ADSL للبيت - أسعار الـ ADSL للبيت
:018A1D~146:
عرض للطباعة
ADSL للبيت - أسعار الـ ADSL للبيت
:018A1D~146:
وكمان مفيش خط منزلي في مصر يستحمل سرعة 8 ميجا كابلات المنازل آخرها 4 ميجا وفي ناس لو خطه استحمل 2 ميجا بيبوس ايده وش وضهر
فيه ناس أصحابي في اكتوبر مدخلين ال 8 ميجا
أنسب حاجة اللي هو 150 جنيه في الشهر بيعطي 40 جيجا
تخضع السرعة لجودة الخط الأرضي ,,
اهم شئ الجملة دي
ماهو لو الكلام عليه جمرك :)
حضرتك هو هيقوللك على قد ماخطك يشيل
وهتدخل الخط
وتعيش مع خدمة العملاء
ويقولولك
ريستارت
طب شد الفيشه
طب اقفل الكبوت وافتحه
طب غير السلك
ومش هتحصل ال 8 ميجا دي خااااااااااااااااااااالص :)
واقوى واعتى خط في مصر المحروسه لو شال 4 ميجا سرعه
المفروض تدبح عالكابل حاجه
تسلم الايادي.
كنت لسة بدور علي حاجة كدة عشان اوصلها للبيت عند الحاج لما انزل من السفر لان الاشتراك اللي مشتركلهم فيه عمال يغلي وبيقطع اكتر مابييجي. بسسسسسسسس لزوم اننا نتكلم عالنت وخلاص يعني مفيش ولا داونلود ولا بتاع. ومتهيالي سرعة كويسة كمان حتي لو قلت شوية.
بس السؤال بقي عشان مليش فالحوار اوي. لازم راوتر كمان صح ؟؟؟؟ لو صح ايه افضل راوتر (مش واير ليس ) عشان يقضي الغرض وميقطعش ؟؟؟؟؟؟
هما هناك فى الشركة بيسلموك راوتر ممكن يبقى مجانى ووممكن تتحاسب عليه على حسب العروض
طب والله ده حاجة فخيمة جدا ..
شكرا يافندم.
طب هل في برنامج أقدر أحسب بيه أستهلاكي كام في الشهر عشان أعرف الباقات دي تناسبني ولا لأ ؟!
بص من الآخر لو انت غاوي يوتيوب وفيديوهات من الفيس والكلام التقيل ده يبقى مش هينفع معاك غير 20 جيجا وانت طالع
لو مش غاوي وآخرك إيميلات وتصفح مواقع وأخبار ودردشة عالفيس ممكن ال4 جيجا تكفيك وآخرك 10 جيجا
لو بتاع تحميل برامج وأفلام والكلام ده مش هينفع معاك ولا حتى ال40 جيجا !!
أنا مدخل الـ 2 ميجا بدون حد أقصى للدونلود و بدفع 220 جنيه في الشهر و بسم الله ما شاء الله عمرو ما قل معايا و لا قطع غير مره واحده بس و كانت لمدة ساعة مش أكتر من يوم ما عملتو و هو بقالو معيا سنتين دلوقتي و استهلاكي فوق الفظيع بصراحة يعني بالظبط على حسب القياس من ويندوز 8 استهلاكي في الشر ما بين الـ 90 جيجا و 115 جيجا ...
السعات المحدودة من تي أي داتا لها حساب على الأنترنت بيقولك أنت أستهلكت كام من الباقة (عندهم الخاصية دي على السرعات اللي محددة الأستهلاك )
مش محتاج برنامج و لا يحزنون .
من فودافون ..... أي أشتراك له حساب على الأنترنت و بيقولك حسابك فاضل فيه كام و دي صورة من أشتراكي (مع مسح أرقام التليفونات )
http://i39.tinypic.com/acyhl4.jpg
بالنسبة لموضوع السرعة
طبعا 8 ميجا سرعة حلوة جدا و لكن أغلب الخطوط في مصر مش هاتستحمل السرعة دي .
و لكن ده برضه معناه أن أن خطك هايبقى شغال بالسعة القصوى و السرعة القصوى و ده شئ أيجابي مش سلبي اطلاقا .
معلومه بس عايز اقولها مهمه جداً
لو حملت على خط التليفون سرعه اكبر من طاقته .. النتيجه ان النت هيفصل معاك كل شويه وخاصة في اوقات الضغط زي بالليل
وقتها هتتمنى ان يكون عندك 512 بس ماتفصلش
طبعا دى اهم جمله لانك بتستخدم البنيه التحتيه المتواجده اللى هيا خط التليفون و اللى مركباه المصريه للاتصالات و دى مش مشكله شركه النت جوده الخط من عدمه هيا بتوصلك الخدمه على خطك
فى خطوط ارضى معديه فى ترع و مصارف و ماشيه جنب محطات كهرباء و فيها لحمات علشان الاجزاء اللى بتتسرق و بلاوى سوده و كل ده و عايزه يقوم 8 ميجا !!!!!!
سرعة 8 ميجا في الثانية , ومديك 4 جيجا بس حجم الباقة , طبعا كده مفيش تناسب ابدا و لا منطقيه في العرض ده
لأننا لو افترضنا نظرياً ان السرعه وصلت فعلا ل 8 ميجا يبقى الباقة كلها هاتخلص في 8 دقايق ونص !!
طبعا انا عارف ان سرعة الداونلود بتبقى اقل بكتير من السرعة المعلنه
بالاضافه لان فودافون بقت تسمعك البتقه استهلاكخا ايه وانت بتتصل بيهم
Sent from my Xperia Arc S using Forum Runner
حبيب البى
النصب عينى عينك كده اربعه جيجا داون لود انتا عارف اربعه جيجا على خط 8 ميجا هيخلصو معاك فى قد ايه ؟
بلاش عارف 40 جيجا هيخلصو معاك فى خط 8 ميجا فى قد ايه ؟ انتا معاك خط 8 ميجا ومش هتقدر تحمل بيه حاجه علشان خايف انك تتعدى الحد المسموح بيه يعنى مش هتقدر تستفيد بال 8 ميجا ولا حاجه
لانك طول الشهر خايف يعنى كأن معاك برضه خط 512 وبتستخدمه بالراحه الفكره كلها ان التصفح هيبقى سريع لكن مش هتقدر تحمل الهوا
تانى حاجه
* تخضع السرعة لجودة الخط الأرضي
يعنى كمان مش هتوصلك السرعه كامله حبيب البى ايه الهنا ده
وربنا نصب عينى عينك
خطوط النحاس تشيل أكتر من 8 ميجا يا جدعان .
بس بيعتمد على جودة الخطوط الممدودة .
موضوع الخط يشيل قد ايه ده موضوع كبيير و فيه كتب و استاندرد و حوارات كتيير زى نوع الكابل و نسبه النحاس اللى فيه و و و و و و و الخ
على فكره الخط يشيل 24 ميجا بس بمواصفات معينه
بس طبعا اهلا بيك فى مصر
فااااااااااااااااااشل اوعى حد يشترك فيه يومين وبخ خلاص مفيش اى حاجه والباقه حتخلص
اسأل مجرب
يغور النت المحدود
بفكر اعمله 40 جيجا في الشهر
يا جماعه كل واحد و حسب استخدامه للنت !!!
انا عن نفسى مشترك تي داتا 2 ميجا / حد 18 جيجا ب 100 جم/شهر ... و مكافيانى جدا ...
الى شغال دانولود و يوتيوب بكثافه مينفعش معاه اى نظام بحدود حتى لو 40 جيجا ...
تحياتى ...
2 ميجا.فودافون و باخد 60 جيجا في الشهر يوم مابفتري بخلص 45 منهم
Sent from my Xperia Arc S using Forum Runner
بدفع 222 جنيه وواخد راوتر وايرليس محنرم منهم
Sent from my Xperia Arc S using Forum Runner
والله يا جدعان انا حاليا عندي 1 ميجا تي اي داتا غير محدود زي الفل في التصفح والداون لود..الراوتر عندي مبيطفيش طول الشهر..حسبتها مرة لقيت نفسي عامل رقم بشع 130 جيجا استهلاك في شهر هههههه
كنت بدفع 70 جنيه قبل العرض ما يخلص ودلوقتي بقيت أدفع 140 جنيه :pffft:
لكن الصراحة يغور النت المحدود حتى لو 20 ميجا..بحس اننا قاعد في السايبر كل شوية ابص على الإستهلاك وابقى مش عارف افتح اليوتيوب حتى.
:36_2_33:
اولا زي الاخوه ما قالو كدا مفيش خط يستحمل 8 ميجا دا لو موصل علي سلك التيار العالي مش هيجبلك 8 جيجا لان مفيش سنترال فيه اجهزه تستحمل وكبل التليفون عايز :36_1_40[1]: عشان يستحمل 4 ميجا
الله يرحم ايام فلاشة النت :36_2_33:
https://fbcdn-sphotos-f-a.akamaihd.n...93067703_n.jpg
انا مش شايف نصب في اي حاجة بصراحة انتم "over" اوي :)
العرض الاصلي اصلا كان 2 ميجا سرعة و تختار انت الحد الي يناسبك من 4 و 15 و 40 جيجا تقريبا.
انا في البيت خليته 40 GB و عمري ماوصلتلهم .. علشان الDownload وكل الحاجات التقيلة بقيت اعملها من خط في الشغل.
بالتالي يوم مابتمعظم في البيت بوصل ل 26 جيجا مثلا .
هما شغلوا نفس العرض بس عملوا UNLOCK للسرعات لحد 8 ميجا و بنفس الثمن !!
فين السرقة في الموضوع ؟
عايزه 8 ميجا و خطك يستحمل (حيجربوه معاك يوم) دوس ... عايزه 2 ميجا براحتك و الاتنين بنفس السعر لنفس الباقة ال( 40 ميجا ب 150 جنيه).
النصب فين مش فاهم !
النصب (كالعاده) في الاعلان عن شئ وهمي (وده العادي في مصر)
وهو الوصول لسرعة ال 8 ميجا دي :)
وبعدين تدخل في دوامة السرعه مش واصله, طيب اعمل, طيب سوي, اصل انت المشكله من عندك, وهلمّ جرّ :)
زي اعلان اتصالات زمان بتاع 3.75g اللي نسيو يكتبو جنبه ان السرعه دي متوفره في القريه الذكيه فقط او القريه الذكيه وجاردن سيتي تقريبا مش فاكر
زي الحي الاسباني اللي عامللك اعلان عن شقق بمقدم 18000 جنيه ولما تروح تسأل يقولولك مالناش دعوه بالاعلان المقدم حاجه واربعين
زي الشركات اللي لا عليها رقابه ولا غيره تبيعلك سلعه مضروبه وبعدين تخبط راسك في الحيط !
كفايه كده ولا اكمل :) ؟؟؟
بيكون مكتوب في نفس الاعلان
مش في مكان تاني عالصفحه
وهو لما انا اعلن عن حاجه وانا عارف ان 99% من الناس مش هتوصلها, ده يبقى اعلان ؟؟؟
بما ان حضرتك كنت في اوروبا
تعرف العميل ده (في اي حاجه) بيتعمل معاه ايه ؟؟؟
لو لاقدر الله (زعل) من الشركه او الخدمه ؟؟ اي حاجه مش نت بس ؟؟؟؟
الموضوع مش زي ما الناس متصورة
فيه حقوق آه للعميل أكتر من العميل المصري مع الشركات المصرية بس مش بالدرجة اللي حضراتكم متخيلينها .
أنا كان عندي في البيت في 2004 أو 2005 مش فاكر بالظبط (لندن ) أشتراك أنترنت بسرعة 1 ميجا .
لقيتم بعتوا ميل و عملوا أعلانات (أخت بتاعة تي أي داتا )
أنهم رفعوا سقف السرعة من 1 ميجا ل 8 ميجا بنفس قيمة الأشتراك (بس الكابلات فايبر أوبتكس )
و كان مكتوب في الميل
السرعة تتوقف على المسافة بينك و بين مكتب تقديم الخدمة (السنترال عندنا )
عموما أنت شايف أن تي أي داتا نصابة ....... خلاص بسيطة ..... كبر دماغك منهم .
أنا على فكرة مش بشتغل في تي أي داتا و لا لي معاهم أي نوع من أنواع المصالح بس أنا شايف ان العرض حلو
يعني السرعة كانت بقرش
قالك هاشيلك الحد على السرعة بنفس القرش ......... و أنت و حظك بقى ... يبقى فين النصب ؟؟؟
ده أنت لو قعدت ورا كل اعلان بالمنظر ده هاتطلع كل الشركات نصابة و في كل مكان في العالم .
التسويق هو التسويق عن سلعتك بأفضل ما فيها و أفضل مميزاتها .