أفضل عربية تحت ال 100 ألف زيرو و أوتوماتيك

**M_SALLAM** · 01-10-2013 09:44 PM

ممكن تضم الهيونداى i10 و الكيا بيكانتو و الشفورليه اسبارك و انا معايا هيونداى i10 و عربية محترمة جدا والله

**ahmedteam** · 02-10-2013 12:24 PM

الصنى الشكل القديم عربيه محترمه جدا و ممتازه و ممكن تدخل قسم نيسان و تاخد فكره

**J A G U A R** · 02-10-2013 12:25 PM

افيو عشان الاوتوماتيك فى الفيرنا مش كويس

**dreammate** · 04-10-2013 06:01 PM

الف شكر على الردووووود
انا مش عاوز ماليزى ولا صينى وال i10
غالية فوق ال100
انا دلوقتى عاوز افهم حاجة
ايه فرق صنى الشكل الفديم عن الشكل الجديد؟
شكرا

**J A G U A R** · 04-10-2013 06:17 PM

الفرق بينهم الشكل الخارجى والداخلى .. والشكل الجديد اوسع من القديم

**dreammate** · 05-10-2013 02:26 AM

متااابع

**S O P H O S** · 25-10-2013 05:42 PM

هتشباك بيكانتو
سيدان صني شكل قديم لو ينفع
والله اعلم

**devil_storm** · 25-10-2013 06:07 PM

نيسان صني الشكل القديم بس اكبر عيب ليها انها ضيقة قوي و استهلاك بنزين عالي شويه بس هي افضل عربيه بالسعر ده

نصيحه بلاش صيني و اللي يقولك ماتور متسوبيشي و عفشة كرولا و فتيس اتوماتيك ياباني و ... و .... ده حاجة من الاتنين يا اهبل و مضحوك عليه يا كداب و اسف في التعبير بس دي اقل كلمه تتقال علي واحد بيضحك علي الناس ... عفشه الصيني اسوء ما تكون عن تجربه ( عفشه كرولا قال ) و الصيني القطع الاستهلاكيا مش معمره خالص و كل شويه بتصرف و تغير غير ان الاوبشن مضروبه يعني abs رديء ملوش لازمه و ايرباجز بعد شويه لمبتها تنور و تلاقيها باظت و ... الصيني سعر رخيص مقابل جوده رديئه و ملوش وجود خالص في اي دوله محترمه و محظور دخوله الدول المحترمه من اساسه و محدش يجبلي سيرته علشان بتعكنن ... نصحت زميل ليا من ٤ سنين يشتري اسبرانزا و للاسف كانت نصيحة غلط و دلوقتي سعر اعاده بعها وحش