أستدعاء ضخم لسيارات اودي وسكودا بسبب مشاكل ناقل الحركة dsg

**mo7a_mo7a** · 02-10-2013 10:09 PM

المشاركة الأصلية كتبت بواسطة horas3000

انا شخصيا شايف ان العربيات المنتجه بين 2008-2011 باتش في حد ذاته
و انا و الله متفق معاك ان في عيب في التصميم بالفعل و انه المفروض اتعدل

و بالمناسبه العيب مش بيظهر جليا الا في البلاد اللي فيها زحمه كتير او درجه حراره عاليه
و عشان كده العيب مظهرش في كل بلاد العالم و مش هيحصل استدعاء للكل

و ايه مصدرك ان نفس العربيات استدعت مره تانيه
مفيش اي حاجه في الاخبار بتقول كده
زي ما برضه مفيش اخبار عن ايه اللي اتعمل و انطباعات العملاء بعدها

طبعا احنا في مصر بره الحوار ده
استدعاء ايه بس تف من بقك

اما الناس اللي اشتكت من موديلات 2012 فانت عرفت منين انها مش انتاج 2011 و ضمن الباتش المعيوب
و ما انا عندي اصحاب معاهم جولف 6 و جيتا و باسات و محدش اشتكي من حاجه
بس ده مش معناه اني بنفي المشكله

و انا مش عايز ابان اني بدافع عن الشركه او بقاوح و خلاص
انا اصلا لا انصح اي حد يشتري عربيات من انتاج المجموعه في الوقت الحالي و ببدي تحفظي علي الفتيس و بوعي الناس بالمشاكل و المعلومات المتوفره و بسيبهم يقرروا
انا مشكلتي زي ما قلت مع تعامل بعض التوكيلات
و مع اللغط الكبير في المشكله و قله المعلومات المتوفره زي نتايج التعديل و الموديلات الجديده و كده
و لحد ما كل ده يتضح و يبان لن اطلق اي احكام عن العربيه و الشركه لكن بانصح يتوخي الحذر

بالنسبة لطلب حضرتك دليل او مصدر لتكرار الاستدعاء
اذا كان الخبر والموضوع قائم علي كده ان دي تاني مرة لنفس الرنج والاستدعائات عند حضرتك ده غير ان نفس المدى الزمني تم استدعائه في 2012 في فرنسا والصين وعلي فكرة قالوا ساعتها ان العيب سببه سوفتوير مش اكتر واليوم في 2013 بيتم استدعائه ومدير عام الصيانة في VAG بيقول بعضمة لسانه ان السبب الميكاترونكس وطبعا دي مش نازلة مخصوص لاستراليا ده استدعاء بينفذوه هناك مضطرين وتحت ضغط زي ما حصل السنة اللي فاتت في الصين وفرنسا وانجلترا في 2011

وانا فعلا بردو مليش مصلحة اني اني اعيب في فتيس وعربية بدون سبب لكن الواحد بيحاول يعدل كفة الميزان فقط

وزي ما حضرتك شايف الوضع الاشاعات مالية البلد واغلبها مضلل او اختراعات مندوبين بيع عايزين يلبسوا الزبون العربيات وخلاص علشان مصلحتهم فقط

اللي يقول ان الفتيس ده غيير اللي في الباسات والجتا بتوع فولكس واكتافيا انفصلت عنهم

واللي يقولك الوكيل خايف علي سمعته وطالب فتيس مخصوص

واللي يقولك ضمان مدى الحياه
واللي يقولك الفتيس ده غير اللي كان راكب في 2011
واللي يقولك انه دلوقتي صناعة الماني
وللاسف الاشاعات دي غلط وفي اعضاء كرام بحسن نية بتصدق وتكرر الكلام

خالص تحياتي وتقديري

**horas3000** · 03-10-2013 05:25 PM

المشاركة الأصلية كتبت بواسطة mo7a_mo7a

بالنسبة لطلب حضرتك دليل او مصدر لتكرار الاستدعاء
اذا كان الخبر والموضوع قائم علي كده ان دي تاني مرة لنفس الرنج والاستدعائات عند حضرتك ده غير ان نفس المدى الزمني تم استدعائه في 2012 في فرنسا والصين وعلي فكرة قالوا ساعتها ان العيب سببه سوفتوير مش اكتر واليوم في 2013 بيتم استدعائه ومدير عام الصيانة في vag بيقول بعضمة لسانه ان السبب الميكاترونكس وطبعا دي مش نازلة مخصوص لاستراليا ده استدعاء بينفذوه هناك مضطرين وتحت ضغط زي ما حصل السنة اللي فاتت في الصين وفرنسا وانجلترا في 2011

وانا فعلا بردو مليش مصلحة اني اني اعيب في فتيس وعربية بدون سبب لكن الواحد بيحاول يعدل كفة الميزان فقط

وزي ما حضرتك شايف الوضع الاشاعات مالية البلد واغلبها مضلل او اختراعات مندوبين بيع عايزين يلبسوا الزبون العربيات وخلاص علشان مصلحتهم فقط

اللي يقول ان الفتيس ده غيير اللي في الباسات والجتا بتوع فولكس واكتافيا انفصلت عنهم :c_laugh[1]:
واللي يقولك الوكيل خايف علي سمعته وطالب فتيس مخصوص

واللي يقولك ضمان مدى الحياه
واللي يقولك الفتيس ده غير اللي كان راكب في 2011
واللي يقولك انه دلوقتي صناعة الماني
وللاسف الاشاعات دي غلط وفي اعضاء كرام بحسن نية بتصدق وتكرر الكلام :01964e~163:

خالص تحياتي وتقديري

انا مش شايف خالص ان الخبر قائم علي ان الاستدعاء مكرر لنفس العربيات
و اديك قلت الاستدعاءات في بلاد مختلفه
و زي ما اتفقنا انه لما المشاكل بتظهر جليا (مش بنكر ده) بس ده مش معناه لنفس العربيات
فاهمني ؟؟

و هو يا باشا عشان الاشاعات ماليه البلد
نقوم احنا كمان نحاربها باشاعات مضاده

زي ما قلت
انا مهتم بالموضوع ده من اول السنه عشان واحد صاحبي كان بيجيب باسات و طلب نصيحتي
و دورت و ملقيتش معلومات غير اللي انا قلتها و هي ان العيب مظهرش في اي حته بعد 2011
و الكلام ده كله وصلته لصاحبي و تركت له الاختيار
و حتي لما اقتنع بالباسات و قعد يجادلني في موضوع توافقها من بنزين 92 من عدمه قلت له الكلام اللي عندي و اللي قريته
و هو قرر انه يمشي ورا كلام التوكيل

ده في راي الاسلوب الصح و الله اعلي و اعلم

**A.Adel** · 03-10-2013 06:42 PM

mo7a_mo7a

نصيحة مني متوجعش دماغك :)
إنت قلت اللي عندك
اللي عاوز يغامر بفلوسه بقى هو حر

**mo7a_mo7a** · 04-10-2013 09:53 AM

المشاركة الأصلية كتبت بواسطة A.Adel

mo7a_mo7a

نصيحة مني متوجعش دماغك :)
إنت قلت اللي عندك
اللي عاوز يغامر بفلوسه بقى هو حر

في مثل شعبي بيقول:
"انصح صاحبك من الصبح حتى الظهر لو متنصحش .... علي العصر ضللله"

خلاصة الموضوع علشان كل الناس ترتاح

فتيس DQ200 اللي بينزل دلوقتي في A7 مش هو خالص بتاع 2011 او 2010 او 2009 دا مجرد تشابه اسماء مش أكتر ودلوقتي الجيل الرابع بس هم مخبين علينا علشان الحسد
والاستدعاء بتاع يونيو 2013 لموديلات 2008 الي 2011 مش تكرار للاستدعاءات اللي قبله ولا حاجة بدليل ان العربيات المصنعة من 2008 الي 2011 واتباعت فرنسا وتم استدعائها غير العربيات اللي تم استدعائها في انجلترا غير بتاعة استراليا غير بتاعة الصين لان فولكس شركة محترمة وبتخصص خط انتاج منفصل لكل دولة علي حدى
وتكرار الاستدعاء حتي لو صح بيدل علي مدي اهتمام الشركة بالعميل وحرصهم انهم يشوفوه من وقت للتاني ويطمنو علي اخر اخباره

وبالنسبة لعدم استدعاء السيارات في مصر ده بسبب ان العربيات عندنا بواصفات خاصة بتراعي افضل درجات الجودة والامان وده سبب ان العربيات عندنا بضعف تمنها في الخارج والدليل علي كده ان اكتافيا الجديدة موجوده في مصر من اكثر من 40 يوم دلوقتي ومظهرتش اي مشاكل فيها خالص

وقصة الفتيسات الاستيراد اللي موجودة في الحرفيين وسعرها بيزيد من كتر الطلب عليها والناس الملطوعة في التوكيلات بتغير فتيس محدش يصدق الكلام ده ده كله فوتوشوب
والضمان بقي علي سيارات فولكس مدى الحياة

اما نقطة الكماليات الناقصة في الاكتافيا الجدية وكيل ده علشان الحفاظ علي العملاء من الحسد من قبل الناس المغرضين

كل اللي مقتنع باللي انا كتبته دلوقتي يتفضل يشتري السيارة ويحط في بطنه بطيخة شتوي

بس مينساش يبقي يصورلنا الصالون علشان نباركله

تقبلوا تحياتي