الموضوع: خط اتصالات معايا من 7 سنوات ومش باسمى ؟؟؟؟؟؟؟؟ ايه الحل

المشاركة الأصلية كتبت بواسطة احمد المصرى

السلام عليكم


انا شارى خط اتصالات تقريبا من 2007 وشغال بيه من ساعدها ودا الاخط الاساسى بتاعى حاليا انا عايز اغير واجيب موبيل بشريحه منى وعايز اغير الشريحه رحت علشان اغيرها لقيت الخط مش باسمى اذاى يا جدعان دا معايا من سنوات


طبعا هما طالبين العقد و الكرتونه وطبعا الاتنين مش موجودين وحتى مش عارف اقص الشريحه لانها قديمه جدا بالمعدن بتاعها كبير مش هينفع تتقص


حد عنده اى حل ممكن اعمله وهما رافضين حتى انى اقلهم على ارقام ثابته بكلمها من سنوات ذى تليفون امى وزوجتى بكلمهم يوميا

اتصالات رخمين جدا
انا حصل معايا نفس مشكلتك تقريبا
المحفظه والبطاقه وكل اثباتات الشخصيه ضاعت ومعايا خط اتصالات بقاله 5 سنوات تقريبا
روحت مركز اتصالات وطلبت استخراج شريحه جديده اه نسيت اقولك ان الموبايل نفسه كان ضاع برضه المهم وريتهم محضر الشرطه وصوره البطاقه فرفضوا وقالوا كلم المدير فدخلت للمدير قالي ماشي روح علي الكاونتر البيه بتاع الكاونتر فوجئت ان الخط موش باسمي طب ازاي وانا شاره ومسجله بالتليفون عندهم لكن انت بتكلم مين الباشا بتاع الكاونتر ركبه العند طبعا انا كمان روحت مزعق وعامل فضيحه اخيرا وافق اني اقوله 13 رقم بيتصلوا بيا واتصل بيهم وسجلت الخط باسمي واخذت شريحه جديده
فاذا كان الخط بتاعك موش متسجل باسمك او اسم حد تاني فمن حقك انك تعمل زيي لاني عرفت بعد كده ان ده النظام عندهم والكاونتر مجبر علي تسجيل الخط باسمك بعد اعطاءه 13 رقم يعرفوك
لكن لو الخط مسجل باسم حد تاني موش هاينفع
نسيت اقولك انا عملت كده في فرع اتصالات مدينه نصر ش مصطفي النحاس بجوار التوحيد والنور
بالتوفيق ان شاء الله

حصل معايا الفيلم ده مع فودافون قالولي مطلوب أشحن علي الأقل 3 كروت في مدة شهرين و احتفظ بالكروت عشان يعرفو أن أنا اللي بستعمل الخط و كمان أديلهم أكتر نمر بتكلمني و بكلمها بس كده.

بص ياباشا انا شغال فى خدمة عملاء اتصالات
بيبقى في من وقت لاخر تقدر تاخد رقم المسلسل من خدمة العملاء عن طريق بيانات الاستخدام وده كان شغال لحد رمضان اللى فات حتى لو الخط مش مسجل باسمك
الفكرة ان لما العملاء بيضيع الخط بتاعهم وهو مش باسمهم ومحدش يطلع عيه بتكون فى خطوط كتير مش شغالة وفى الحالة ديهالشركة بييبقى خسرت رقم كان بيدفع للشركة فلوس فى الحالة ديه الشركة بتفتح الحصول على رقم المسلسل عن طريق بيانات الاستخدام
وتقريبا فى الفترة القريبة القادمة هيكون فى بيانات استخدام للان كان فيه اميل بكده

المشاركة الأصلية كتبت بواسطة abdoumahros

اتصالات رخمين جدا
انا حصل معايا نفس مشكلتك تقريبا
المحفظه والبطاقه وكل اثباتات الشخصيه ضاعت ومعايا خط اتصالات بقاله 5 سنوات تقريبا
روحت مركز اتصالات وطلبت استخراج شريحه جديده اه نسيت اقولك ان الموبايل نفسه كان ضاع برضه المهم وريتهم محضر الشرطه وصوره البطاقه فرفضوا وقالوا كلم المدير فدخلت للمدير قالي ماشي روح علي الكاونتر البيه بتاع الكاونتر فوجئت ان الخط موش باسمي طب ازاي وانا شاره ومسجله بالتليفون عندهم لكن انت بتكلم مين الباشا بتاع الكاونتر ركبه العند طبعا انا كمان روحت مزعق وعامل فضيحه اخيرا وافق اني اقوله 13 رقم بيتصلوا بيا واتصل بيهم وسجلت الخط باسمي واخذت شريحه جديده
فاذا كان الخط بتاعك موش متسجل باسمك او اسم حد تاني فمن حقك انك تعمل زيي لاني عرفت بعد كده ان ده النظام عندهم والكاونتر مجبر علي تسجيل الخط باسمك بعد اعطاءه 13 رقم يعرفوك
لكن لو الخط مسجل باسم حد تاني موش هاينفع
نسيت اقولك انا عملت كده في فرع اتصالات مدينه نصر ش مصطفي النحاس بجوار التوحيد والنور
بالتوفيق ان شاء الله

لا ياباشا مفيش حاجة اسمها كدة عندنا دى اسمها عملاء قليلة الادب وممكن يكون هو عمل كدة عشان يشترى دماغة وميعملش مشكلة لكن القوانين عندنا بتمنع كدة وفى ناس كتيرة بتزعق وبتتعارك ومش بنعملها حاجة
لكن ف حاجة تانية انا بعملها لو عميل الى معايا شكلة محترم وانا متاكد ان الخط بتاعة ومعاه الشريحة الاصلية بسجلهولة لان فعلا فى موزعين بيسجلو الخطوط ب اى بطايق عشان التارجت بتاعهم والناس هيا الى بتلبس ف الاخر
والمشكلة عندك انت ان حد ضحك عليك وباعلك خط متسجل وانت اتنازلت عن حقك ومخدتش عقد او اى حاجة تثبت ملكيت للخط ف ملتومش الموظف الى قاعد ببيعمل الى الشركة قايلالة علية وتزعقلة لانة مش زمبة
وزى مابيقولو الحكومة لاتحمى المغفلين مع كل احترامى لحضرتك