مقابلة مهمة جدا جدا لقسم هيونداي
الاخوة و الاخوات الكرام / مالكي و محبي سيارات هيونداي ..
أسعد الله أوقاتكم بكل الخير ,,,
بقالنا فترة كبيرة ماتقبلناش و لا شوفنا بعض
علشان كده ..
بأقول كفاية بعاد بقي و نتجمع من تاني و نعمل مقابلة كبيرة ( 2 أو 3 كده ههههههههههه)
أيه رأيكوا في أن نتفق علي مكان و موعد المقابلة ؟
اللي ناوي يحضر بجد يدخل هنا و يسجل اسمه و أنسب موعد يقدر يحضر لنا فيه
أما بالنسبة للمكان أنا بأقترح أنه يكون في الرحاب (المقر الرسمي لمقابلات هيونداي) و ذلك للمزايا التالية :
1- قرب المكان من الدائري اللي ممكن يوديك او يجيبك الي أو من اي مكان في القاهرة
2- المكان مقفول و بعيد عن الاضطرابات
3- أماكن أنتظار واسعة و متعددة للسيارات
4- عدد كبير من الكافيهات و المطاعم نقدر نتنقل خلال المقابلة فيما بينها دون الحاجة لأستخدام سيارات
طبعا يفضل أن تكون المقابلة يوم جمعة كي نبدأ فعالياتها بعد الصلاة مباشرة و نقعد مع بعض أطول فترة ممكنة
نيجي بقي للمهم , ليه المقابلة دي مهمة :
سبق و أن أعلنت أننا بصدد تكوين مجموعة التنسيق الجديدة الخاصة بقسم هيونداي و بالفعل بدأنا في تشكيل مجموعات العمل (الصف الثالث من مجموعة التنسيق) لذا فمن المهم و الضروري حضور الاعضاء الراغبين في الانضمام لتلك المجموعات للتعرف عليهم عن قرب و طرح أفكارهم و مقترحاتهم و الانضمام بشكل رسمي لمجموعة التنسيق
يعني من الاخر كده بعد المقابلة دي هانقدر نعلن أسماء المشاركين في مجموعات العمل و نبدأ ممارسة مهام عملنا كمجموعة تنسيق جديدة
مع خالص تحياتي
م/ سمير الشهاوي