الموضوع: شوية متطلبات للعربية عايز رأيكم فيها، ابيزا 94

اشكرك يا مهندس محمد سيد على النصيحة الحلوة دى، بخصوص الجنط انا فعلا حاسس ان الفرش مش هيبات كويس بس لو ماشى الحال يبقى اعمله ولو هيبقى عالى اوى وهيضايق الحاجات اللى حاططها مثلاً مش عارف حاسس مش هيبقى مناسب

المشاركة الأصلية كتبت بواسطة mohammad isdf

1 - المساعدين اللى ورا ضايعين وعصام الميكانيكى وصيته وقالى هجيب جوز استيراد، سألته بكام قالى الطقم كامل مساعدين وسوست وبطاحات تقريباً فى حدود 300 أو 350 .. هو لسه مشتراهومش، وانا بثق فيه بصراحة.

-سؤالى فى النقطة دى : السعر ده مناسب ولا لاء ؟ وهل لديكم أى أقوال أخرى كنصحية ؟

هو ده فعلا range السعر بتاعهم بس لازم يبقى الاتنين توائم (يعنى من نفس العربيه) عشان ميبقاش فيه فرق بينهم و ده يخلى العربيه تعوم منك عشان الresponse بتاعهم مختلف.

المشاركة الأصلية كتبت بواسطة mohammad isdf

2 - علبة الدريكسيون اللى اشتريتها من أحمد رضوان فى الحرفيين للأسف طلعت سكة !! وبتاع الزوايا قالى ان البارات دايبه، ومن ساعتها والدريكسيون اتقل من الأول وتعبت نفسياً منه

-سؤالى فى النقطة دى : اركب القديمه وفيها بار مش حلو والعفشجى قالى هجبلك قطعه غيار ليها جديده فى رينج من 50 الى 80 جنيه ! ولا اقلب العربية باور مع العلم ان عصام الميكانيكى رعبنى من الموضوع ده وقالى بتبوظ بسرعة ؟!!

لو معندكش مشكله فى المشرشر بتاع القديمه يبقى ركبها و هات بارات جديده و رجع الاستيراد.

الباور مفيهوش مشكله لو كله اصلى و متركب صح.

المشاركة الأصلية كتبت بواسطة mohammad isdf

3 - الكاوتش عندى الخلفى من 2008 تقريباً، وحاسس انه تهالك جداً وكنت اشتريت من شهر كده اتنين ادام GT الجوز ب 850 جنيه.

-سؤالى فى النقطة دى : اشترى اتنين خلفى ولا خلينى بالموجودين دول ؟ والسؤال التانى، لو انا جبت اتنين هل ممكن اخد واحد من القديم واشتريله جنط واحطة بدل الاستبن الفافى اللى فى العربية ده، وبكام الجنط العادى الحديد 14×60×185 ؟ وهل هيخش فى مكان الاستبن القديم ولا هياخد مساحه من شنطة العربية ؟

هات اتنين جداد عشان الكاوتش من الحاجات اللى مافيهاش هزار.

الاستبن ده مش فافى ولا حاجه هو معمول عشان يوصلك لاقرب محل كاوتش و متزودش عن سرعه معينه مش عشان تمشى عليه علاطول.

متغيرش الاستبن بواحد عادى 14 عشان انا عملت كده و فرش الشنطه باظ عشان الكاوتش اعلى من المقاس الصغير فا الفرش مش بيبقى مرتاح و بيبوظ مع الوقت و هياكل من الشنطه.