ضهري باظ من الكراسي الاسطفة ....... الحل !

بسم الله الرحمن الرحيم
بعد التحية
اسعد الله مسائكم بكل الخير
يا شباب انا عندي مشكلة فى القطنية من كتر السواقة او حتى بمجرد السواقة لساعة
يعنى ظهري بحس انة منحني
مع العلم ان عربيتي 2011 بس كراسي اسطفة يعني مش جلد طبيعي وحاطت عليهم كسوة جلد مش طبيعى طبعا - اان سوقت عربية a5 ولاكن جلد طبيعى 2009 كانت مريحة جدااااا
فانا عاوز اغير الكراسي بالكامل من اسطفة لجلد - عاوز ابدلهم وياخد الفرق - وانا ف المنصورة
ومستعد اغيرهم من اى مكان ( القاهرة - بورسعيد )


ياريت تفيدوني اعمل اية لاني تعبت وجت كل الحاجات الى بتبقى ورا الضهر
ومفيش اى فايدة


شكرااااااااااااااااااا

شوف اى شركه نضيفه فى القاهره تعملك فرش جلد كامل للعربيه فيه ناس كثير بتشكر جدا فى جينز كار بس اسعاره عاليه شويه

ممكن تشتري كراسي الجلد الأصلي استيراد

اقتباس:

---

المشاركة الأصلية كتبت بواسطة esp

ممكن تشتري كراسي الجلد الأصلي استيراد

---

ممتاز يا باشا
متعرفش حد ممكن ياخد الكراسي بتاعتي (جديدة لسة زيرو ) وادفع الفرق للجلد يكون استيراد

تحياتي

صديقي المواطن
أنا عندي نفس مشكلتك بس معنديش مشاكل في الظهر بس راحة وفخامة أي عربية من عربياتي بشتريها مهما كانت بروح أشتريلها كرسيين مرسيدس شبح كهربا بزرايرهم واطلع عالسمكري وبعدين السروجي وبعمل كده مهما كانت العربية مرة جبت عربية وكانت الكراسي بتركيبها أغلى من العربية
بس اللي مش فاهمه من حضرتك اللي تاعبك خامة الكرسي ولا تقسيمة ظهر الكرسي عشان لو العلة في الخامة إنزل شلرع الكنيسة في العتبة وإشتري جلد طبيعي وحقيقي وغالي وفصله أما لو تقسيمة الظهر فبرضو سروجي فنان يعملك الظهر اللي إنت عاوزه أو إعمل زيي شوف كرسي العربية اللي يريحك وإشتريه وخلي السمكري يقيفه على عربيتك ودمتم للنضال

أصحح المعلومة للرفيق صدام لو عايز تشترى جلد طبيعى انزل شارع التمار فى باب الشعرية غير كدة المحلات اللتوانية بتبيع جلود صناعية

اقتباس:

---

المشاركة الأصلية كتبت بواسطة saddam

صديقي المواطن
أنا عندي نفس مشكلتك بس معنديش مشاكل في الظهر بس راحة وفخامة أي عربية من عربياتي بشتريها مهما كانت بروح أشتريلها كرسيين مرسيدس شبح كهربا بزرايرهم واطلع عالسمكري وبعدين السروجي وبعمل كده مهما كانت العربية مرة جبت عربية وكانت الكراسي بتركيبها أغلى من العربية
بس اللي مش فاهمه من حضرتك اللي تاعبك خامة الكرسي ولا تقسيمة ظهر الكرسي عشان لو العلة في الخامة إنزل شلرع الكنيسة في العتبة وإشتري جلد طبيعي وحقيقي وغالي وفصله أما لو تقسيمة الظهر فبرضو سروجي فنان يعملك الظهر اللي إنت عاوزه أو إعمل زيي شوف كرسي العربية اللي يريحك وإشتريه وخلي السمكري يقيفه على عربيتك ودمتم للنضال

---

وبكام الكرسين ومنين وبكام التركيب وهل بيشتغلوا كهرباء

اقتباس:

---

المشاركة الأصلية كتبت بواسطة moratoz

وبكام الكرسين ومنين وبكام التركيب وهل بيشتغلوا كهرباء

---

عايز اعرف انا كمان

متابع حوار الكرسيين بتوع الشبح دول
ونظام شغلهم بالكهربا
والأسعار

اقتباس:

---

المشاركة الأصلية كتبت بواسطة saddam

صديقي المواطن
أنا عندي نفس مشكلتك بس معنديش مشاكل في الظهر بس راحة وفخامة أي عربية من عربياتي بشتريها مهما كانت بروح أشتريلها كرسيين مرسيدس شبح كهربا بزرايرهم واطلع عالسمكري وبعدين السروجي وبعمل كده مهما كانت العربية مرة جبت عربية وكانت الكراسي بتركيبها أغلى من العربية
بس اللي مش فاهمه من حضرتك اللي تاعبك خامة الكرسي ولا تقسيمة ظهر الكرسي عشان لو العلة في الخامة إنزل شلرع الكنيسة في العتبة وإشتري جلد طبيعي وحقيقي وغالي وفصله أما لو تقسيمة الظهر فبرضو سروجي فنان يعملك الظهر اللي إنت عاوزه أو إعمل زيي شوف كرسي العربية اللي يريحك وإشتريه وخلي السمكري يقيفه على عربيتك ودمتم للنضال

---

اشكرك على الرد الجميل دة
بس يا باشا غير منطقي او من الصعب ان الشبح يركب على اى عربية او يتقيف زي مابتقول
دا الموضوع دا محتاج تركب مجرى الكرسي فى ارض العربية الجديدة وتشيلة من العربية القديمة
يعنى هاتخرب العربية القديم او النص الى انتة واخد منة الكرسي وكمان عربيتك هاتلعب فيها
على اى حال انا مش عاوز كراسي شبح ولا حاجة - انا عاوز كراسي جلد لنفس العربية وان شاء الله هاتركب بدون مشكلة - بس الى عاوز اعرفوا هل ممكن اعمل موضوع الشبح دة فعلا ؟! لانة عاجبني جدا والكلام الى فوق انا بقولة على حد علمي ومش اكيد ان صح يعني
وبعدين يا باشا انا لو عندي 8 عربيات ضهري مش هايوجعني ولا حاجة دول يسندوا الضهر :)

بص انا كنت مرو سألت قبل كدة وقالولي انه ممكن تشتري صالون كامل للعربيه في حدود 3الي 4 ألاف جنيه بس حته انه ياخد القديم دي بقي حته تفاوضيه مع البائع بس لما تلاقيه متقلش الأول انك عايز تبدل قول انك هتشتري وبعد ما تخلص في السعر شوف عمليه المبادله بالصالون ئل موجود عند حضرتك علشان مايخسفش بيه الأرض من الأول

اقتباس:

---

المشاركة الأصلية كتبت بواسطة moratoz

وبكام الكرسين ومنين وبكام التركيب وهل بيشتغلوا كهرباء

---

صديقي المواطن
طبعا كراسي الشبح مميزة وغالية جدا وهي بتكلف من أول 2000 جنيه وتوضل لغاية 5500 حسب اللي حيبعهالك أنا عن نفسي لفيت بتاع سنة عليها وجبتها بالزراير بألفين جنيه وحملتها بمواصلات ب 300 جنيه تقريبا وإديت للسمكري 300 جنيه عشان التركيب وكانت الغربية حتروح بوهيجي وبعدها سروجي وعوازل صوت وخليته يعمل الكنبة والشلتة الورا على نفس تقطيعة كراسي الشبح عشان يقلك جايه من بره كده وبس وبعمل كده في كل عربياتي ملحوظة إنت تقدر تجيب برضو كهربا وأضغر بحاجة بسيطة وب ألف ونص بس مش بهيبة بتاع الشبح ولشدة تميز زراير الشبح فبتتياع زراير الكرسيين ب 700 جنيه ومش عايز أقلك مدى سعادتي لما أحط كراسي شبح في عربياتي أنا داخل قريب أحدث مشاريعي في عالم التعديل وهو تصنيع عربية دوبل كابينة أفخم من الدودج رام 2014 وبربع ثمنها وأقل كمان وطبعا أول تعديل كراسي الشبح تركب وعوازل الصوت والحرارة وجنوط 20 أو 22 وحنعيش اللحظة وزمن المشروع سنتين إن أحيانا الله
ودمتم للنضال

اقتباس:

---

المشاركة الأصلية كتبت بواسطة saddam

صديقي المواطن
طبعا كراسي الشبح مميزة وغالية جدا وهي بتكلف من أول 2000 جنيه وتوضل لغاية 5500 حسب اللي حيبعهالك أنا عن نفسي لفيت بتاع سنة عليها وجبتها بالزراير بألفين جنيه وحملتها بمواصلات ب 300 جنيه تقريبا وإديت للسمكري 300 جنيه عشان التركيب وكانت الغربية حتروح بوهيجي وبعدها سروجي وعوازل صوت وخليته يعمل الكنبة والشلتة الورا على نفس تقطيعة كراسي الشبح عشان يقلك جايه من بره كده وبس وبعمل كده في كل عربياتي ملحوظة إنت تقدر تجيب برضو كهربا وأضغر بحاجة بسيطة وب ألف ونص بس مش بهيبة بتاع الشبح ولشدة تميز زراير الشبح فبتتياع زراير الكرسيين ب 700 جنيه ومش عايز أقلك مدى سعادتي لما أحط كراسي شبح في عربياتي أنا داخل قريب أحدث مشاريعي في عالم التعديل وهو تصنيع عربية دوبل كابينة أفخم من الدودج رام 2014 وبربع ثمنها وأقل كمان وطبعا أول تعديل كراسي الشبح تركب وعوازل الصوت والحرارة وجنوط 20 أو 22 وحنعيش اللحظة وزمن المشروع سنتين إن أحيانا الله
ودمتم للنضال

---

أستاذي تحياتي لنضالكم الكريم
هوا المواسير بتاعه تركيب الكراسي مش بتشتريها معاها بتاعه الكرسي نفسه ولا حاجه تانيه وبعدين لما حضرتك لتوصل الكهرباء بنجيب كهرباء للكرسي منين علشان حضرتك عارف ان a5 كمبيوتر كامل وممكن تدي ايرور وبتعمل عوازل ليه وهل بيبقي في اماكن تخريم بتبقي باينه مكان المجري القديمه واهم حاجه العربيه ئل عملت فيها كده كانت نوعها ايه وياريت لو توريان صوره يبقي كده تمام التمام
وان شاء الله تكمل مشروعك علي خير
تحياتي

اقتباس:

---

المشاركة الأصلية كتبت بواسطة moratoz

أستاذي تحياتي لنضالكم الكريم
هوا المواسير بتاعه تركيب الكراسي مش بتشتريها معاها بتاعه الكرسي نفسه ولا حاجه تانيه وبعدين لما حضرتك لتوصل الكهرباء بنجيب كهرباء للكرسي منين علشان حضرتك عارف ان a5 كمبيوتر كامل وممكن تدي ايرور وبتعمل عوازل ليه وهل بيبقي في اماكن تخريم بتبقي باينه مكان المجري القديمه واهم حاجه العربيه ئل عملت فيها كده كانت نوعها ايه وياريت لو توريان صوره يبقي كده تمام التمام
وان شاء الله تكمل مشروعك علي خير
تحياتي

---

عمرو باشا متتعبش نفسك لان الاستاذ صدام معندوش صور لل 8 عربيات اللى عنده

اقتباس:

---

المشاركة الأصلية كتبت بواسطة المنسي

عمرو باشا متتعبش نفسك لان الاستاذ صدام معندوش صور لل 8 عربيات اللى عنده

---

هههههه
خلاص نمشيها ونئضيها تهيأت وخلاص
تحياتي محمد بك

بردو ماستفدناش من الموضوع
يا شباب عاوز افكاركو
او حد اشترى قبل كدا حاجة زي كدا
انا عندي واحد صاحبي عملها ف عيون بس للاسف مش فاكر كان اية الموضوع بالظبط

تحياتي لكل من اثرى موضوعي ولو بكلمة

بارك الله فيكم

اقتباس:

---

المشاركة الأصلية كتبت بواسطة ابو ابراهيم

بردو ماستفدناش من الموضوع
يا شباب عاوز افكاركو
او حد اشترى قبل كدا حاجة زي كدا
انا عندي واحد صاحبي عملها ف عيون بس للاسف مش فاكر كان اية الموضوع بالظبط

تحياتي لكل من اثرى موضوعي ولو بكلمة

بارك الله فيكم

---

سيدي الفاضل لقد تم الزمر سابقا انه يمكن شراء صالون كامل للسيارة من بتوع الاستيراد

شوف اكتر عربية ركبتها وكانت كراسيها مريحة واشترى الكراسى وعدل قواعدها على عربيتك ولنفترض كراسى الشبح "جلد طبيعى ومش شرط كهربا" والسمكرى بيعدل الكرسى علشان ينزل فى المجرى بتاع العربية من غير لعب فى العربية يدوب اكنك بتركب كرسيك تانى ............اهم حاجة من غير تعديل فى العربية لو قال تعديل ولو بسيط ارفض تماما حتى لو الكرسى اللى انتا جبته عاجبك جدا " لان ده لعب فى فبريكة العربية "

اقتباس:

---

المشاركة الأصلية كتبت بواسطة ahm662

شوف اكتر عربية ركبتها وكانت كراسيها مريحة واشترى الكراسى وعدل قواعدها على عربيتك ولنفترض كراسى الشبح "جلد طبيعى ومش شرط كهربا" والسمكرى بيعدل الكرسى علشان ينزل فى المجرى بتاع العربية من غير لعب فى العربية يدوب اكنك بتركب كرسيك تانى ............اهم حاجة من غير تعديل فى العربية لو قال تعديل ولو بسيط ارفض تماما حتى لو الكرسى اللى انتا جبته عاجبك جدا " لان ده لعب فى فبريكة العربية "

---

كلام حلو وجميل جدا
بس هل فى التنفيذ ممكن الكلام دة ؟
الكراسي بتاعت الشبح دي كراسي ضخمة جدا فهل هتتماشي مع مكان الكراسي بتاعتي ؟
وارتفاعها وعرضها والامور دي كلها .....
على اى حال انا هاروح بنفسي ان شاء الله الحرفيين ونشوف الموضوع بس انا ناوي اشتري نفس الكراسي بتاعت العربية ان شاء الله

اقتباس:

---

المشاركة الأصلية كتبت بواسطة ابو ابراهيم

كلام حلو وجميل جدا
بس هل فى التنفيذ ممكن الكلام دة ؟
الكراسي بتاعت الشبح دي كراسي ضخمة جدا فهل هتتماشي مع مكان الكراسي بتاعتي ؟
وارتفاعها وعرضها والامور دي كلها .....
على اى حال انا هاروح بنفسي ان شاء الله الحرفيين ونشوف الموضوع بس انا ناوي اشتري نفس الكراسي بتاعت العربية ان شاء الله

---

مبدئيا فك الكرسى اليمين وتوكل على الله على شارع المرسيدس ودور على الكراسى اللى حضرتك عايزها "يفضل جلد طبيعى و ما تكونش كهربا علشان الفنتازيا ما بتقبلش اى لعب فى الكهربا " وحط الكرسى وشوف الوضع " هل مزنق ولا مرتاح ولا كبير اوى ولا ايه " ده مثلا صالون الشبح


http://i.ebayimg.com/00/s/NDgwWDY0MA...j5g~~60_35.JPG

ده كرسى العيون

https://encrypted-tbn1.gstatic.com/i...noxa188JSHB7oT

بيتهيالى تخليك فى العيون افضل علشان حجمه قريب اوى من الفنتازيا

شوف انسب حاجة للعربية واتفق على السعر و قيس الفرق فى القواعد بنفسك قبل ما تروح للسمكرى وشوف الوضع كويس وافهم هو عايز يعمل ايه "اهم حاجة من غير لعب فى العربية " وربنا معاك بس اتاكد من راحة الكرسى قبل اى حاجة " جرب تقعد مع اى حد فى عربيته وشوف مدى احساسك بالراحة " ومتقلقش تعديل الكراسى للعربيات امر عادى وفى ناس كتير بتعمله من غير لعب فى العربية .............ربنا معاك ونفذ الموضوع من غير استعجال

اقتباس:

---

المشاركة الأصلية كتبت بواسطة ahm662

مبدئيا فك الكرسى اليمين وتوكل على الله على شارع المرسيدس ودور على الكراسى اللى حضرتك عايزها "يفضل جلد طبيعى و ما تكونش كهربا علشان الفنتازيا ما بتقبلش اى لعب فى الكهربا " وحط الكرسى وشوف الوضع " هل مزنق ولا مرتاح ولا كبير اوى ولا ايه " ده مثلا صالون الشبح


http://i.ebayimg.com/00/s/ndgwwdy0ma...j5g~~60_35.jpg

ده كرسى العيون

https://encrypted-tbn1.gstatic.com/i...noxa188jshb7ot

بيتهيالى تخليك فى العيون افضل علشان حجمه قريب اوى من الفنتازيا

شوف انسب حاجة للعربية واتفق على السعر و قيس الفرق فى القواعد بنفسك قبل ما تروح للسمكرى وشوف الوضع كويس وافهم هو عايز يعمل ايه "اهم حاجة من غير لعب فى العربية " وربنا معاك بس اتاكد من راحة الكرسى قبل اى حاجة " جرب تقعد مع اى حد فى عربيته وشوف مدى احساسك بالراحة " ومتقلقش تعديل الكراسى للعربيات امر عادى وفى ناس كتير بتعمله من غير لعب فى العربية .............ربنا معاك ونفذ الموضوع من غير استعجال

---

كلام سليم
وشكلي هاعمل كدا فعلا وربنا يسهل
بس انا خايف من عدم ظبطهم فى امور تانية كمان
انها تزيق
انا متبقاش مريكة فى الطلعة والرجعة (لقدام او لورا )
الحاجات الى ممكن تدايق دي وهية تعتبر تفاصيل صغيرة - بس فعلا فى الحقيقة ممكن تخليك تبيع العربية او تستغنى عنها خالص

انا شاكر جدااا ومقدر لكل من شارك بالموضوع
بارك الله فيكم