشاركاتي كان عرف ان انا شكرت في الاسيتي
انا بعيب علي منصور انه بيصترخص الحاجة و يستخسر الحاجة فينا
يا جماعة احنا نستاهل احسن من كدا بكتير وهو بياكل علي افانا حﻻوة و احنا غﻻبة وشكرا واسف ع اي شئ جارح بس انا مدايق من معاملة الوكﻻء لينا بس كدا
لا ياسيدي و الله مفيش حاجه جارحه ولا حاجه
وطبعا احنا نستاهل احسن من كده الاسيتي فيها abs و كنترول طاره و جنط
بس دي مشكله في كل توكيلات العربيات ....ربنا يهديهم و شرفني التداخل مع حضرتك..
فين رجاله الاوبترا
ياجماعه شاركوا عشان الكل يستفاد
العربية ميتحكمش عليها غير بعد فترة من الاستخدام مش و هى جديدة و الاوبترا مغرقة الدنيا و منتشرة بصورة رهيبة بسبب سعرها و المميزات الى فيها و ده بيخلى الناس ممكن تتغاضى عن حاجات كتيرة
للمرة المليون دورة تبريد العربية كفاءتها مش عالية و اقل من المعتاد و ارتفاع الحرارة و السخونة مشكلة بتواجه عربيات كتير و غير كده كفاية ان الواحد ساعات بيحس بسخونية الموتور جوة العربية و الكلام ده فى اكتر من عربية
البوابة و عداد الrpm تحس انهم حرام يبقو منتظمين على طول و صوت العربية لازم يبقى فيه حاجة مش طبيعية
العفشة محتاجة صيانة مستمرة و متابعة علشان الدريكسيون و مشاكله
كل ده ميمنعش ان العربية واسعة و عالية عن الارض و الموتور سحبه ممتاز و ثبات العربية مرضى و الفتيس الاوتو ممتاز و قطع الغيار منتشرة و اسعارها معقولة مقارنة بالعمر الافتراضى
شكرا يا رجاله على افادتكم..ومعلوماتكم القيمة..بالنسبه لاصوات الموتور والكلام ده انا اكيد مش عندى احساس بيه دلوقتى لانى جى من نصر127 كنت بسمع فيها الى محدش سمعه قبل كده :))
انما موضوع دورة التبريد ده ..انا ملاحظ ان العربيه دايما مؤشر الحرارة على النص تقريبا وده بيتهيألى مش منطقى..
بالنسبه للسيور وماضى العربية..ف انا مش قلقان منه لان العربية دى كانت مع عديلى وعارف كل ماضيها..والحمد لله العربية حالتها حلوه..مو2007 وعاملة65,000
السؤال بقى او الملاحظات..:
1- الفتيس خشن شويه وساعات بيعض..مع انى شيكت على زيت الفتيس وكان تمام
2-موضوع الرجرجه على التانى...
3-الفرامل برده الى حادا ما تقلق..
4- العربية تعتبر واطية على الارض الى حادا ما..يعنى 127 كانت اعلى منها..مش عارف انتوا ازاى بتقولوا انها عالية؟!
5- موضوع الشخونة - وانا قلت عليه فوق..
وتانى احب اشكركوا على افادتكم لينا ومهانيتكوا فى الردود بدون تغليب العواطف :) اصل العربيات دى زى الستات كده...ومراية الحب عاميه :))
موضوع الرجرجرجه في حد اتكلم عنها هنا وكان سببها بوش في دواسه البنزين وهو قال طريقه حلها
العربيه عاليه 16 سم عن الارض ...بس انا فاهمك لاني راكبها بعد الفيو وكنت بحس من ابشكل انها اوطي بس طلع الخلوص 16 سم
معاك في موضوع الفرامل
قصد حضرتك ايه ب الخشونه