قبل كدة ما بيكملش ال100 ألف لأن دول أوربا كلها العربية ما بتكملش 5-7 سنين وبتتكهن حتى لو فابريقة علشان نظام الضرايب عندهم و أسعار البنزين
وأتمنى من حضرتك تفيدنا بمعلومة بدل ما تدخل فى تعليقات الاعضاء و شكرا
عرض للطباعة
من خبرتى المعدومه فى العربيه دى
حصلى نفس اللى حصلك والمكنه رزعت وعرفت بعدها ان البوكسر روحه فى الزيت
بس كان السبب عندى ان المصفه كانت مسدوده على ما اذكر بعد مالعربيه لبست مطب وطبقت كارتيره الزيت عليها
------------------
خالد الفا ده ياجدعان الميكانيكى بتاعنا وهو شخصيه محترمه وخبره كبيره فى الالفا علشان محدش يغلط او يستغرب ان عدد مشاركاته 1 بس
الأستاذ خالد ألفا المفروض يعرف نفسه ويقول خبرته بدل ما هو مسجل أول امبارح وأول مشاركه ليه الموضوع دة بالذات يعني هو داخل المنتدي عشان يقول رأيه في الموضوع دة بالذات كدة صدفة .....
بصراحة أنا حاسس كدة إن الموضوع ابتدي ياخد إتجاه معين وأنه معمول بالأساس للوصول لنتيجة معينة ....
تالت نقطة في أثارت الشكوك (بعد مشاركة مستر خالد ألفا وحكايت إن الموتور ماشي عشرين ألف ) هي حكايت مواتير أوروبا اللي بتتكهن بعد خمس لسبع سنين عشان البنزين ... (هي دي المعلومات المفيدة بجد ....طب ما تجيب ورق الموتور ولا دي صعبة ، وبعدين إيه مصدر معلومة أوروبا والسبع سنين دي )....
بالنسبة للكلام المفيد حاضر يا سيدي علي عيني وراسي رغم أني شايف إن كالآمي مفيد وفي صميم الموضوع بدليل ردك عليه ....الصورة اللي حضرتك حاطتها والناس قالتلك واضح إن الحرارة كانت عالية ...قلتلهم لأ دي المؤشر مهزوز ....اشمعنا بتاع الحراره اللي مهزوز والباقيين لأ ... وبعدين رحت جايب صورة والعربيه دايرة في مكانها وبتقلهم هي دي كانت حرارة العربيه وهي ماشية علي ١٨٠ ....إيه الحلاوة دي... طب ازاي المؤشر ما عليش والسبايك بتسيح ...
الظاهر أنك كنت مستني الناس كلها تقف في صفك وبعدين لما قالولك السخونة رحت جايب صورة تانية وبعدين فيه ناس قالتلك برضه مش شرط الزيت وأن الموتور قديم راح داخل مستر خالد ألفا صدفة وبعدين صاحب العربيه الأصلي يقول إن الموتور ماشي عشرين ألف بس وأنت بتقول العربيه في أوروبا بتتكهن بعد سبع سنين عشان الضريبة ...
مستر خالد ألفا ماينفعش ناخد علي كلامه لأنه سجل في المنتدي مخصوص عشان الموضوع داه حتي لو صاحب توكيل ألفا في مصر ...والأخ صاحب العربيه ما ينفعش يشكر في الموتور ويقول ماشي عشرين ألف ...والناس قالت كلمتها وأن مش شرط يكون الزيت ....أطلع علي حماية المستهلك وقول لهم يعملولك لجنه لبحث الموضوع وإثبات إن الزيت تعبان ولو داه حصل تبقي ساعتها صاحب حق وأبقي سيح لزيت وولف وطالب بسحبه من السوق كمان وأنا معاك طالما عندk كلام علمي من خبراء أما غير كدة فده دردشة ...ومدامت كدا يبقي أقول اللي أنا عايزه وكل كلامي مفيد بس جايز هو مش علي هواك ...
ده عيب زيت المتور قبل غيار الزيت كان حلو اوي
علي فكره ناس كتير قالت ان البساتم اتكسرت تعمل كده رغم اني فكيت البساتم وحلتها نضيفه اوي ده حتي مش عيب سخونيه انا شخصيا مغير في عربيتي الخاصه موتير كتير بس انا كتت بنسا غيار الزيت بعض كده اهتميت بنوع الزيت والعربيه ماسيه زي الفل اما بالنسبه لكلام مستر خالد الفا فكلامي اتحاسب عليه ولو وصلت ابعت السبيكه بالصور علي السيت بتاع الفا ويكررو عيب ايه هبعته
وبعدين انا مدخلتش علي شان الموضوع ده انا موجود في كل جروبات الفا وفيات ونايل متورز علي الفيس بس ده رايا. وبعدين خالد الفا خالد الفا حضرتك تعرف مين هو خالد الفا
هو انت تعرف مين هو خالد الفا اصلا!!! .. ولا انت عارف انا مين!! .... حضرتك اسال علينا الاول حضرتك هاتعرف بتتعامل مع مين.!!! :-(
انا مع الرأى دة, و مؤيد اكتر لموضوع انسداد مجارى الزيت اللى رايحة للسبيكتين دول.
لأنه لو مشكلة طلمبة زيت كان هيأثر برضه على حاجات تانية مش السبيكتين دول بس, كان هيأثر مثلاً على عواميد الكامة و التاكيهات (مش متأكد أوى من النقطة دى لأن ماعرفش مجارى التزييت ماشية ازاى فى مواتير البوكسر) و على حسب ما فهمت ان بقية اجزاء الموتور سليمة عدا السبيكتين دول.
لو مشكلة زيت برضه كان هيأثر على حاجات تانية و هتلاقى البساتم اتسلخت (و البساتم و بقية الاجزاء سليمة), و تحليل الزيت بيقول ان لزوجة الزيت كويسة.
مؤشر الحرارة كان معدى النص (دة مش طبيعى) لكن الحرارة مش هتؤدى لكسر السبايك بالشكل دة.