ضهري باظ من الكراسي الاسطفة ....... الحل !

**ابو ابراهيم** · 29-09-2013 01:43 AM

بسم الله الرحمن الرحيم
بعد التحية
اسعد الله مسائكم بكل الخير
يا شباب انا عندي مشكلة فى القطنية من كتر السواقة او حتى بمجرد السواقة لساعة
يعنى ظهري بحس انة منحني
مع العلم ان عربيتي 2011 بس كراسي اسطفة يعني مش جلد طبيعي وحاطت عليهم كسوة جلد مش طبيعى طبعا - اان سوقت عربية a5 ولاكن جلد طبيعى 2009 كانت مريحة جدااااا
فانا عاوز اغير الكراسي بالكامل من اسطفة لجلد - عاوز ابدلهم وياخد الفرق - وانا ف المنصورة
ومستعد اغيرهم من اى مكان ( القاهرة - بورسعيد )

ياريت تفيدوني اعمل اية لاني تعبت وجت كل الحاجات الى بتبقى ورا الضهر
ومفيش اى فايدة

شكرااااااااااااااااااا

**Silent~Dream** · 29-09-2013 02:26 AM

شوف اى شركه نضيفه فى القاهره تعملك فرش جلد كامل للعربيه فيه ناس كثير بتشكر جدا فى جينز كار بس اسعاره عاليه شويه

**ابو ابراهيم** · 29-09-2013 03:05 AM

المشاركة الأصلية كتبت بواسطة esp

ممكن تشتري كراسي الجلد الأصلي استيراد

ممتاز يا باشا
متعرفش حد ممكن ياخد الكراسي بتاعتي (جديدة لسة زيرو ) وادفع الفرق للجلد يكون استيراد

تحياتي

**saddam** · 29-09-2013 03:24 AM

صديقي المواطن
أنا عندي نفس مشكلتك بس معنديش مشاكل في الظهر بس راحة وفخامة أي عربية من عربياتي بشتريها مهما كانت بروح أشتريلها كرسيين مرسيدس شبح كهربا بزرايرهم واطلع عالسمكري وبعدين السروجي وبعمل كده مهما كانت العربية مرة جبت عربية وكانت الكراسي بتركيبها أغلى من العربية
بس اللي مش فاهمه من حضرتك اللي تاعبك خامة الكرسي ولا تقسيمة ظهر الكرسي عشان لو العلة في الخامة إنزل شلرع الكنيسة في العتبة وإشتري جلد طبيعي وحقيقي وغالي وفصله أما لو تقسيمة الظهر فبرضو سروجي فنان يعملك الظهر اللي إنت عاوزه أو إعمل زيي شوف كرسي العربية اللي يريحك وإشتريه وخلي السمكري يقيفه على عربيتك ودمتم للنضال

**aminyassien** · 29-09-2013 05:16 AM

أصحح المعلومة للرفيق صدام لو عايز تشترى جلد طبيعى انزل شارع التمار فى باب الشعرية غير كدة المحلات اللتوانية بتبيع جلود صناعية

**Moratoz** · 29-09-2013 05:56 AM

المشاركة الأصلية كتبت بواسطة saddam

صديقي المواطن
أنا عندي نفس مشكلتك بس معنديش مشاكل في الظهر بس راحة وفخامة أي عربية من عربياتي بشتريها مهما كانت بروح أشتريلها كرسيين مرسيدس شبح كهربا بزرايرهم واطلع عالسمكري وبعدين السروجي وبعمل كده مهما كانت العربية مرة جبت عربية وكانت الكراسي بتركيبها أغلى من العربية
بس اللي مش فاهمه من حضرتك اللي تاعبك خامة الكرسي ولا تقسيمة ظهر الكرسي عشان لو العلة في الخامة إنزل شلرع الكنيسة في العتبة وإشتري جلد طبيعي وحقيقي وغالي وفصله أما لو تقسيمة الظهر فبرضو سروجي فنان يعملك الظهر اللي إنت عاوزه أو إعمل زيي شوف كرسي العربية اللي يريحك وإشتريه وخلي السمكري يقيفه على عربيتك ودمتم للنضال

وبكام الكرسين ومنين وبكام التركيب وهل بيشتغلوا كهرباء

**Lifz_Good** · 29-09-2013 08:02 AM

متابع حوار الكرسيين بتوع الشبح دول
ونظام شغلهم بالكهربا
والأسعار

**ابو ابراهيم** · 29-09-2013 11:06 AM

المشاركة الأصلية كتبت بواسطة saddam

صديقي المواطن
أنا عندي نفس مشكلتك بس معنديش مشاكل في الظهر بس راحة وفخامة أي عربية من عربياتي بشتريها مهما كانت بروح أشتريلها كرسيين مرسيدس شبح كهربا بزرايرهم واطلع عالسمكري وبعدين السروجي وبعمل كده مهما كانت العربية مرة جبت عربية وكانت الكراسي بتركيبها أغلى من العربية
بس اللي مش فاهمه من حضرتك اللي تاعبك خامة الكرسي ولا تقسيمة ظهر الكرسي عشان لو العلة في الخامة إنزل شلرع الكنيسة في العتبة وإشتري جلد طبيعي وحقيقي وغالي وفصله أما لو تقسيمة الظهر فبرضو سروجي فنان يعملك الظهر اللي إنت عاوزه أو إعمل زيي شوف كرسي العربية اللي يريحك وإشتريه وخلي السمكري يقيفه على عربيتك ودمتم للنضال

اشكرك على الرد الجميل دة
بس يا باشا غير منطقي او من الصعب ان الشبح يركب على اى عربية او يتقيف زي مابتقول
دا الموضوع دا محتاج تركب مجرى الكرسي فى ارض العربية الجديدة وتشيلة من العربية القديمة
يعنى هاتخرب العربية القديم او النص الى انتة واخد منة الكرسي وكمان عربيتك هاتلعب فيها
على اى حال انا مش عاوز كراسي شبح ولا حاجة - انا عاوز كراسي جلد لنفس العربية وان شاء الله هاتركب بدون مشكلة - بس الى عاوز اعرفوا هل ممكن اعمل موضوع الشبح دة فعلا ؟! لانة عاجبني جدا والكلام الى فوق انا بقولة على حد علمي ومش اكيد ان صح يعني
وبعدين يا باشا انا لو عندي 8 عربيات ضهري مش هايوجعني ولا حاجة دول يسندوا الضهر :)