اي حد محتاج استفسار في الستروين اكسارا ان شاء الله انا جاهز
عرض للطباعة
اي حد محتاج استفسار في الستروين اكسارا ان شاء الله انا جاهز
طول عمرك صاحب واجب
استفسار ممكن الفروق بين الاكسارا والzx
شكرا لذوقك بالنسبة للفرق بين الاكسارا و ال zx فهو كبير
1- محرك الاكسارا 1600 واحد كامة حقن اليكتروني من احسن المحركات اللي تم صنعها قليل الاعطال اكثر اعتمادية عمر افتراضي طويل جدا جدا جدا قد يصل الي مليون كم بشرط الاستخدام المظبوط ( الصيانة في معادها) في المقابل محرك zx سعة 1400 كاربرتير سهل الصيانة عن الحقن
2- المساحة الداخلية للاكسارا اكبر من ال zx
3-العفشة تعتبر هي هي مع اختلاف بسيط جدا
4- شكل الطابلوه للاكسارا او الصالون بصفة عامة احسن من zx
5- الاكسارا موديل اعلي فبالتاكيد استخدام اقل
6- فرق السعر مش كبير بينهم بالتالي الافضلية للاكسارا
7- تكييف الاكسارا لا يؤثر علي السحب نهائيا بعكس ال zx بيأثر بس مش اوي
8- سعر السوق للاكسارا يتراوح من 35 الي 42 وال zx من 27- 33 طبعا كلامي للحالات الكويسة
مكان الزرارين الكهربا فى اكسارا1 اللى بيبقى مكسور دائما ايه علاجه
واحد فى الحرفيين طلب ف الوش ده هو والساعة 700 جنيه ده منطقى؟؟؟
انا مركب عندى محرك اكسارا 1400 الزهر لاكن مشغله على الكاربراتير(حاولت اركب ال1600 بس كان لازم الضفيره والكرتات)
انا شايف اكبر عيوب الاكسارا هى المشاكل الكهربائيه وطبعا هى اعلى من الzx
فى رأيك عربية بولو 1999 أحسن ولا إكسارا 2001 لان ظهر قدامى عربية إكسارا و بصراحه ما كنتش اعرف عنها حاجه فهل هى كويسه و تستاهل الشراء
انا خايف من الاكسار للاسباب الاتية :
- قطع الغيار من حيث توفرها واسعارها زي علبة الدريكسون والكبالن وطرمبة الباور الفوانيس الامامية والخلفية وكمان الحساسات بتاعتها كل هذه الحاجات المستهلكه اخبارها اية
- صيانتها واسعار الصيانه عند الميكانيكية
- الاوتوماتك اخباره ايه
- السخنيه
ارجو مساعدتك في الرد علي هذه الاستفسارات
- الصيانة فى العبيط (اسف على التعبير الدارج) والحمد لله اعطالها مش كتير لو بتعمل الصيانة الدورية
- سمعت مقولة مش عارف ده فتى ولا ايه بيقولك لو عاوزاوتوماتيك هات اكسارا2 افضل
- انا مرة ظهرت عندى موضوع السخونية لغيت التكييف السخن لان الخرطوم بتاعه كان بينقط ..لكن عموما ولله الحمد الموضوع مش مشكلة ولا متكرر .. ولو عاوز ارجع التكييف السخن ممكن اجيب الكاوتشة بتاعته لكن كده كده مش بستخدمه
للرفع ومستمر في تلقي استفساراتكم
اشتريت اكسارا 1 موديل 2002
وكنت عايز من حضرتك
ازاى اتعامل معاها
يعنى تتغسل عادى كده وبطريقة معينة
وايه افضل زيت موتور وزيت فتيس ليها والفلتر وبيتغيرو كل قد ايه
وياريت لو فيه نصائح اخرى اكون شاكر لو شاركتونى اياها
ولكم جزيل الشكر لهذا المنتدى المحترم
بالنسبة للغسيل تغسل عادي جدا من الخارج ممنوع منعا باتا غسيل المحرك بالماء او الابواب من الداخل ايضا بالنسبة للزيت متوقف علي العربية ماشية كام كم?? اهتم بالصيانات الدورية من بوجيهات وسيور وفلاتر حضرتك مذكرتش العربية مانيوال ولا اوتو??
قبل كل شيئ عاوز اشكرك على ذوقك اللى ظهر فى سرعة الرد
واسمحلى اطمع شوية واقول
العربية اكسارا 1 موديل2002 اتوماتيك ماشية 200 الف كيلو
فيها المساحات والاشارات مش شغالة وصاحبها قالى الكارت bsi
وفعلا لما غيرتة المساحات اشتغلت والاشارات كمان لكن العربية مادرتش
لان الكارت اللى بتاعها الجاكات اللى فيه الوانها اصفر وازرق واحمر واسود
اما الكارت اللى جبته كانت الجاكات كلها اسود وهارجعة (وريت لو امكن تدلنى على مكان يكون فية الكروت دى)
ده االى خلانى استنتج حاجتين
الاولى ان عيب المساحات والاشارات فعلا فى الكارت
الثانى ان الكارت مش بتاع الموديل ده
ثانيا موضوع الفتيس ملخبط معايا شوية والمبات كل شوية تنور بتاعة الفتيس وخصوصا على السرعة البطيئة
ولك جزيل الشكر
انا ناوى ان شاء الله اجيب اكسارا 2 اوتوماتيك ومحتاج مساعدتك فى كذا حاجة لو سمحت
يفضل العربية اللى اجيبها متعديش كام كيلو
اكشف عليها فين
اية الحاجات اللى ابص عليها الاساسية فى العربية
العربية تعمل كام دلوقتى
وشكرا جزيلا
اكسارا 1 اوتو .. مع واحد صاحبى بقالها حوالي 6 شهور
مطلعه عينة سخونيه و سفاحة بنزين وكل يومين عند الميكانيكى ومفيش حل
وفيه لمبتين كده بينوروا في الفتيس لمبه عليها حرف s ولمبه عليها مروحة اما بيقرص ع العربيه شويه
انا ساكن فى جسر السويس عند سوق القنال ومعايا اكسارا 2 اتوماتيك
انا عندى كام مشكلة عايز اخد رايك فيها
1- انا لما العربية بتنقل سرعات (اتوماتيك ) بتبقى زى الفل واول لما ابدا اقف ويبدا الفتيس ينزل من السرعات العالية للسفلى يحصل نتشة فى العربية و عند كل نقلة العربية زى ما تكون بتكلبش و سرعة ( rpm ) يزيد مرة واحدة وينزل تانى
2- اخيرا و اسف على الاطالة انا بشم رائحة دخان الشكمان فى العربية على طول
ياريت اعرف ميكانيكى كويس وبتاع فتيس متمكن
بشكرك وفي انتظار ردك
انا عندى مشكلة ياريت حد ينصحنى اعمل فيها ايه
وانا ماش مؤشر الحرارة لا يتعدى 90 ( النصف ) وبعد ما اقفل العربية علشان اشترى حاجة مثلا
ارجع علشان ادور العربية الاقى المؤشر فوق التسعين و احيانا بيقترب من 120 لكن لا يحصلها
والغريب ان اكثر من مرة العربية لا تدور الا لما اتركها تبرد
مع العلم انى لسه مغير مية الرداتير
وعامل سيرفيس كامل
ياريت حد يفيدنى ايه السبب
اكشف على ضغوط الفتيس
رائحة الدخان دى ..اولا اتاكد ان الشكمان سليم .. ثانيا متهيالى يا حساس الشكمان يا الرشاشات والله اعلم
ميكانيكي للاسف ما اعرفش فى جسر السويس اللى اعرفهم فى المريوطية هرم او صقر قريش .. بس اسمع فى جسر السويس عن ناس كتير لكن الحقيقة ما جربتهمش
فعلا زى ما اتقالك ممكن يكون حساسات الضغط وممكن يكون الزيت نفسه
لكن بالنسبة لريحة العادم فادى حساس الاكسجين اللى بيكون موجود على الشكمان اودام الموتور ولو مش مضايقاك عادى بس الافضل انو لو بايظ تغيره لانه لو باظ خالص بيبرجل العربية وبيقلل سحبها وطبعا لمبة التشيك بتنور
فى واحد فى عين شمس عند مخزن الانابيب كويس اسمه جميل
لكن لو عاوز حد كويس فى الفتيس فيه واحد فى الزيتون لو حبيت ابعتلى اقولك ارقامهم
يالف شكر ليكم
ياريت تبعتلى ارقامهم بعد اذنك
افيدونى بالله عليكم هى الاكسارا ليها قربة ميه ولا لا شكرا جزيلا
السلام عليكم :)
انا كنت بفكر اشترى اليومين دول و نظرا لانى بحب الفرنساوى - كان معايا ميجان قبل كدة - فقولت اجرب الستروين .. بقالى فترة بدور على تفاصيل الـ zx لكن فى وسط البحث لفت نظرى الاكسارا 1 ...
معلش هتقل على حضرتك شوية ...
فى فرق يستاهل ان اضغط نفسى فى السعر شوية و بدل الـ zx احاول اجيب اكسارا 1 ؟
و يا ترى فى فرق كبير فى توافر قطع الغيار بين العربيتين ؟ ..
و الاهم من ده .. ايه سعر الاكسارا 1 فى السوق حاليا .. اقصد السعر المنطقى يعنى .. سواء مانوال او اوتو ....
و الف شكر مقدما :)
الاكسارا1 عربية محترمة جدا من تجربة حوالى 6 سنين شرط انك تكشف عليها كويس وتعملها الصيانة عند حد بيفهم فيها ودى مش صعبة ..قطع الغيار موجودة فى صقر والحرفيين والوكالة
الاكسارا1 مانيوال الحالات المعقولة من 35- 40 لو عاوز اوتوماتيك هات اكسارا2 ..انا الحقيقة تجربتى كانت مع اكسارا1 مانيوال وبالتالى الاوتو كانت ناس بتنصحني لو عاوزه خليك فى اكسارا 2 ..بس ما جربتش الفرق بين الاوتو فى العربيتين
سؤال يا استاذ fepsceasar ضروري انا ابن خالتي معاه اكسارا 1 2001 جميله بس هوة مبهدلها ومطلع عين اللي جابوها ههههههههههه بس عجبتني رغم انو مهربدها والعربيه سعر اعادة بيعها زباله بصراحه ممكن تفيدني اكشف علي ايه اهم حاجة فيها وتقولي عيوبها ايه غير الفبرة اللي بتتكسر في كل الاكسارا دي وسعر الاكصدام الامامي والفوجات بتاعته كام لو سمحت وشكرا
لو سمحت قدامى سيتروين اكسارا2002 اوتوماتيك ماشيه ١١٠٠٠٠ كيلو حالتها كويسه ظاهريا قدامى ممكن اعرف ايه الحجات المهمه اللى ابص عليها و ياريت رنج سعرها من كام لكام و شكرا
الكشف العادى على اى عربية ..اهم حاجة بص على الكهربا .. ما يبقاش فيها وصلات بلدى كتير.. المفتاح يكون الاصلى ومش لاغي الايموبلايزر
لو ليك اى ملاحظات عليها اكتبها ونحاول نناقشها
هى اكسارا 1 ولا 2 لتقييم اكثر دقة ..واتاكد برضو لان الكيلومتر قليل على 2002 ايه السبب؟؟
السلام عليكم ورحمة الله وبركاته، لو سمحتوا يا جماعه ممكن حد يدلني على أفضل ميكانيكي وقطع غيار لإكسارا 1 يكون قريب من منطقة الاهرامات وأبو الهول بس يكون عنده ضمير لأني لسه شاري العربيه من أسبوعين وبصراحه أول مره اركب عربيه وأنا في المجال ده أبيض.
مان اوتو شارع المجزر الالى خلف أولاد رجب
وفي وليد الميكانيكي في شارع المستشفى
ارجو المساعده
معروض عليا اكسارا بيكاسو موديل ٢٠٠١
فيها شوية شغل المرايا اليمين مكسوره ، الرفرف اليمين فيه خبطه تطرد علي البارد ، البطاحات عايزه تتغير .
الكهربا سليمه ، ١٦٠٠ سي سي
اولاً محتاج اعرف عيوب العربيه دي عموماً
ثانياً بالنسبه للحاله اللي بحكي عليها تساوي كام ؟
و قطع الغيار دي تمنها كام علشان اخصمها من تمن العربيه ؟
اكون شاكر جدا
لو سمحتم معايا اكسارا 1. وعايز حد كويس للعفشه وعنده قطع غيار ليها. 2-التابلوه ه الفيبر والهوايات مكسرين ممكن اعملهم فين. 3-الكاسيت الاصلى الاقيه عند مين او لو فيه نوع يركب ويشتغل على المالتى فانكشن وشكرا
العفشة ايهاب جلال كويس
الكونسول والهوايات ممكن استيراد فى واحد اسمه سيد فى الوكالة 01064681995 وشوف برضو ابراهيم الكهربائي في صقر لو ممن يوفرهملك وفى واحد ورا ايهاب جلال على الطريق عنده استيراد
ممكن تجيب كاسيت وفى واحد ممكن يظبهولك مع المالتي ..شوية اشوفلك رقمه.. وما تجبش الكاسيت الا لما تقوله علشان لو قالك على انواع معينة