الموضوع: الى مالكى ال byd اوتوماتيك

المشاركة الأصلية كتبت بواسطة gad_fcis

استهلاك البنزين من غير التكييف اخباره ايه ؟
ممكن نقول 11 كم في اللتر


هل بتسمع صوت الونة الرخمة بتاعت الفتيس دى زى المانيوال كده ؟
مفيش عندى ونة


فى مشاكل فى الحرارة _(يعنى العربية بتسخن او المؤشر بيهيس )؟
حصلت معايا مرتين , مرة لما كانت عملة 2000 كم و مرة لما كانت عملة 36000 كم و فى المرتين ظبتط لوحدها


اقصى سرعة جبتها بالعربية كام ؟
160 كم \س و كان ممكن تجيب اكتر


الفتيس بينقل من غيار لغياراخر مستريح ولا فيه صوت ولا ناعم ؟
النقل مستريح و مفيش تنتيش ولا ترزيع

الف شكر ياباشا واسف على التاخير فى الرد

بيتقال ان الفتيس هو نفسه فتيس النيسان صنى

المشاركة الأصلية كتبت بواسطة yasser_z9

مفيش صوت ونه فى العربيه من الفتيس زى المانوال
الحراره مظبوطه فى النص عالطول
السرعه 180ك وفت ازود عن كده علشان الكاوتش
الفتيس ناعم وبينقل الغيارات بدون مشاكل وممكن اصلا تسوقها مانيوال وتسحب بيها سحبت المانيوال
استهلاك البنزين طبيعى بس انا مجربتش بدون تكيف

المشاركة الأصلية كتبت بواسطة abokoko

بيتقال ان الفتيس هو نفسه فتيس النيسان صنى

الفتيس بتاعها ياباني من إنتاج مصنع جاتكو كما أفادتني شخصيا الشركة الأم من الصين ويمكن البحث علي جوجل و ويكيبيديا عن جاتكو اللي بتنتج لماركات ياباني كتيرة الفتيس الأوتوماتيك

وهذا الفتيس هو نفس الفتيس الموجود بالسيارة الميتسوبيشي لانسر بومة 1300 وليس الموديل الآخر 1600

والفتيس لا يصدر أي ونة حتي الآن سيارتي موديل 2009 مستورد ولم نسمع من أي زميل عن ونة سواء إنتاج مستورد أو محلي

وطبعا صيانتة لا تذكر لأن مالوش إسطوانة ولا دسك مجرد غيار الزيت والمهم نوع نضيف بعيدا عن أي إنتاج محلي مهما كانت الماركة لاتقوللي موبيل ولا شل وأمثالهم

خالص تحياتي