الموضوع: عاش تى اى داتا 8 ميجا بـ 75 جنيه

المشاركة الأصلية كتبت بواسطة tutankhamoun

الموضوع مش زي ما الناس متصورة
فيه حقوق آه للعميل أكتر من العميل المصري مع الشركات المصرية بس مش بالدرجة اللي حضراتكم متخيلينها .

أنا كان عندي في البيت في 2004 أو 2005 مش فاكر بالظبط (لندن ) أشتراك أنترنت بسرعة 1 ميجا .
لقيتم بعتوا ميل و عملوا أعلانات (أخت بتاعة تي أي داتا )
أنهم رفعوا سقف السرعة من 1 ميجا ل 8 ميجا بنفس قيمة الأشتراك (بس الكابلات فايبر أوبتكس )
و كان مكتوب في الميل

السرعة تتوقف على المسافة بينك و بين مكتب تقديم الخدمة (السنترال عندنا )

عموما أنت شايف أن تي أي داتا نصابة ....... خلاص بسيطة ..... كبر دماغك منهم .

أنا على فكرة مش بشتغل في تي أي داتا و لا لي معاهم أي نوع من أنواع المصالح بس أنا شايف ان العرض حلو

يعني السرعة كانت بقرش
قالك هاشيلك الحد على السرعة بنفس القرش ......... و أنت و حظك بقى ... يبقى فين النصب ؟؟؟

ده أنت لو قعدت ورا كل اعلان بالمنظر ده هاتطلع كل الشركات نصابة و في كل مكان في العالم .
التسويق هو التسويق عن سلعتك بأفضل ما فيها و أفضل مميزاتها .

انا بشوف ان العروض اللى بتبقى ضرب اسعار وفى نفس الوقت بيقيدك بشروط معينه زى السعه التحميليه وجوده الخطوط بيتبعها تخفيض فى سعر الانترنت زى ما حصل الفتره اللى فاتت رفعو سرعه الانترنت بنفس سعر الخطه ولغو خطه 256 العقيمه