المشاركة الأصلية كتبت بواسطة tutankhamoun
أستاذي الفاضل
مبدئيا سنغافورة مش دولة أسلامية , نسبة المسلمين فيها لا تتعدى 15 %
و هي دولة علمانية صرف بمعنى الكلمة ......... و لكن أنا لم أزورها اطلاقا
ماليزيا دولة أسلامية علمانية (زينا كدا تقريبا ) مع أختلاف الأخلاق
الناس هناك عندها أخلاق بطريقة لن تتخيلها ...... و مثلها سنغافورة برضه لأني تعاملت مع سنغافوريين و لكن خارج بلدهم .
علشان تعيش هناك .... لازم تأشيرة اقامة و عمل و دي هاتبقى صعبه شويتين .
بالنسبة لتعليقك على بلاد الكفر .... هو أيه تعريفك بلاد الكفر أولا ؟
أصل أنت لو بتتكلم عن أوروبا مثلا
أنا هاقولك أني شوفت أخلاق ........ أفضل من أخلاق المصريين بكتير في كل حاجة .و شوفت أحترام لكافة الأجناس ما شوفتهاش في مصر .... و شوفت أحترام لكافة الديانات لم آراه مع المصريين .
الناس هناك عندها حرية عقيدة و أحترام لذلك رهيب ... يُجبرك أن تحترمهم و تكون متسامح بطبعك .
ربنا عز و جل خلقهم و خلقنا و أعطاهم الحياه كما أعطانا الحياة و أعطاهم المال كما أعطانا المال و أعطاهم عقل كما أعطانا عقل (هما بيستخدموه و أحنا لا مؤخذة شلناه و حطينا مكانه طوبة حجر )
المهم ... نصيحة أخوية .... أنفتح على العالم سترى ما لم تكن تتوقعه .
و أنه مثل سلة الفاكهة ... خذ منها ما يرضيك و أترك ما لا يرضيك .
لا تنغلق على نفسك و تغلق على نفسك أبواب من الممكن أن يكون ورائها الخير و تحكم على الناس بدون معاملتهم و معاشرتهم .
اللغة التركي مش قريبة من العربي اطلاقا
هي فيها بعض المفردات العربية و تم تحريفها طبعا ... و لكن نحويا مختلفة تماما عن العربي و عن الأنجليزي
و على فكرة الحروف بتاعتها مش زي الأنجليزي نهائي .
دي حروف مأخوذة من لغات أوروبا الشرقية .
الأنجليزي و الألماني من أصل واحد و بيشتركوا في مفردات كثيرة جدا .
و لكن لغويا و نحويا ........ أختلاف السما و الأرض .