الموضوع: عايز زينون فيلبس اصلي جديد بضمان

المشاركة الأصلية كتبت بواسطة karim_monir

osram 6000k h4 hi low 12v 35w canbus bi xenon hid slim ballast conversion kit | ebay
ايوة ده وعشان كدة بقولك هاتة من هنا عشان الضمان وغيره
هناك ب 285 غير الشحن والجمارك وبقية المصاريف
انا جايبة من هنا 1650
وولو انت واطي وعالي في لمبة واحدة هايبقي اغلي حاجة بسيطة

طيب ايه الفرق بينو وبين اللك الاولانى يا كريم

وهل الى هنا اصلى زى الى بره

وايه الفرق بين h4 او ايى h تانى
وايه هيه k9000

معلش انا اصلى مش فاهم الموضوع بتاع الزينون خالص يريت تفهمنى كل حاجه عنه

المشاركة الأصلية كتبت بواسطة ahmedshawki

طيب ايه الفرق بينو وبين اللك الاولانى يا كريم

وهل الى هنا اصلى زى الى بره

وايه الفرق بين h4 او ايى h تانى
وايه هيه k9000

معلش انا اصلى مش فاهم الموضوع بتاع الزينون خالص يريت تفهمنى كل حاجه عنه

معلش ياباشا اسمحلى ارد انا عليك
النوع الاولانى اللى هو Osram night breaker ده مش زينون دى لمبات هالوجين عاديه بس اضائتها اقوى بحوالى 90 % بس بتدى نور 2800 كيلفن يعنى نور اصفر ( النور الأصلى 2500-2600 كيلفن ) ودى احسن حاجه ممكن تجيبها لو انت عاوز هالوجين والمنافس بتاعها Philips xtream vision ودى بتدى 100% اضاءه اقوى .... وعلى فكره النوعين متوفرين فى مصر واصلى ... والنوعين 55وات يعنى مافيش كتاوت او اى اضافات just plug and play

بالنسبه ل h1 ,h3 , h4 , h7 , h8 , h11 , 9005 , 9006 , 881 , 880 الخ ... دى كلها موديلات للمبات كل عربيه بتختلف من موديل للتانى شوف اللى راكب عندك وهتجيب زيه .. لو انت عندك النور الواطى والعالى فى نفس اللمبه غالبا هيكون H4 او 9006 لأن باقى اللمبات بتكون نور واحد واطى او عالى او فوج Single beam

بالنسبه للنوع التانى Osram xenarc hid ده زينون وده بيختلف عن الهالوجين تماما ده عباره عن لمبات مشحونه بغاز الزينون ومجموعه معينه من الاملاح موجوده داخل كبسوله زجاجيه بتحتاج جهد عالى جدا لتضئ بيوصل ل 23000 فولت بالتالى بطاريه العربيه ال 12 فولت استحاله تشغله علشان كده بيحتاج موديول بياخد ال 12 فولت وبيخرجهم 23 الف فولت علشان اللمبات تنور ومع ذلك الزينون بيستهلك 35 وات فقط على عكس اللمبات الهالوجين اللى بتشفل بالتنجستين او الفتيل بتستهلك 55 وات

اولا الزينون الستوك او اللى بينزل فى العربيه وده له مقاسات تانيه خالص زى D1s ,d2s , d2r , d3s. d4s , d4r الخ وللاسف اللى فهمته ان اللمبات دى ليها موديولات معينه وكابلات معينه يعنى مش تنفع تركب للعربيات اللى نازله من غير زينون وده بيسموه OEM وغالبا دى بيكون 4200 - 5000 كيلفن ,وكلهم Single beam
ثانيا بالنسبه للزينون ال After market او اللى احنا بنركبه ... ده انواع كتيره لكن انصحك نصيحه لو انت مش يفرق معاك الفلوس هات حاجه محترمه زى ال Osram او ال Philips تجيبهم وتنساهم وتاخد منهم نور محترم سيبك من الصينى والكلام التانى ... ودول طبعا ليهم نفس المقاسات الاصليه للمبات وفى منهم نوعين
--- Single beam xenon ودى بتكون h1 h3 h7 9005 وبيركب فى الواطى او العالى
--- dual xenon او bi-xenon ودى بتكون h4 او 9006 ودى بتكون واطى وعالى عن طريق موتور صغير بيحرك اللمبه قدام او ورا فينور النور العالى

بالنسبه للكيلفن ... ده درجه لون اللمبات وهو كالتالى
4300 ك .... نور اصفر
5000 ك ..... نور ابيض مصفر crystal white والنوعين دول هما الاقوى وغالبا اللى بينزلوا فى العربيات المزوده بزينون OEM
6000 ك .... وده ابيض مائل للزرقه
8000 ك ..... وده ازرق فاتح وده الشائع فى مصر هو اللى موجود فى اللمبات الصينى وده مالى شوارع مصر وهو منظر اكتر منه نور
10000ك ..... وده ازرق ازرق وده منظر بس انا شايف ان نوره سئ
12000ك و 15000ك و 20000ك دى للمنظر فقط
ممكن حضرتك تبحث فى جوجل للصور ب hid 4300vs 6000vs 8000k هيظهرلك صور كتييييرهتقدر تفهم منها اللى انا اقصده

لاحظ حاجه
--- ايه اللى يفرق اللمبات الصينى عن الماركات المعروفه .... نقاء الكبسوله الزجاجيه وشكلها وكميه الزينون والاملاح الموجوده داخل اللمبات ... طبعا اللمبات الاصليه نقاء اعلى ونور افضل وعمر اطول
--- لو انت اول مره تتعامل مع الزينون اوعى تحاول تركبه بنفسك لازم صنايعى او حد اتعامل معاه قبل كده
--- اوعى اللى يركبهولك يقولك انا هاشيل لك العاكس اللى موجود قدام اللمبه داخل الفانوس ( شكلها عامل دى الكريستاله) لان دى ليه وظائف كتيير اولا Anti-glare يعنى بتقلل التاثير بتاع النور للمقابل ... وثانيا دى مسؤله عن ال Cutoff بتاع النور او توزيع النور .... لكن لو العربيه نازله من غيرهم ده موضوع تانى
يارب اكون باعرف اشرح وانا اسف كان نفسى احط صور بس للاسف ماكنش عندى وقت ارفع صور