سيرفيس فيكترا 1999 cc 1600 موتور أسود بالتفصيل ؟

**a_mokhtar** · 01-10-2013 07:34 PM

يا ريت يا رجالة حد يشرح سيرفيس كامل لفيكترا 1999 cc 1600 موتور أسود:

1- زيوت
2- سيور (ألماني)
3- فلاتر (بما فيهم فلتر التكيف)
4- بوجيهات (ألماني)
5- طرمبة المياه (و إيه سبب التغيير ؟ )
6- طرمبة البنزين (و إيه سبب التغيير ؟ )
7- الكاوتش و إيه مقاساته

محتاج أعرف أحسن الأنواع (و اللي سعرها مش مبالغ فيه برده) و كام السعر و معدل الاستخدام

معلش استحملوني أنا لسة جديد و يا ريت لو في حاجة نسيتها برده تقولوا عشان أبدأ على نظافة و أحسب استهلاك كل حاجة ..

كمان عندي مشكلة ان الراجل كان بيحط مية من الحنفية !
يا ريت حد يشرح بالتفصيل إزاي أظبط دورة التبريد بالكامل عشان أحط مية خضرة من غير ما الرادياتير يخر من كل حتة..

شكرا

**فادى محمد** · 02-10-2013 01:37 AM

شوف ميكانيكي امين الاول يقيم حاله العربيه ويشوف ايه اللي يتغير
كاساسي لازم تغير سيور وفلاتر علشان تبدا تحسب لهم في العربيه
هيشتغلوا كام كم؟
احسن انواع السيور جايتس انجليزي - ليمفوردر الماني -جلاسير اسباني
الفلاتر هينجست الماني

**a_mokhtar** · 02-10-2013 10:23 PM

المشاركة الأصلية كتبت بواسطة MaaM

1- زيوت: زيت 5000 الاف لزوجة 20w50 (شيل ، كاسترو ، وولف ، موبيل)
2- سيور: سير الكاتينة كل 40-60 الف (جيتس انجليزي 85 جنيه، ليمفورد ألماني)
- سير الدينامو هايتغير مع الكاتينة (جيتس انجليزي او بولندي 95 جنيه)
3- فلاتر: فلتر بنزين 35 جنيه ، فلتر هواء بولندي 60 جنيه ، فلتر تكييف 60 جنيه ، فلتر زيت 25 جنيه بولندي وبتغيره مع الزيت كل مرة أو مرتين زيت
4- بوجيهات: جي ام اتنين شمعة اتحاد أوربي بـ 125 جنيه أو 130
5- طرمبة المياه: من 190 - 240 جنيه ، كل 80 الف أو كل تغير مرتين سير كاتينة وسبب التغيير يإما صوت جاي من ناحيتها يإما الوقاية خير من العلاج وبفضل الأخيرة
6- طرمبة البنزين:اشتريها استيراد ارخص بكتيير من سعرها جديدة ، وسبب التغيير وأهم أعراضها الدوراة بتتأخر الصبح بدري
7- الكاوتش : 185/70 R14 وأما الماركة فعلى قد فلوسك اشتري (الأشهر والأفضل هو بريدجستون تورانز سوبر صايلانت GR90 ، كومهو اكستا SPT ، ميشلان ENERGY Saver )
8- ثرموستات الكوعة: لازم تركبها وسيبك من كلام الميكانيكي ، 140 -180 جنيه الأفضل والاحسن GM طبعا بس لو لاقيتها

كل المكتوب فوق باستثناء طرمبة البنزين والكاوتش ، هو من أساسيات السيرفيس لأي عربية
ليه فادي بينصحك بميكانيكي أمين ؟ عشان اللي مش أمين هايكلفك حاجات تانية العربية مش محتاجاها وانت هاتدفع هاتدفع
لو من القاهرة او الجيزة يفضل تروح لـ محمد طناني ، امين وثقة

دورة الغسيل: طالما الموجودة مية حنفية ، يبقى تعمل حسابك انك لما تغسل الدورة بمنظف الريداتير وليس الرابسو والكلور ، ان احتمال كبير يظهر تسريبات من مناطق مختلفة وأشهرهم الريداتير وقميصه
يعني تكون عامل حسابك على احتمالية تغيير ريداتير

طبعا الأول شكرا جدا على ردك الوافي..
عندي سؤالين:
- زيت الموتور
المانيوال بيقول 10W30-10W50 و 3.25 لتر
انت بتقول 20W50 , هل في فرق؟ كمان الميكانيكي قالي 4 لتر مش 3.25 زي المانيوال
و هل موبيل 1 مناسب؟

-مقاس الإطارات
المانيوال بيقول 195/65r15 , 205/60r15 , 205/55r16, 215/45zr17
و حضرتك قلت 185/70r14
إيه أنسب مقاس؟ و أريحهم للعفشة؟ سمعت إن كل ما الجنط يزيد يأثر على العفشة و مع ذلك المانيوال بدأ من 15 مش 14 ل 17
الموضوع محير و يا ريت تفيدوني
شكرا جدا

**Hesham.H** · 02-10-2013 11:00 PM

المشاركة الأصلية كتبت بواسطة a_mokhtar

طبعا الأول شكرا جدا على ردك الوافي..
عندي سؤالين:
- زيت الموتور
المانيوال بيقول 10w30-10w50 و 3.25 لتر
انت بتقول 20w50 , هل في فرق؟ كمان الميكانيكي قالي 4 لتر مش 3.25 زي المانيوال
و هل موبيل 1 مناسب؟

-مقاس الإطارات
المانيوال بيقول 195/65r15 , 205/60r15 , 205/55r16, 215/45zr17
و حضرتك قلت 185/70r14
إيه أنسب مقاس؟ و أريحهم للعفشة؟ سمعت إن كل ما الجنط يزيد يأثر على العفشة و مع ذلك المانيوال بدأ من 15 مش 14 ل 17
الموضوع محير و يا ريت تفيدوني
شكرا جدا

الزيت المناسب واللى معظم الزملاء بيستعملوه هو شيل الأصفر ٥٠٠٠ كيلو ... والموتور الاسود ١٦٠٠ مانيوال بياخد ٤ لتر مع تغيير الفلتر
مقاس الكاوتش المناسب لجنط ١٥ هو ١٩٥/٦٥/١٥
تحياتى

**MaaM** · 03-10-2013 03:29 AM

مبدأئيا كدا حضرتك جبت المانيوال ده منين ، ياريت ترفعه لأن احنا دايخين عليه
ثانياً:
الفيكترا بي 1 بتنزل بـ جنط 14 ومقاسها 185/70
الفيكترا بي 2 بتنزل بـ جنط 15 195/65
وانا رديت عليك بالمقاس الاولاني لأن انت قولت ان عربيتك موديل 99 يعني بي1
عايز تجيب المقاس 195/65 يبقى لازم تخلي الجنط 15 وده اللي هشام رد عليك بيه انه أنسب مقاس لـ جنط 15
كل ما الجنط زاد (في الاطار المسموح بالكتالوج) بينشف العفشة مش بيأثر عليها

بالنسبة للزيت زي ماهشام قالك ، 4 لتر بالفلتر (والحقيقة هي 4 لتر الا شوية يعني ممكن 3.75) ومن غير الفلتر 3.5

ليه قولت 20w50 ، بناءاً على التجربة ومعنديش حجج لأني هابقى بألف كلام من دماغي
التجربة كانت على أسترا 2003 عاملة 85 الف كيلوا
حطيتلها زيت شل الأصفر 5000 وكان صوت الموتور كويس
ولما حطيت زيت شل الترا 10000 واللي هو لزوجته مختلفة مش فاكر كام بالظبط ، صوت الموتور بقى عالي جدا وبيخض الناس
ولما رجعت لـ شل الأصفر تاني ، صوت الموتور بقى أهدى وانعم بكتيير ورجع زي الأول