ايه رايكم فى بريلياس frv cross 2013

العربية دى شكلها جااااااااااااامد جدااااااااااااااااااااا
وشويه الاضافات الى فيها مخلياها اجمل من frv
كنت عاوز اعرف رايكم ايه فيها بس بالله عليكم ياخوانا بلاش حد يقولى دا صينى وهندى والكلام ده
انا عاوز اسال مثلا عن حجمها لانى ما شفتهاش على الطبيعة يعنى حجمها كويس ولا من الهاتشباك الصغير الكنز
ايه اخبار ثباتها على الطريق وايه ظروفها فى الملفات وانا على سرعة
العفشة ظروفها ايه
ويا ترى بتنزل معاها كماليات ايه

والاهم من ده كله بقا ايه ظروفها فى البنزين يعنى الصفيحة بتاعتها كام لتر وبتعمل كام كيلو

http://www2.0zz0.com/2013/10/01/14/416102365.jpg

http://www2.0zz0.com/2013/10/01/15/977805662.jpg

http://www2.0zz0.com/2013/10/01/15/233786830.jpg

http://www2.0zz0.com/2013/10/01/15/359270041.jpg

http://www2.0zz0.com/2013/10/01/15/785943997.jpg

http://www2.0zz0.com/2013/10/01/15/108180185.jpg

العربية حجمها كبير وواسعة جدا و شبابية وعائلية ممتازة و انا كنت بفكر اشتريها بس صرفت نظر عنها بسبب غلاء قطع غيارها

اقتباس:

---

المشاركة الأصلية كتبت بواسطة m i d o

العربية حجمها كبير وواسعة جدا و شبابية وعائلية ممتازة و انا كنت بفكر اشتريها بس صرفت نظر عنها بسبب غلاء قطع غيارها

---

اعتقد ان مشكلة غلاء قطع الغيار دى هتتحل مع الوقت والاسعار هتقل

اقتباس:

---

المشاركة الأصلية كتبت بواسطة abo sandy

اعتقد ان مشكلة غلاء قطع الغيار دى هتتحل مع الوقت والاسعار هتقل

---

لا ماعتقدش كدة لان حاليا الي بيفكر يشتري صيني يا بيجيب اسبرانزا يا جيلي البرليانس مش اي حد بيجيبها غير الغاويها بقي لان قطع غيارها مش منتشرة برة التوكيل الا قليل وقطع غيارها غالية

صديقي المواطن
عربية جميلة.أنا سقتها ساعة وشوية وكانت مريحة. وشيك وممتازة وتوكل.على الله هاتها بس لو لقيتها كسر زيرو أحسن.أهو توفرلك بتاع 15 ألف جنيه
ودمتم للنضال

اقتباس:

---

المشاركة الأصلية كتبت بواسطة saddam

صديقي المواطن
عربية جميلة.أنا سقتها ساعة وشوية وكانت مريحة. وشيك وممتازة وتوكل.على الله هاتها بس لو لقيتها كسر زيرو أحسن.أهو توفرلك بتاع 15 ألف جنيه
ودمتم للنضال

---

انا هجيبها قسط مش كاش عشان كده لازم اجيبها جديدة
وبعدين بينى وبينك الجديد تمنه فيه حتى لو ضايقك شوية بس افضل من المستعمل
على الاقل هيبقى انا اول استعمال وانا اصلا ناوى اجيبها وان شاء الله مش فى دماغى ابيع ولا الكلام ده

ودمتم للنضال يا بوب

اقتباس:

---

المشاركة الأصلية كتبت بواسطة m i d o

لا ماعتقدش كدة لان حاليا الي بيفكر يشتري صيني يا بيجيب اسبرانزا يا جيلي البرليانس مش اي حد بيجيبها غير الغاويها بقي لان قطع غيارها مش منتشرة برة التوكيل الا قليل وقطع غيارها غالية

---

بصراحة هى داخلة دماغى جداااااا وسعرها بالنسبة لشكلها ومواصفاتها يعتبر كويس
وبالنسبة بقا لقطع الغيار والصيانة والكلام ده هسيبها على ربنا ... فى الاول والاخر الواحد بيبقى راكب حتة حديدة يعنى مفيش حاجة مضمونة

سلام عليكم
انا معايا fsv gls 2013، وتقريبا العربيتين متشابهتين الى حد كبير فى الكماليات واعتقد ان الاختلاف الاكبر فى الشكل هى طبعا الكروس مش بنفس وسع السيدان بس برده مش ضيقه قوى والشنطه بتاعتها كويسه انا كنت بقارن الصراحه بين الاتنين وانا بشترى بس انا فضلت السيدان لانى بحب الشنطه تكون واسعه ومضرش احط حاجه من الشنط فى الصالون وخاصه انى مجوز ومعايا اطفال
بالنسبه للثبات بتاع السياره انا بصراحه كان اخرى بيها 130 (متعقد من حادثه كنت عاملها :) ) وكان ثباتها جميل بصراحه ما شاء الله حتى فى الملفات بتكون ثابته جربتها فى ملف وكنت على 120 وكانت لذيذه بصراحه وهى العربيه عموما انت بتحس انها تقيله وراسيه مبتحسش انك راكب حاجه خفيفه يعنى
وبصراحه انا بعد الحدثه كنت مصمم شويه اجيب عربيه فيها اى بى اس وبصراحه هو اختراع جامد جدا وده من الحاجات اللى عاجبنى فيها
العفشه بتاعت العربيه يمكن تكون ناشفه سنه بس مكتومه فى المطبات (مبتسمعش دربكه كتير) ، اما البنزين انا التانك عندى 55 لتر جوه البلد بيمشى 420 كيلو تقريبا من غير التكيف بالتكيف بيكون 400 تقريبا
على الطريق بيقل تجربتى انا فولت مره وسافرت من طنطا الى القاهر ورجعت وكملت بالتفويله مشيت تقريبا 600 كيلو (طبعا الاستهلاك نسبى على حسب ما انت بتحرق على الغيارات)

فى النهايه لا خاب من استخار وشوفها طبعا بعينك فى اى معرض وربنا يكرمك للاختيار الافضل

اعجبني تفكيرك لما قولت مش عايز ردود
من نوعيه صيني وهندي

والكلام الفكسان ده
لما احب اعمل تقيم لعربيه اقيمها من
الاداء
قطع الغيار
توافر قطع لغيار والصيانه
اعاده البيع
جوده الخامات

انما هنا في المنتدي بيقيمو ا علي الاسم

اقتباس:

---

المشاركة الأصلية كتبت بواسطة hamshary89

سلام عليكم
انا معايا fsv gls 2013، وتقريبا العربيتين متشابهتين الى حد كبير فى الكماليات واعتقد ان الاختلاف الاكبر فى الشكل هى طبعا الكروس مش بنفس وسع السيدان بس برده مش ضيقه قوى والشنطه بتاعتها كويسه انا كنت بقارن الصراحه بين الاتنين وانا بشترى بس انا فضلت السيدان لانى بحب الشنطه تكون واسعه ومضرش احط حاجه من الشنط فى الصالون وخاصه انى مجوز ومعايا اطفال
بالنسبه للثبات بتاع السياره انا بصراحه كان اخرى بيها 130 (متعقد من حادثه كنت عاملها :) ) وكان ثباتها جميل بصراحه ما شاء الله حتى فى الملفات بتكون ثابته جربتها فى ملف وكنت على 120 وكانت لذيذه بصراحه وهى العربيه عموما انت بتحس انها تقيله وراسيه مبتحسش انك راكب حاجه خفيفه يعنى
وبصراحه انا بعد الحدثه كنت مصمم شويه اجيب عربيه فيها اى بى اس وبصراحه هو اختراع جامد جدا وده من الحاجات اللى عاجبنى فيها
العفشه بتاعت العربيه يمكن تكون ناشفه سنه بس مكتومه فى المطبات (مبتسمعش دربكه كتير) ، اما البنزين انا التانك عندى 55 لتر جوه البلد بيمشى 420 كيلو تقريبا من غير التكيف بالتكيف بيكون 400 تقريبا
على الطريق بيقل تجربتى انا فولت مره وسافرت من طنطا الى القاهر ورجعت وكملت بالتفويله مشيت تقريبا 600 كيلو (طبعا الاستهلاك نسبى على حسب ما انت بتحرق على الغيارات)

فى النهايه لا خاب من استخار وشوفها طبعا بعينك فى اى معرض وربنا يكرمك للاختيار الافضل

---

الف حمد لله على السلامة ياباشا وربنا يكفيك شرها ويعطيك خيرها
وبصراحة كلامك شجعنى انى اتوكل على الله واجيبها
وان شاء الله برده هبقى ابص عليها فى اى معرض كده عشان اشوفها على الطبيعة
والله المستعان

اقتباس:

---

المشاركة الأصلية كتبت بواسطة hugan

اعجبني تفكيرك لما قولت مش عايز ردود
من نوعيه صيني وهندي

والكلام الفكسان ده
لما احب اعمل تقيم لعربيه اقيمها من
الاداء
قطع الغيار
توافر قطع لغيار والصيانه
اعاده البيع
جوده الخامات

انما هنا في المنتدي بيقيمو ا علي الاسم

---

صح ياباشا كلامك مظبوط
التقييم الحقيقى بيكون فى الحاجات الى حضرتك ذكرتها
لكن صناعة ايه والكلام ده مالوش اى لازمة لان زى منا قلت قبل كده العربيات كلها حديد وكله على الله

والمشكلة اننا عندنا فى مصر عقدة من اى حاجة صناعة صينى بسبب ان التجار بتوعنا بيستوردو اردء سلع من الصين

عربيه شيك و كويسه و تقفيلها كويس و مستورده بالكامل ..لايعيبها الا تكاليف الصيانه

مكتوب فى كونتاكت كار ان الfull
المانيوال مراياتها الجانبية ولا الازاز الخلفى كهربا..الكلام دا حقيقى??