انا مش معترض ... انا اصلا بدور هناك ... بس اللى يدور يبقى عارف ان مش هيسكن دلوقتى و قدامه شويه ... او يسكن و يستحمل ... فى ناس كتير ساكنين هناك اعرفهم :)
محدش ياشباب اتكلم عن أي كمباوند ف أكتوبر !!
رغم ان أسعارهم ممتازة وبرضه أماكنهم كويسة !!
في شخص اتكلم عن كمباوند دارك 272 الف
وفي شركة تانية اسمها
شركة ربوع للتنمية والاستثمار العقارى
روحت سألت فيها بتدفع 102 الف في الاول ثم تقسيط 10 تلاف كل ثلاث شهور لمدة 17 قسط في النهاية هتبقى 272 الف والاستلام بعد سنتين
افصل زهراء مدنية نصر وفيه شركات عرضة اسعار 1000 جنيه للمتر او اقل او اكتر شوية
وتقدروا تناقشوا ده في موضوعى على الرابط التالي
http://www.nilemotors.net/Nile/381630-a.html
عايز اجيب من النهاية وعايز برضه مساعدة في موضوعى
لو زهراء المعادي بأكثر 3 تلاف جنيه يبقى بلاش
زهراء مدينة نصر وخلاص يعنى اعمل ايه بقى ،،، انا قربت اتجنن خلاص من اسعار عقارات مصر ده
زهراء مدينة نصر مش حلوة خالص ومستقبلها واقع تماما من دلوقت باينة ملآمحه !!
المناطق هناك بقت شبه شعبية غير ان في عمارات كتير جدا طالعة من غير ترخيص وكمان المنطقة مش راقية !!!!!
الشروق أحلى منها بكتيييييييييييييييييييييي يير
يا حبيبي هنعمل ايه
هاشوف مين اللي طالع عمارته مرخصها تمام ونشتري منها
مش هو الترخيص عبارة عن ادخال خدمات العقار مثل المياه ، الكهرباء ، الغاز
وبعدين الشروق متطرفة ما بين طريقين اسماعلية الصحراوي وطريق السويس
وشكلها منطقة لها حدود شمالاً وجنوباً معزولة عن الجميع وبشوفها في خرايط موبايلى كده
هل عندك مناطق احسن عن زهراء مدينة نصر تبقى قولي
مثلاً زهراء المعادي او حتة في المعادى سعر المتر من 1500 الى 2000 كحد اقصى
وسالت مكتب عقارات بالصدفة ، شوارع جانبية في حي الزيتون ممكن يجيب سعر متر 1800 الى 2000 جنيه
ومحتاج منك المشورة برضه
انا عندي ارض في الشروق في حي النوادي (اراضي القرعه ) جمب نادي الشروق على الوصله بين طريق اسماعليه والسويس ..مدخل 3 من طريق السويس ومدخل 2 من طريق اسماعيليه
عايزين نبنيها ونسكن فيها كلنا ..كعائله
المنطقه حلوه بس لسه صحرا
فيه حوالي 540 ارض فاضيه ولسه تقريبا في 5-6 عماير ابتدت تطلع
مستقبلها حلو ..وقدامها على طول مدخل مدينة هيليوبلس الجديده
المنطقه محتاجه على الاقل كام سنه جايه وتبقى ملهاش حل
والمشكله ان كله لسه مش عايز يبني لحد ماجاره يبني
والطريق بقى واسع ومحترم سواء اسماعيليه او السويس ..والشروق بوجه عام هاديه جدا ومقفوله على نفسها ..ومفيهاش مصانع زي العبور
بس مشكلتها الوحيده ان كله بيشتري فيها علشان يخزن
مش معنى إن عقار واصله كهربا ومياه وغاز يبقى مرخص حتى لو في عداد كهربا وبحديدة كمان ! العقارات الغير مرخصة يمكن توصيل عدادات كهرباء لها بحكم محكمة أو برشوة وعداد مياه والغاز بيدخل أي منطقة حتى لو مش مرخصة
التراخيص بتطلع من الحي بعدد أدوار معين حسب عرض الشارع أعتقد أن ارتفاع المبنى لا يزيد عن ضعف عرض الشارع يعني لو شارع عرض 15 م لازم المبنى كله ارتفاعه لا يزيد عن 30 متر أي 10 أدوار بالأرضي والروف
والعقارات غير المرخصة متعرفش تسجلها في الشهر العقاري لضمان الحقوق أما المرخصة فيمكن تسجيلها بالشهر العقاري ولابد الأرض نفسها تكون مسجلة شهر عقاري
لكن في ناس بتلجأ للعقارات الغير مرخصة نظرا لرخص أسعارها مقارنة بالأخرى المرخصة فالغير مرخصة مثل زهراء مدينة نصر أو النزهة 2 بجسر السويس سعر المتر ممكن يصل إلى 800-1000 جنيه أما المرخص فلن يقل عن 1500 بحال من الأحوال لكن غالبا مفيش قلق من العقارات الغير مرخصة خاصة إن 80% من عقارات مصر الآن تطلع بدون تراخيص خاصة من بعد الثورة لكن أهم شيء تكون واثق في البائع خاصة لو شركة ليها سمعتها وليها وقت في السوق وعملت أكتر من مشروع بالفعل وأنا أعرف شركات كده مضمونة 100% لو حد عايز
المشكله فى العمارات بتاعة الزهراء دى ان الارض نفسها اللى فهمته انها اصلا بتاعة الجيش و هو اللى باعها و عشان كده المحافظه و الحى مخططوهاش و عاملين عليها مشاكل ... لو تفتكر من كام سنه كانت مشكله كبيره و حاولو يعملو ازاله و الاهالى قامو عليهم و قصه .... معرفش الموضوع رسي على ايه ولا لسه فى نفس المشاكل ولا اتحلت ... لو مصر تروح هناك روح اسال فى الحى و اتاكد الاول
طيب قولى ! ايه الشركات المضمونة وها سأل عليها في الحي اذا كانت مرخصة ولا لاء ، من فضلك
يا عزيزي الاستاذ / محمد سليم
انا مش متمسك بالمنطقة دي ولا حاجة
طيب قولي على مناطق موقعها استراتيجي وسعرها رخيص ،،، ولا انا مصمم ولا حاجة
عايز في حدود سعر متر 1000 - 2000 بحد اقصى
ممكن تقولى الاقي في زهراء مدينة نصر ،،،
سالت ناس عن الهضبة الوسطى بتاعت المقطم ممكن الاقي ب 1800 لكن قريبة من الجبل
ممكن الاقي في حي الزيتون من 1800 - 2000 في شوارع جانبية بس عمارة جديدة برضه
-----------------
يعنى عايز من حضرتك النصيحة مش اكثر ! وانا مش متمسك بالمنطقة
والسبب انها قريبة وآخر مدينة نصر ! احسن من بعد الشروق والقاهرة الجديدة و حدايق الاهرام والمريوطية وفيصل في الشعبي شارع العشرين مثلاً
فموقعها متميز وهأسل في الحي
ومش عايز شقة من شخص لانه هايبالغ في السعر بحجة انها قعدت معاه كذا سنة وانها وضبها بكذا
ومنتظر الردود من الشباب واصدقاء المنتدى