شوية متطلبات للعربية عايز رأيكم فيها، ابيزا 94
السلام عليكم ورحمة الله وبركاته
ازيكم يا سيتاوية يا ابيزاوية :F_eyeb1[1]:
زى العنوان ما بيقول عايز رأيكم فى كام حاجه كده ، إن شاء الله احتمال اسافر بالعربية للإسكندرية :
1 - المساعدين اللى ورا ضايعين وعصام الميكانيكى وصيته وقالى هجيب جوز استيراد، سألته بكام قالى الطقم كامل مساعدين وسوست وبطاحات تقريباً فى حدود 300 أو 350 .. هو لسه مشتراهومش، وانا بثق فيه بصراحة.
-سؤالى فى النقطة دى : السعر ده مناسب ولا لاء ؟ وهل لديكم أى أقوال أخرى كنصحية ؟
2 - علبة الدريكسيون اللى اشتريتها من أحمد رضوان فى الحرفيين للأسف طلعت سكة !! وبتاع الزوايا قالى ان البارات دايبه، ومن ساعتها والدريكسيون اتقل من الأول وتعبت نفسياً منه
-سؤالى فى النقطة دى : اركب القديمه وفيها بار مش حلو والعفشجى قالى هجبلك قطعه غيار ليها جديده فى رينج من 50 الى 80 جنيه ! ولا اقلب العربية باور مع العلم ان عصام الميكانيكى رعبنى من الموضوع ده وقالى بتبوظ بسرعة ؟!!
3 - الكاوتش عندى الخلفى من 2008 تقريباً، وحاسس انه تهالك جداً وكنت اشتريت من شهر كده اتنين ادام GT الجوز ب 850 جنيه.
-سؤالى فى النقطة دى : اشترى اتنين خلفى ولا خلينى بالموجودين دول ؟ والسؤال التانى، لو انا جبت اتنين هل ممكن اخد واحد من القديم واشتريله جنط واحطة بدل الاستبن الفافى اللى فى العربية ده، وبكام الجنط العادى الحديد 14×60×185 ؟ وهل هيخش فى مكان الاستبن القديم ولا هياخد مساحه من شنطة العربية ؟
هل لديكم أى نصائح أخرى ؟
معلش طولت عليكم ............:vctry:
