موجوده وسعرها 650 عند المعادي للاطارات - عبده امين
عرض للطباعة
بعد الاتصال بعبده امين للاسف مفيش CDrive لمقاس النيسان اللي موجود A Drive والسعر 550
هذا بالاضافه انه اداني معلومه غريبه بسؤالي عن الكونتينيتال بيقولي عنده نقشه اسمه كونتي بريميم 3 مع ان مفيش اصلا حاجه في البراند دا بالاسم دا المهم هيه الماني وسعرها 525 السرعه H وبكده الكونتيننتال يكسب بس موضوع اسم النقشه ده اللي مجنني
هو السرعة h ولا v الاحسن؟؟وايه معدل تاكل الاطار دا؟؟
ال A-Drive كانت نازلة استوك في عربية جوز اختي لانسر 1300 و مشي عليها 90 الف كيلو و مقالتش لأ بس الفردة طلعت في الاخر مفيهاش نفس بس كانت كويسة و في رأيي كانت ممكن تكمل معاه بحالتها لحد مثلا ال70 الف مع الاهتمام بالروتيشن و الضغط
Michelin XM2 185/65 EGP665
Michelin Energy XM2 | the Michelin Energy XM2 reviewed and rated | the online tyre guide
ثبات و فرامل كويسه جدا
اشك ان اللى موجود برة ب550 هو نفس الخواص او الفئة الجديدة اللى حضرتك لقيتها فى شيراتون ب650
لأن اللى برة ده زى ماقولت انه انتاج عدى عليه سنة كاملة يعنى داخل ايام الدولار ما كان اقل من دلوقت
بلد الانتاج بتفرق فى السعر
القديم ده غالبا زى اللى شوفته وقت ما اشتريت فى 9-2011 نوعه كونتي كونتيننتال كان رومانى وشكله كان اقدم من اللى جبته فرنساوى انتاج 12-2010 يعنى كان داخل فى سنة برضه وراكب لحد دلوقت عندى وطرى جداا ومريح فى المطبات اخرها كنت فى طريق غير ممهدد ارياف الاجازة اللى فاتت وراكبين 5 فى العربية رايح و4 راجع وماشى بسرعة ومش حاسس باى حاجة على الارض تماما غير القديم كان اقل نقرة فى الارض العربية تتهبد !!!
موضوع التركيب والترصيص والنيتروجين مش هايزيد عن 100 ج كأنك شاري الفردة ب675 بدلا من 650
عالعموم فكر ودور تانى وشوف ايه اللى يناسبك
طيب دلوقت انا محتار بين البرديجستون تورنزا GR90 والكونتيننتال Eco5 اللى قلتو عليها