الاخبار المؤكدة... الفئة الثالثة لاوكتافيا a7 من الوكيل

مساء الخير عليكم جميعا،،
اليوم ذهبت مع صديق لاستلام الرائعه ال A7 من احد الموزعين. كان لونها grey فاتح وكان اللون رائع عليها رغم اني مابحبش اللون ده بس فعلا لايق اوي عليها. شدني برضو اللون الأبيض اللي مابيلقش على أي عربيه.
اللي حصل انه قبل الاستلام فاجأنا صديقنا صاحب المعرض بخبر مؤكد انه ارتوك مش هتنزل أي عربيه تاني بعد رسالة الجمارك الجايه والعربيات بتاعت الرساله دي هتدخل في صالات العرض والموزعين سيام على اخر الاسبوع ده واول الاسبوع القادم بحد اقصى. والحقيقة انو اول مركب هيدخل بعد كده هيبقى على اول السنه الجايه !!
ولما سألته ليه ، شرحلي بامانه بحكم الصداقه اللي بنا وقاللي الوكيل ارتوك هيعطش السوق شويه في تصرف يتسم بالذكاء في استغلال الموقف، بمعنى انه مش هيجيب أي عربيات بعد الاسبوعين الاولتنيين من شهر أكتوبر موعد وصول اخر شحنه للسنه دي، وكده هيصوم لحد بدايه يناير .!
سألت سؤال بديهي ، قولتله ممكن يكون الوكيل نازل بكميه تغطي السوق لحد نهاية العام. رد قاللي ﻷ.
قاللي احنا في خناقات مع ادارة الموزعين داخل ارتوك ، عشان عايزين يدو كل موزع فقط عشرين عربية !
والحجوزات على عربية الوكيل اول فئة من الموزعين خلقت مشاكل فيها ارتوك خصوصا بعد تأكيد انباء ان دي اخر دفعة للعام الحالي.
صديقي قاللي لو مش مصدقني تعالى في نوفمبر بعد العيد وأسأل على العربيه هقولك احاول ادبرها وممكن اقولك باوفر برايس !!

بصراحه جالي احباط من اللي بيحصل خصوصا لما اتصلت بمبيعات فرع المقطم واكدلي انه فعلا اخر دفعه اللي جايه اول شهر 10 ومافيش دفعات بعدها للسنه الحاليه الا في يناير ،
لم عدت و سألت مسؤول المبيعات في المقطم عن فئة تالته جايه في شحنة يناير ، أكد فعلا دون الافصاح عن تفاصيل كتير ، كل اللي قالو انها هتكون بين الفئتين الحاليتين.
صديقي الموزع اكدلي انه في ميتينج مع بتوع ارتوك واكدوله ان الفئة التالته بتزيد زينون، طارة مالتي ، حساسات امامية بخلاف الخلفية الموجوده أصلا،
المحبط اكتر في كل اللي فات انه اكدلي ان الفئة التالته دي سعرها يتراوح بين 248 و252 ولن تقل عن ذلك . وان الوكيل لن يخفض سعر أي من الفئات التلاته حتى لو عاد الدولار لحاجز ال 6 جنيهات.!!
لله الأمر من قبل ومن بعد. ولا حول ولا قوة الا بالله.

مفيش حاجه في مصر ما بتتباعش
حتي لو سعر العربيه وصل 300 الف
كل حاجه وليها زبونها

العربية مبعتش كتير ومش هنضحك على بعض .. لو العربيات بتتباع مستحيل اي موزع متعمد ينزلك جنيه منها + هيبقي في اوفر برايس ! وده طبيعي جدا عربياته اصلا متباعتش اللى جابها هيجيب تاني ليه !

روح اي موزع معتمد وهينزلك في سعرها وفي عضو بالفعل منزل في سعرها 3000 جنيه

باختصار يا جماعة العربية دى فاشلة ومتستهلش المبلغ ده حرام ادفعه في عربية تورشن بيم و 2 ايرباج وكمان فتيس فاشل واوبشن قليل جدا !

عندكوا السيتروين الـc5 عفشة مالتي لينك 7 ايرباج واوبشن يمكن اكتر منها وارخص منها بـ 8 تلاف جنيه !!

مفيش مشكلة.الأمر بسيط..احنا نسيب العربية بتاعتهم تصدي عندهم وتلطشها البرومة وعلينا وعلي الخليجي !

احنا شعب مبيفهمش حافظ مش فاهم

اقتباس:

---

المشاركة الأصلية كتبت بواسطة zangry

العربية مبعتش كتير ومش هنضحك على بعض .. لو العربيات بتتباع مستحيل اي موزع متعمد ينزلك جنيه منها + هيبقي في اوفر برايس ! وده طبيعي جدا عربياته اصلا متباعتش اللى جابها هيجيب تاني ليه !

روح اي موزع معتمد وهينزلك في سعرها وفي عضو بالفعل منزل في سعرها 3000 جنيه

باختصار يا جماعة العربية دى فاشلة ومتستهلش المبلغ ده حرام ادفعه في عربية تورشن بيم و 2 ايرباج وكمان فتيس فاشل واوبشن قليل جدا !

عندكوا السيتروين الـc5 عفشة مالتي لينك 7 ايرباج واوبشن يمكن اكتر منها وارخص منها بـ 8 تلاف جنيه !!

---

كلامك طبيعي ومنطقي . بس تعمل ايه في الزبون المصري اللي هيكسر كل القواعد المنطقيه.
اللي اشترى العربيه حتى اخر أغسطس فعلا خد خصم 3 الاف، خصوصا من نورالدين الشريف ، لكن دلوقتي صعب اوي انه ينزل الفين على بعض. الكارثة الحقيقية انها تحافظ على تمنها او تغلى . ساعتها هعلن اني مش هعلق او احلل او اناقش أي سعر في سوق البلد دي. لأني ماعدتش فاهم .

بخصوص العربيه مابعتش .
لو عملت زيييين وسألت الموزعين المعتمدين دول . هتتفاجأ.
الشرقاوي ماعندوش ولا حته وخلص بيع. كارتيك العبور شرحه . الاقصى فاضل عنده كأم قطعه لو كان مابعهمش أصلا. نور الدين الشريف كان عنده اخر اتنين وكمان لغى أي خصم عليها. معرض والي الخليفه المؤمون ولا قطعه عنده، سمير ريان نفسه كان عنده وحده فراني اول امبارح وماكنش فيه الا هيا. ده اذا ماكنتش اتباعت.

Mr. Zangry أعمل تليفوناتك وتأكد من المعلومات دي وبعدين حاول مشكورا تدينا تفسير للي بيحصل
اما بخصوص انها اتباعت او ماتباعتش . فالعربية للأسف الشديد .....بتبييع!

ويستمر مسلسل جشع التجار

اقتباس:

---

المشاركة الأصلية كتبت بواسطة hanipal

بخصوص العربيه مابعتش .
لو عملت زيييين وسألت الموزعين المعتمدين دول . هتتفاجأ.
الشرقاوي ماعندوش ولا حته وخلص بيع. كارتيك العبور شرحه . الاقصى فاضل عنده كأم قطعه لو كان مابعهمش أصلا. نور الدين الشريف كان عنده اخر اتنين وكمان لغى أي خصم عليها. معرض والي الخليفه المؤمون ولا قطعه عنده، سمير ريان نفسه كان عنده وحده فراني اول امبارح وماكنش فيه الا هيا. ده اذا ماكنتش اتباعت.

Mr. Zangry أعمل تليفوناتك وتأكد من المعلومات دي وبعدين حاول مشكورا تدينا تفسير للي بيحصل
اما بخصوص انها اتباعت او ماتباعتش . فالعربية للأسف الشديد .....بتبييع!

---

بأكد كلام حضرتك، نور الدين الشريف فى الأسكندرية معندوش ولا واحدة، مفيش غير رابيد و yeti فقط، سألته طب هتيجى أمتى، قالى معرفش، أنا شغال دلوقتى فى الرابيد و الyeti فقط، بس الصراحة مش عارف ليه حسسنى أنو قرفان من العربية.

اقتباس:

---

المشاركة الأصلية كتبت بواسطة hanipal

كلامك طبيعي ومنطقي . بس تعمل ايه في الزبون المصري اللي هيكسر كل القواعد المنطقيه.
اللي اشترى العربيه حتى اخر أغسطس فعلا خد خصم 3 الاف، خصوصا من نورالدين الشريف ، لكن دلوقتي صعب اوي انه ينزل الفين على بعض. الكارثة الحقيقية انها تحافظ على تمنها او تغلى . ساعتها هعلن اني مش هعلق او احلل او اناقش أي سعر في سوق البلد دي. لأني ماعدتش فاهم .

---

ميقدرش يغليها لانه لو غلاها مش هتتباع وهي اصلا بيعها قليل فـ كده يبقي وقفها خالص ولو عملها احنا مش خسرانين حاجة لان في بدائل تانية واحسن منها 1000 مرة

اقتباس:

---

المشاركة الأصلية كتبت بواسطة hanipal

بخصوص العربيه مابعتش .
لو عملت زيييين وسألت الموزعين المعتمدين دول . هتتفاجأ.
الشرقاوي ماعندوش ولا حته وخلص بيع. كارتيك العبور شرحه . الاقصى فاضل عنده كأم قطعه لو كان مابعهمش أصلا. نور الدين الشريف كان عنده اخر اتنين وكمان لغى أي خصم عليها. معرض والي الخليفه المؤمون ولا قطعه عنده، سمير ريان نفسه كان عنده وحده فراني اول امبارح وماكنش فيه الا هيا. ده اذا ماكنتش اتباعت.

Mr. Zangry أعمل تليفوناتك وتأكد من المعلومات دي وبعدين حاول مشكورا تدينا تفسير للي بيحصل
اما بخصوص انها اتباعت او ماتباعتش . فالعربية للأسف الشديد .....بتبييع!

---

انا كنت من كام يوم مكملش اسبوع عند الكموني وسألت السيلز هناك قالي انوي بس وانا اظبطلك السعر بس كلمني على عربية بعينها والمهم تكون عجباك والعربيات موجودة في المخزن في القاهرة وقالي اللون الابيض بيزيد 2000 جنيه لانه قليل

الكموني يقدر يتصرفلك في حتة وأنا مثدقك،،،، بس الحقيقة الطاغية على المشهد وتحتاج لتفسير، ان كله تتباع كل اللي نزل للمعارض الكبيرة اتباع، اللهم الا قطعه هنا او قطعه هناك.
الشرقاوي وكارتك ونورالدين معارضهم ملحق بيها مراكز الصيانة المعتمده من ارتوك ، فدول مش مجرد موزعين عادين. وهما ليهم الحصة الأكبر بين الموزعين. لما يكونوا منفضين وبايعيين ومستنيين . يبقى لازم نفكر بطريقة مختلفة في الموضوع

يا إما ارتوك كانت نازله أصلا ب 15 عربيه بس، ههههههه
يا إما الناس ماعدش فارق معاها مواصفات وتجهيزات العربية ، بقدر ما فارق شكلها الخارجي ووسعها الداخلي.
والله أعلم

الحلزونة ياما الحلزونة ... ملها البيجو 508 مش فاهم أنا ...!!!

بسيطة قوى
إحنا نبيع الاسكودا و نجيب بى أم.
نكمل عليها أو نسقط وأنهى عربية كلها أو بشن. و دفع خلفى.

508 .. ds5 .. c5 .. astra cosmo ..dart كل س فينفس السعر وفيه منهم اللي ارخص بـفرق وأفكر في كل ده قبل الاوكتفيا
ومعجبنيش سياسة التوكيل دي خالص

اقتباس:

---

المشاركة الأصلية كتبت بواسطة Haitham Basha

الحلزونة ياما الحلزونة ... ملها البيجو 508 مش فاهم أنا ...!!!

---

الـ508 اغلي من الاوكتافيا بـ حوالي 20 الف وهي هي نفس السيتروين الـc5 في كل حاجة يمكن الـc5 احسن عشان فيها 7 مقابل 4 في البيجو وارخص منها ومن الاوكتافيا الكتيانة :d

طول مافيه ناس بتدفع فلوس يبقى الوكيل يعمل اللى هو عايزه

سعر خرافي بصراحة

هو مش البيجو و السيترةين بنزين ٩٥ بس؟

و بعدين الاعتماديه و التوكيل قي المركتين دول ايه النظام؟

البيجو عدلوها من اول انتاج 2013 بنزين 92

اقتباس:

---

المشاركة الأصلية كتبت بواسطة waelamin123

البيجو عدلوها من اول انتاج 2013 بنزين 92

---

لا يا فندم اي عربية تربو اي كانت مركتها سكودا جتا باسات 508 دارت كله بنزين 95
اي حد يقولك غير كده بيضحك عليك حتى لو كان التوكيل

انما ممكن تمشي ب 92 في مقابل خفض في الاداء بنسبة بسيطة

تقبل تحيايتي

اقتباس:

---

المشاركة الأصلية كتبت بواسطة mo7a_mo7a

لا يا فندم اي عربية تربو اي كانت مركتها سكودا جتا باسات 508 دارت كله بنزين 95
اي حد يقولك غير كده بيضحك عليك حتى لو كان التوكيل

انما ممكن تمشي ب 92 في مقابل خفض في الاداء بنسبة بسيطة

تقبل تحيايتي

---

طيب نشيل مثلا 16 حصان مع بنزين 92 تبقى 140 حصان حلوين مش وحشين

اقتباس:

---

المشاركة الأصلية كتبت بواسطة waelamin123

طيب نشيل مثلا 16 حصان مع بنزين 92 تبقى 140 حصان حلوين مش وحشين

---

كلام حضرتك صح لو انت ماشي بالعربية علي الغيار الاخير والموتور جايب 6000 لفة /دقيقة (يعني اقصي طاقة للموتور) لان ال 156 حصان دول مش قوة الموتور في الاحوال العادية انما دي اقصي خرج للمتور


انما الفرق تحسه وانت بتهدي في مطب وتطلع تاني او لما تحب تكبس شوية علشان تعدي من ترلة او تاخد غرزة مثلا ساعتها لو العربية بطلع 80 حصان مثلا ببنزين 95 حتلاقيهم 70 مثلا مع 92 اكتين
طبعا للي متعود علي العربية حياخد باله انما لو مش فارقة معاك يبقي خلاص
قضي الامر

تقبل خالص تحياتي

يا جماعه خلاص انا استسلمت ، ويأست من ارتوك ، و ان شاء الله حجزت بيجو 508'
انا فعلا نويت على تاني فئه وربنا يكرمنا ونحافظ عليها من شوارعنا اللي زي الفل،
انا ركيب اوكتافيا، وبعدين خنتها مع البيجو عشان ارتوك اوتو اللي اهان ال a7 ونزلها فاضيه وبعفشه تورشن وبكسين ايرباك منه لله، كنت بدفعلي في الفانتازيا ٨٠٠ ل ١٢٠٠ جنيه كل ١٠٠٠٠ كم، وطبعا صيانة ال ٦٠ الف الكبيره زي ما انتو عارفين تعدي خمسه الاف،،،،، ايه الدنيا في المقابل بتوكيل بيجو،؟ ان سمعت ان الموضوع مش بالرعب ده في التكاليف عكس ما الناس متوقعه، ومافيش فرق جامد مع التوكيل الجديد cdcm.
اوكمان كان عندي كام سؤال لحضرتكم من مالكي ال ٥٠٨ عارف انكم تقدرو تساعدوني
استلم ايه مع العربيه انا فاكر شفت في التوكيل ان في دواسات مع الفئه دي ، ايه تاني غيرها وغير طقم العده، وايه اللي اخلي بالي منه وانا باستلم خلاف الامور التقليديه؟
هل الزينون عالي وواطي ولا واطي بس. ؟
احط بنزين 92 على طول ولا افولها الاول 95 ؟ عشان ماصدمهاش المسكينه ههههههه

انا ناوي اعمل الصيانات الاولى في فرع صلاح سالم، لاني ساكن في مصر الجديده وهوا قريب، والاراء اجمعت انه مش بطال وسريع للصيانات العاديه،. يهمني برضو راي حضرتكم
انا ناوي افضي الهوا واحط نيتروجين ، ايه رايك ؟ والضغط كام ورا وقدام حسب تجربتك العمليه ( بغض النظر عن المكتوب على العربيه)'
موضوع مشكلة عزل الهوا في موضوع سابق بعد ١٥٠ كم احد مالكي البيجو اتكلم عنه اقترح حل انه نرفع تكه كمان زياده
بعد رفع الزجاج، بس للاسف انا فعلا حاولت في عربية كانت واقفه في معرض صلاح سالم التوكيل، وماجبتش خالص معايا اي تكه زياده بعد رفع الزجاج،
ياريت لو حد عنده اي مراجعه او لقى حل جديد، او حد سال في التوكيل مثلا وقالولك حاجه

انا عارف انه تقلت عليكم بس زي ما بيقوله
وقطعه من قلبي لازالت مع طليقتي ،،، اوكتافيا،، ههههههه

والف شكر مقدما

لسه شايفها النهارده لاول مره في معرض اباظه التجمع
و بصراح خيبت املي جدا و فقدت كتييير من بريق و مميزات الاوكتافيا السابقه
هي بقت اوسع اي نعم لكن بصراحه سعرها (بالنسبه ليا) المفروض يقل عن كده

اللي صعبت عليا الرابيد عربيه محترمه لكن نزولها مانوال بس و بالسعر ده قتلها


اما بالنسبه للكلام اللي قايله صاحب الموضوع
فده غباء صرف من التوكيل
و هيؤدي الي ازدهار مبيعات الخليجي و المنافسين و خصوصا الكورولا

نفسي بقي منصور يسترجل و ينزل الانسيجنيا بالمتور ال 1.6 تيربو عشان السوق يولع بجد

اقتباس:

---

المشاركة الأصلية كتبت بواسطة hanipal

يا جماعه خلاص انا استسلمت ، ويأست من ارتوك ، و ان شاء الله حجزت بيجو 508'
انا فعلا نويت على تاني فئه وربنا يكرمنا ونحافظ عليها من شوارعنا اللي زي الفل،
انا ركيب اوكتافيا، وبعدين خنتها مع البيجو عشان ارتوك اوتو اللي اهان ال a7 ونزلها فاضيه وبعفشه تورشن وبكسين ايرباك منه لله، كنت بدفعلي في الفانتازيا ٨٠٠ ل ١٢٠٠ جنيه كل ١٠٠٠٠ كم، وطبعا صيانة ال ٦٠ الف الكبيره زي ما انتو عارفين تعدي خمسه الاف،،،،، ايه الدنيا في المقابل بتوكيل بيجو،؟ ان سمعت ان الموضوع مش بالرعب ده في التكاليف عكس ما الناس متوقعه، ومافيش فرق جامد مع التوكيل الجديد cdcm.
اوكمان كان عندي كام سؤال لحضرتكم من مالكي ال ٥٠٨ عارف انكم تقدرو تساعدوني
استلم ايه مع العربيه انا فاكر شفت في التوكيل ان في دواسات مع الفئه دي ، ايه تاني غيرها وغير طقم العده، وايه اللي اخلي بالي منه وانا باستلم خلاف الامور التقليديه؟
هل الزينون عالي وواطي ولا واطي بس. ؟
احط بنزين 92 على طول ولا افولها الاول 95 ؟ عشان ماصدمهاش المسكينه ههههههه

انا ناوي اعمل الصيانات الاولى في فرع صلاح سالم، لاني ساكن في مصر الجديده وهوا قريب، والاراء اجمعت انه مش بطال وسريع للصيانات العاديه،. يهمني برضو راي حضرتكم
انا ناوي افضي الهوا واحط نيتروجين ، ايه رايك ؟ والضغط كام ورا وقدام حسب تجربتك العمليه ( بغض النظر عن المكتوب على العربيه)'
موضوع مشكلة عزل الهوا في موضوع سابق بعد ١٥٠ كم احد مالكي البيجو اتكلم عنه اقترح حل انه نرفع تكه كمان زياده
بعد رفع الزجاج، بس للاسف انا فعلا حاولت في عربية كانت واقفه في معرض صلاح سالم التوكيل، وماجبتش خالص معايا اي تكه زياده بعد رفع الزجاج،
ياريت لو حد عنده اي مراجعه او لقى حل جديد، او حد سال في التوكيل مثلا وقالولك حاجه

انا عارف انه تقلت عليكم بس زي ما بيقوله
وقطعه من قلبي لازالت مع طليقتي ،،، اوكتافيا،، ههههههه

والف شكر مقدما

---

الف مبروووووك وربنا يرزقك خيرها ويكفيك شرها ... ان شاء الله ملاك 508 يفيدوك وانا متابع لاني مستني قرار الشراء ومتحير بين a7 و 508 وربنا يكرمنا ان شاء الله

الف مبروك و انشاء الله يكون اختيارك صح مع اني الحقيقة في نفس حيرتك
ومعيش عربية بقالي اكتر من شهرين بعد مبعت الفانتازيا في حيرة رهيبة مبين الa7 و ال508

اقتباس:

---

المشاركة الأصلية كتبت بواسطة horas3000

لسه شايفها النهارده لاول مره في معرض اباظه التجمع
و بصراح خيبت املي جدا و فقدت كتييير من بريق و مميزات الاوكتافيا السابقه
هي بقت اوسع اي نعم لكن بصراحه سعرها (بالنسبه ليا) المفروض يقل عن كده

اللي صعبت عليا الرابيد عربيه محترمه لكن نزولها مانوال بس و بالسعر ده قتلها


اما بالنسبه للكلام اللي قايله صاحب الموضوع
فده غباء صرف من التوكيل
و هيؤدي الي ازدهار مبيعات الخليجي و المنافسين و خصوصا الكورولا

نفسي بقي منصور يسترجل و ينزل الانسيجنيا بالمتور ال 1.6 تيربو عشان السوق يولع بجد

---

انا لما شوفت ال A7 فى الصور قبل ماتنزل عجبتنى جدا لما شوفتها فى الشارع معجبتنيش خالص شكلها اصبح صغير ومش حلو بالرغم من ان حجمها اكبر ( طبعا الموضوع اذواق )

متفق معاك فى موضوع الانسيجنيا فعلا لو نزلت حتنافس بقوة بس لما الاسترا نزلت سألنا عليها وقالوا لنا فى المعرض اللى موجود منها 2000 سى سى وبكده حتبقى فى فئة المرسيدس c وبكده محدش حيشتريها بس لو زى ما حضرتك بتقول تنزل بمحرك تيربو حتنافس فى السوق

اقتباس:

---

المشاركة الأصلية كتبت بواسطة Haitham G

انا لما شوفت ال A7 فى الصور قبل ماتنزل عجبتنى جدا لما شوفتها فى الشارع معجبتنيش خالص شكلها اصبح صغير ومش حلو بالرغم من ان حجمها اكبر ( طبعا الموضوع اذواق )

متفق معاك فى موضوع الانسيجنيا فعلا لو نزلت حتنافس بقوة بس لما الاسترا نزلت سألنا عليها وقالوا لنا فى المعرض اللى موجود منها 2000 سى سى وبكده حتبقى فى فئة المرسيدس c وبكده محدش حيشتريها بس لو زى ما حضرتك بتقول تنزل بمحرك تيربو حتنافس فى السوق

---

لا انا لما شفتها في الشارع عجبتني
حتي مع انها تبان اصغر و كنت بتلخبط بينها و بين الرابيد
بس من جوه احبطتني جدا

و الانسيجنيا نزلت بره بالمتور ال 1.6 تيربو و الموضوع المفروض انه موضوع وقت عشان تنزل
و الاسترا نازله 1600 يا زعيم و متورين عادي و تيربو
مين اللي قال 2000 cc بس

أنا كمان بعت الفانتازيا وبقالي شهر دايخ ورا ال a7
وبعد ما شفت اللي منزلها الوكيل. بصراحه حرام عليهم. مفضيها من كل مميزتها الجبارة. حتى ال drive modes الاربعه شالها وخلى بس ال sport. شال كل عوامل الامان وعمل زي كيا وغبور يحطولك كيسين ايرباك وشكرا، شال المالتي وشال عفشة المالتي . يعني بقى كل علاقتك بال a7 انه شكلها من بره للي هيبص علىك وانتا سايق هوا نفس الشكل . فقط لا غير ، لكن سيادتك في الحقيقة سايق عربيه تانيه خالص غير اللي سكودا حبيت تعملها !!
قلت الخليجي هوا الحل . ورحت الهث وراء المعارض سعيا لمعلومة تديني الامل اني اركب العربيه اللي بحبها. بقوة بيلعبو بيا كورة سواء في السعر او المواصفات ومافيش حد عنده كلام ثقة. وزاد اليأس جوايا من العربية.
كنت بسد ودنيا عن البيجو 508. وبردد نفس الكلام .
بيجو فاشله في مصر
قطع الغيار نار
مش هعرف ابعها
وكلام كتير كل ما كنت افتكره أقول لنفسي... بيجو لالالا،

لحد ما ركبت العربيه بنفسي بالصدفه. كنت في التجمع وقابلت أحد الاصدقاء . واصر يوصلني ،رغم ان بيتي قريب ، وبصراحه ماعرفش عربيته ايه . سألني فين عربيتك وايه اللي حصل . قلتله بعتها وكنت هجيب ال A7 . قاللي وماجبتهاش ليه. قلتله الوكيل بوظها وسدها في وشي.
المهم قربت قربت من عربيته لقيتها هيه. البيجو . ال 508.
عملت نفسي مش مهتم . كان شكلها جديده . صاحبي كمان كان لسه مغير وجايبها.
كانت اول فئه ، بمجرد ما فتحت الباب، ماصدقتش، لقيته تقيييل. اتقل من الفانتازيت، أنا لسه أيدي واخده على فتحت باب الفانتازيا،
قلت طز.. ايه يعني باب تقيل . (بس أنا بحب الباب يبقى تقيل ، بغض النظر ده صح ولا ﻷ). بس مش دي القضيه. المهم قعدت في الكرسي. وتاني اتفاجأت. الكرسي غااااااص بيه، احتواني، كان جلد على قماش . وكان مرييييييييح اكتراث من طليقتي الفانتازيا.
قلت في سري برضو طز. كرسي ايه وكلام فاضي ايه . في داهيه .
رميت عيني على التابلوه والعدادات.....ايه الجمال ده، الجمال اللي ماحدش يقدر ينكره . الطاره قطعه فنيه ، حتى لو طارة ال A7 نزلوها بمليون مالتي فنكشن. بس طارة البيجو فعلا تحفه وابداع.
قلت برضو كل ده مش مهم. المهم العربيه ، (على أساس اللي فات كان بره العربيه !).
طلع بالعربيه، وقعد يكلمني في حاجات وأنا ولا أنا هنا، أنا مركز مع البتاعه اللي سايقها، عايز أعرف ميتها ايه.
الطلعه رهيبه، فعلا رهيبه، فكرتني بطلعت بي ام 530. بس برضو قلت لنفسي ال a7 طلعت جبارة .
عدا ال 80 كم سرعه، وأنا مش سامع أي حاجه، قلت مش ممكن العزل للدرجة دي، فتحت الشباك لقيت صوت الهوا بره زي الرعد!!.
قلت برضو طز. ال A7 اكيد عزلها مش هيقل عن كده .
جينا على مطب وبعده حته مكسره شويه، البيجو خدت المطب بسرعه، قمة العزل والتماسك، وبعدين الحته المكسرة ، حسبت العفشة طريه ، فعلا طرية ، عكس ما كنت متوقع،
قلتله اركن، قاللي خير، قلتله بس اركن، ركن.... ونزلت ورحت عند الشنطة وبصيت تحت،،،، العفشة الخلفية مالتي لينك فعل، سالته العربيه معاك ثابته، ا
قاللي زي الزلطه،
قلتله ممكن أكمل أنا سواقه بعد اذنك، قالي زي ما تحب،
صاحبي حس انه اد ايه اهتمامي بالعربيه ، وكانت تجربة قياده رائعه، بقيت اسأله هوا ليه توكيلتنا المحترمه ماتعملناش درايف تيست زي الناس، على الأقل الواحد يحسم قرار شراءه.
بعد مانزلت طلبت منه يفتح الشنطه. لقيتها مش بكبر ووسع الفانتازيا. لكن اقدر أقول ان شنطتها برضو واسعه وتشيل .
سألته اخيرا ايه أخبار الصيانه والتزكيل، قاللي أنا عامل 15 ألف كم، والصيانه عاديه جدا ، وفرع صلاح سالم في اللذيذ،
من ساعة ماسبته زانا دماغي هتنفجر،
لحد ما حسمت امري وحجزتها.....
وداعا يا سكودا يا حبي.

يا باشا والله انا بحييك علي شجاعتك انك خدت القرار دة بس انا عن نفسي من كتر حبي للاوكتافيا بفكر في الa7 elegance
و البيجو جميلة انا ركبتها و تحفة فعلا بس الناس كلها مقلقاني جدا من سعر اعادة البيع

اقتباس:

---

المشاركة الأصلية كتبت بواسطة medo2811

يا باشا والله انا بحييك علي شجاعتك انك خدت القرار دة بس انا عن نفسي من كتر حبي للاوكتافيا بفكر في الa7 elegance
و البيجو جميلة انا ركبتها و تحفة فعلا بس الناس كلها مقلقاني جدا من سعر اعادة البيع

---

أصبر علي الـ a7 الخليجي..إتقل تاخد شغل نظيف.

هذا هو رأيي المتواضع..بالنسبة للعضو الفاضل hanipal ألف مبروك وربنا يديك خيرها ويبعد عنك شرها يا رب.

اقتباس:

---

المشاركة الأصلية كتبت بواسطة horas3000

لا انا لما شفتها في الشارع عجبتني
حتي مع انها تبان اصغر و كنت بتلخبط بينها و بين الرابيد
بس من جوه احبطتني جدا

و الانسيجنيا نزلت بره بالمتور ال 1.6 تيربو و الموضوع المفروض انه موضوع وقت عشان تنزل
و الاسترا نازله 1600 يا زعيم و متورين عادي و تيربو
مين اللي قال 2000 cc بس

---

لأ فهمتنى غلط ساعة لما الاسترا نزلت واتفرجت عليها سألنا على الانسيجنيا وقالوا انها بتنزل بره بموتور 2000 سى سى ..... مش بتكلم عن الاسترا خالص مواتير الاسترا دى خلاص معروفة من زمان

الف مليون مبروك ليك و هي فعلا عربية اكثر من محترمه و برستيج جامد جدا اكتر من الاوكتافيا
مشكلتها الوحيدة فعلا في سعرها لما تيجي تبيعها و لو انت من النوع اللي بيحب يقعد بالعربية كتير العامل ده مش حيفرق معاك
و ربنا يديك خيرها و يكفيك شرها

اقتباس:

---

المشاركة الأصلية كتبت بواسطة haitham g

لأ فهمتنى غلط ساعة لما الاسترا نزلت واتفرجت عليها سألنا على الانسيجنيا وقالوا انها بتنزل بره بموتور 2000 سى سى ..... مش بتكلم عن الاسترا خالص مواتير الاسترا دى خلاص معروفة من زمان

---

اها
لا مؤاخذه يا زعيم
و الكلام ده كان صحيح لحد معرض فرانكفورت
و نزلوها بمتور 1.6 تيربو بقوه 170 حصان
و في متور تاني 1.4 تيربو برضه و بقوه 140 حصان
و ده معناها انها ممكن تنزل مصر عادي و بجمارك معقوله

اقتباس:

---

المشاركة الأصلية كتبت بواسطة horas3000

اها
لا مؤاخذه يا زعيم
و الكلام ده كان صحيح لحد معرض فرانكفورت
و نزلوها بمتور 1.6 تيربو بقوه 170 حصان
و في متور تاني 1.4 تيربو برضه و بقوه 140 حصان
و ده معناها انها ممكن تنزل مصر عادي و بجمارك معقوله

---

لا عادى يا كبير ولا يهمك بتحصل عادى
ياريت تنزل العربية وحش بكل معنى للكلمة و طبعا منافس قوى وحتحل العيب اللى مش عاجبنى فى الاسترا وهو حجم الصالون طبعا والفئة دى مفتقدة بقالها فترة من اوبل منافس للباسات و بيجو
508
تحياتى

لو انتا بتتكلم من وجهة نظر سليمة
يبقى تقول اية
الوكيل خايف يطرح العربية اكتر من كدة علشان الناس خايفة من موضوع الفتيس اللى مش هيقدر يلمها
لحين اتخاذ اجراء احترازى من الموديل دة و متخاوف من الناس يتحدو عليه و يخسر خسائر فادحة بعد استدعاء اللى عملتو الشركة و مع مدير تسويق فاهم و ذكى يبقى مش هيقدر يجيب عربيات و يخليها عنده فىى المخازن هو هيعمل اية هيجمع اللى اشترو و يبعت يجيب على قد المطلوب علشان العربية عنده متصديش و جهة نظر و سياسة سليمة و الناس تلبس علشان خارجين فىى العيد
ربنا يهدى

اقتباس:

---

المشاركة الأصلية كتبت بواسطة horas3000

اها
لا مؤاخذه يا زعيم
و الكلام ده كان صحيح لحد معرض فرانكفورت
و نزلوها بمتور 1.6 تيربو بقوه 170 حصان
و في متور تاني 1.4 تيربو برضه و بقوه 140 حصان
و ده معناها انها ممكن تنزل مصر عادي و بجمارك معقوله

---

اتفق معاك يا كبير

اقتباس:

---

المشاركة الأصلية كتبت بواسطة hanipal

أنا كمان بعت الفانتازيا وبقالي شهر دايخ ورا ال a7
وبعد ما شفت اللي منزلها الوكيل. بصراحه حرام عليهم. مفضيها من كل مميزتها الجبارة. حتى ال drive modes الاربعه شالها وخلى بس ال sport. شال كل عوامل الامان وعمل زي كيا وغبور يحطولك كيسين ايرباك وشكرا، شال المالتي وشال عفشة المالتي . يعني بقى كل علاقتك بال a7 انه شكلها من بره للي هيبص علىك وانتا سايق هوا نفس الشكل . فقط لا غير ، لكن سيادتك في الحقيقة سايق عربيه تانيه خالص غير اللي سكودا حبيت تعملها !!
قلت الخليجي هوا الحل . ورحت الهث وراء المعارض سعيا لمعلومة تديني الامل اني اركب العربيه اللي بحبها. بقوة بيلعبو بيا كورة سواء في السعر او المواصفات ومافيش حد عنده كلام ثقة. وزاد اليأس جوايا من العربية.
كنت بسد ودنيا عن البيجو 508. وبردد نفس الكلام .
بيجو فاشله في مصر
قطع الغيار نار
مش هعرف ابعها
وكلام كتير كل ما كنت افتكره أقول لنفسي... بيجو لالالا،

لحد ما ركبت العربيه بنفسي بالصدفه. كنت في التجمع وقابلت أحد الاصدقاء . واصر يوصلني ،رغم ان بيتي قريب ، وبصراحه ماعرفش عربيته ايه . سألني فين عربيتك وايه اللي حصل . قلتله بعتها وكنت هجيب ال a7 . قاللي وماجبتهاش ليه. قلتله الوكيل بوظها وسدها في وشي.
المهم قربت قربت من عربيته لقيتها هيه. البيجو . ال 508.
عملت نفسي مش مهتم . كان شكلها جديده . صاحبي كمان كان لسه مغير وجايبها.
كانت اول فئه ، بمجرد ما فتحت الباب، ماصدقتش، لقيته تقيييل. اتقل من الفانتازيت، أنا لسه أيدي واخده على فتحت باب الفانتازيا،
قلت طز.. ايه يعني باب تقيل . (بس أنا بحب الباب يبقى تقيل ، بغض النظر ده صح ولا ﻷ). بس مش دي القضيه. المهم قعدت في الكرسي. وتاني اتفاجأت. الكرسي غااااااص بيه، احتواني، كان جلد على قماش . وكان مرييييييييح اكتراث من طليقتي الفانتازيا.
قلت في سري برضو طز. كرسي ايه وكلام فاضي ايه . في داهيه .
رميت عيني على التابلوه والعدادات.....ايه الجمال ده، الجمال اللي ماحدش يقدر ينكره . الطاره قطعه فنيه ، حتى لو طارة ال a7 نزلوها بمليون مالتي فنكشن. بس طارة البيجو فعلا تحفه وابداع.
قلت برضو كل ده مش مهم. المهم العربيه ، (على أساس اللي فات كان بره العربيه !).
طلع بالعربيه، وقعد يكلمني في حاجات وأنا ولا أنا هنا، أنا مركز مع البتاعه اللي سايقها، عايز أعرف ميتها ايه.
الطلعه رهيبه، فعلا رهيبه، فكرتني بطلعت بي ام 530. بس برضو قلت لنفسي ال a7 طلعت جبارة .
عدا ال 80 كم سرعه، وأنا مش سامع أي حاجه، قلت مش ممكن العزل للدرجة دي، فتحت الشباك لقيت صوت الهوا بره زي الرعد!!.
قلت برضو طز. ال a7 اكيد عزلها مش هيقل عن كده .
جينا على مطب وبعده حته مكسره شويه، البيجو خدت المطب بسرعه، قمة العزل والتماسك، وبعدين الحته المكسرة ، حسبت العفشة طريه ، فعلا طرية ، عكس ما كنت متوقع،
قلتله اركن، قاللي خير، قلتله بس اركن، ركن.... ونزلت ورحت عند الشنطة وبصيت تحت،،،، العفشة الخلفية مالتي لينك فعل، سالته العربيه معاك ثابته، ا
قاللي زي الزلطه،
قلتله ممكن أكمل أنا سواقه بعد اذنك، قالي زي ما تحب،
صاحبي حس انه اد ايه اهتمامي بالعربيه ، وكانت تجربة قياده رائعه، بقيت اسأله هوا ليه توكيلتنا المحترمه ماتعملناش درايف تيست زي الناس، على الأقل الواحد يحسم قرار شراءه.
بعد مانزلت طلبت منه يفتح الشنطه. لقيتها مش بكبر ووسع الفانتازيا. لكن اقدر أقول ان شنطتها برضو واسعه وتشيل .
سألته اخيرا ايه أخبار الصيانه والتزكيل، قاللي أنا عامل 15 ألف كم، والصيانه عاديه جدا ، وفرع صلاح سالم في اللذيذ،
من ساعة ماسبته زانا دماغي هتنفجر،
لحد ما حسمت امري وحجزتها.....
وداعا يا سكودا يا حبي.

---

اولا اسمحلي احييك علي اسلوبك القصصي الرائع
ثانيا شكلنا كلنا رايحيين بيجو 508

منك لله يا ارتوك اوتو


تحياتي