صلاة النساء للتروايح في المسجد في الميزان

**Jato.33** · 11-09-2008 12:15 AM

مين إلي قال إن المرأه لا تمنع من الخروج للمسجد ؟
إذا كان خروج المرأه للصلاة في المسجد يؤدي إلى مفاسد هي أكبر من الثواب والأجر المنتظر تمنع عملاً بالقاعدة الشرعية المعروفة "درء المفاسد مقدم على جلب المصالح"
يعني متخرجش بمكياج كامل ولابسة ملابس ضيقة وملفتة ومتعطرة وتصلي في الشارع قدام الناس وتقعد تنم وتغتاب وبعدين نقول أصل ثواب الجماعة أعظم
لا
تمنع لو كان ده هيحصل لو خرجت تصلي التراويح
وبعدين المسلسلات شغالة عادي بعد التراويح مش الصلاة هيا إلي هتمنع الواحد يشوف التلفزيون وبعدين في بديل ممكن نوصيها بصلاة خفيفة في البيت وقضاء ما تبقى من الوقت في قراءة القرأن ولا الثواب مش هيتكتب إلا في المسجد ؟
حرام عليكوا والله البنات بيفكروني وهما داخلين معانا المسجد يصلوا كأنهم رايحين جنينة مول تعرفوا من كام يوم دخلوا علينا بنتين المسجد غلط فاكرين إنه مدخل السيدات تخيلوا بأه مش هقول كانوا عاملين إزاي

**hn_kamal** · 11-09-2008 09:30 AM

المشاركة الأصلية كتبت بواسطة OlaOsman

و مين قال ان صلاة النساء في المساجد "حرام"؟؟

و مين يقدر ينكر حديث رسول الله صلى الله عليه و سلم "لا تمنعوا إماء الله مساجد الله"؟

و ليه بناخد المواضيع بتحفذ و نقوَل بعض كلام ما قلناهوش؟؟

مجرد تساؤلات :)

ومين اللى قال ان انتى قولتى انه حرام صلاة النساء فى المساجد وأنا مش شايف ان حد خد الموضوع بتحفذ اطلاقا فقط تم توضيح فوائد الصلاة فى المسجد على أن يتم اجتناب كل ما حرم الله من صلاة النساء فى اماكن مكشوفة وما شابه ذلك
وشكرا

**OlaOsman** · 11-09-2008 09:34 AM

المشاركة الأصلية كتبت بواسطة hn_kamal

ومين اللى قال ان انتى قولتى انه حرام صلاة النساء فى المساجد

لو قريت المشاركات كلها هاتعرف إجابة سؤالك :)

على فكرة آخر 3 مشاركات كلها بتبدأ ب"مين اللي قال"

كل سنة و انت طيب :)

**hn_kamal** · 11-09-2008 09:35 AM

المشاركة الأصلية كتبت بواسطة Metbahdel

مين إلي قال إن المرأه لا تمنع من الخروج للمسجد ؟
إذا كان خروج المرأه للصلاة في المسجد يؤدي إلى مفاسد هي أكبر من الثواب والأجر المنتظر تمنع عملاً بالقاعدة الشرعية المعروفة "درء المفاسد مقدم على جلب المصالح"
يعني متخرجش بمكياج كامل ولابسة ملابس ضيقة وملفتة ومتعطرة وتصلي في الشارع قدام الناس وتقعد تنم وتغتاب وبعدين نقول أصل ثواب الجماعة أعظم
لا
تمنع لو كان ده هيحصل لو خرجت تصلي التراويح
وبعدين المسلسلات شغالة عادي بعد التراويح مش الصلاة هيا إلي هتمنع الواحد يشوف التلفزيون وبعدين في بديل ممكن نوصيها بصلاة خفيفة في البيت وقضاء ما تبقى من الوقت في قراءة القرأن ولا الثواب مش هيتكتب إلا في المسجد ؟
حرام عليكوا والله البنات بيفكروني وهما داخلين معانا المسجد يصلوا كأنهم رايحين جنينة مول تعرفوا من كام يوم دخلوا علينا بنتين المسجد غلط فاكرين إنه مدخل السيدات تخيلوا بأه مش هقول كانوا عاملين إزاي

سؤال هو لو سيادتك عندك ولد او بنت وكلما يروح المدرسة يعمل مشاكل مع صحابه والمدرسين يا تري حتمنعه من المدرسة ولا حتحاول تقوم سلوكه
يا سادة هو ده اللى بنقوله لازم نحاول نعدل من سلوكياتنا

**أبو عمار** · 11-09-2008 11:58 AM

يا ريت يا جماعة زى ما بنضرب مثال سيئ للموضوع نضرب كمان مثال صالح
و الله يا إخوانا أنا أعرف ناس راحت عمرة و أول ما سألتها قالت إيه ده يا عم دى حوسه و تعب و بهدلة و زحام و لا فيها روحانيات و لا تقدر تركز فى حاجة ، طيب ده لو قلت له روح عمرة ربيع و لا كده طيب هيعمل فى الحج إيه
يعنى أنا مثلا بروح أنا و زوجتى و عمار إبنى 8 سنوات نصلى يوميا عند الشيخ حاتم فريد فى جامع إبراهيم فى إسكندرية
و الموضوع بشكل عام جميل و منظر يحيى القلوب حتى لو كان بشكل وقتى فى رمضان (أو على رأى بعض الناس موضه)أكيد أكيد فى نسبة هتثبت بعد رمضان (ربنا يجعلنا منهم)
طبعا فيه شوية تجاوزات لو تم تداركها هيبقى الأمر كويس جدا
على سبيل المثال : الإلتزام بالزى الشرعى و مجاهدة النفس فى هذة الفترة على ذلك حتى يتم التعود على الحجاب
تقدير أعداد النساء التى تأتى للصلاة و عمل أماكن تستوعبها و هذا يقلل من المشاجرات و ما إلى ذلك
تركيز الإمام على السلوكيات المرفوضة و آفات اللسان و الرقائق و تزكية النفس
عدم إصطحاب الأطفال غير المميزين

و ربنا يتقبل منا و منكم صالح العمل

**Abo_Lina** · 11-09-2008 02:51 PM

المأساة الكبرى في هذا الزمن ان الناس بتنظر للكم و ليس للكيف..فالمساجد تمتلئ في رمضان بالرجال و النساء و الاطفال ولكن بعد انتهاء رمضان او حتى بعد انتهاء الصلاة لا نجد اي انعكاس لهذه الصلاة على اخلاق و تعاملات كثيرا ممن كانو في المسجد..

غثاء كغثاء السيل اجارنا الله و اياكم