كيف تعرف ان سيارتك بها ايمبوليزر ام لأ؟؟؟

**mhDeeb** · 02-10-2013 03:24 PM

ياباشا روح سبير كار ركب انذار spy 2 way وقولوا عايز اعمل فصل لطرمبة البنزين مع الانذار الموضوع دة مش حيعدى 500 جنية وممكن يطلعلك من ضمان الكهرباء او اشترية وركبه في التوكيل لو يرضوا بعد ما تسالهم في التليفون طبعا

**mhDeeb** · 02-10-2013 03:27 PM

سبير كار محترمين واسعارهم كويسة انت عارف فين طبعا في واحد عند وزارة الداخلية بس دة صعب الوصول لية روح فرع مدينة نصر احسن لوانت مسكت صلاح سالم وانزل من تحت الكوبرى وادخل يمين تحت كوبرى 6 اكتوبر حتمشى شوية حتلاقية على الشمال اعمل يوتيرن وارجعله حتى ممكن تروح انهاردة بعد الشغل وربنا يوفقك

**midoooocomm** · 02-10-2013 07:31 PM

المشاركة الأصلية كتبت بواسطة mhdeeb

سبير كار محترمين واسعارهم كويسة انت عارف فين طبعا في واحد عند وزارة الداخلية بس دة صعب الوصول لية روح فرع مدينة نصر احسن لوانت مسكت صلاح سالم وانزل من تحت الكوبرى وادخل يمين تحت كوبرى 6 اكتوبر حتمشى شوية حتلاقية على الشمال اعمل يوتيرن وارجعله حتى ممكن تروح انهاردة بعد الشغل وربنا يوفقك

يا باشا الف شكر انك افدتني وعلى فكرة انا معنديش ضمان عشان انا خليجي

تسلم يا كبير انا هظبط واروح لهم وربك الستار

**mo7a_mo7a** · 02-10-2013 08:24 PM

شيل الفيوز بتاع طلمبة البنزين وسوجر الدركسيون قبل ما تنزل

**Ahmed Amin** · 07-10-2013 09:11 AM

جربت تعمل مفتاح الأول زي ما قلنا لك وتشوف فيها إيموبلايزر ولا لأ.؟!

عشان هيا لو فيها إيموبلايزر أنت مش محتاج لا إنذار ولا تشيل فيوز طرمبة البنزين
لأن كدا كدا العربية مش هتدور من غير مفتاحها لو الحرامي عمل أيه,, علي عكس العربيات اللي مفهاش إيموبلايزر أي حرامي بنكلة ممكن يدورها ويمشي بيها.

العربية مش هتدور من غير مفتاحها لو الحرامي عمل أيه إلا في حالة إن العربية تتقطر, وساعتها لا مفتاح ولا فيوز طرمبة هيفرقو معاك في حاجة,,

أعمل المفتاح وشوف فيها ولا لأ وأبقي عرفنا.

بالنيبة لفيوز طرمبة البنزين ممكن تفتح كتالوج عربيتك وشوف مكانه فيه مش هتاخد منك دقيقة,
لان مش كل اللي بيردو عليك معاهم كيا بما فيهم أنا واستاذ mo7a

**midoooocomm** · 07-10-2013 12:37 PM

المشاركة الأصلية كتبت بواسطة salah_sr

بالنسبة لعربيات الكيا لما بتدور العربية بيظهر لمبة صفراء فيها رمز المفتاح كما في الصورة لو لم تنور اللمبة يبقى النظام مش راكب

لأ يا باشا منديش اللمبة دي يبقى كده أكيد مفيش أيمبوليزر

**midoooocomm** · 07-10-2013 12:40 PM

المشاركة الأصلية كتبت بواسطة leitosr

جربت تعمل مفتاح الأول زي ما قلنا لك وتشوف فيها إيموبلايزر ولا لأ.؟!

عشان هيا لو فيها إيموبلايزر أنت مش محتاج لا إنذار ولا تشيل فيوز طرمبة البنزين
لأن كدا كدا العربية مش هتدور من غير مفتاحها لو الحرامي عمل أيه,, علي عكس العربيات اللي مفهاش إيموبلايزر أي حرامي بنكلة ممكن يدورها ويمشي بيها.

العربية مش هتدور من غير مفتاحها لو الحرامي عمل أيه إلا في حالة إن العربية تتقطر, وساعتها لا مفتاح ولا فيوز طرمبة هيفرقو معاك في حاجة,,

أعمل المفتاح وشوف فيها ولا لأ وأبقي عرفنا.

بالنيبة لفيوز طرمبة البنزين ممكن تفتح كتالوج عربيتك وشوف مكانه فيه مش هتاخد منك دقيقة,
لان مش كل اللي بيردو عليك معاهم كيا بما فيهم أنا واستاذ mo7a

تسلم دماغك يا باشا انا فاتتني حته الكتالوج دي !!!! بس تفتكر ان الحرامي اللي داخل يسرق مش هيبقى معاه سلكة يحطها مكان الفيوز اللي مكانه فاضى؟؟؟؟؟

**Ahmed Amin** · 07-10-2013 01:00 PM

المشاركة الأصلية كتبت بواسطة midoooocomm

تسلم دماغك يا باشا انا فاتتني حته الكتالوج دي !!!! بس تفتكر ان الحرامي اللي داخل يسرق مش هيبقى معاه سلكة يحطها مكان الفيوز اللي مكانه فاضى؟؟؟؟؟

والله لو حرامي شاطر ودارس عربيتك ومستقصدك, هيبقي عارف مكان فيوز الطرمبة بما أن ناس كتير بتعمل الموضوع دا أنهارده وهيبقي كل حاجة في العربية قبل ما يسرقها عشان العميلة متبوظش عليه,
دا اللي بيذاكر ويخطط يعني,,

لكن اللي أحنا بنقوله أنو لو العربية فيها أيموبلايزر صعب العربية تدور من غير مفتاحها,,
يعني ساعتها لو شيلت الفيوز أو سيبته مش هيساعد ولا هيضر,,

كمان لما تفتح علبة الفيوزات, ممكن تلاقي أماكن فاضية,, خاصة بأوبشنز تانية ممكن تكون مش نازلة في عربيتك لو بيز لاين مثلاً,
فهنا تاني لو الحرامي عارف مكان الفيوز هيكون معاه ويركب واحد أو بحتت سلكة ويحطها ويركب العربية ويدور بأي حاجة وهتدور لو مفهاش أيموبلايزر,,

لكن لو فتح العلبة ولاقي فيها كذا مكان فاضي وميعرفش مكان الفيوز,
هيتوه ومش هيبقي فيه وقت يجرب.!

وصلت الفكرة ؟

الخلاصة عربيتك لو فيها أيموبلايزر متشغلش بالك بالفيوز وجهاز أنذار,,
لو مفهاش أيموبلايزر ركب أنذار وأعمل زرار جوا العربية يفصل الفيوز بدل ما تفتح الكبوت كل يوم بليل وتشيلة وتحطة وتعمل قلق لنفسك في الشارع وكمان تبوظ الفيوز ومكان الفيوز مع الوقت والحركة الكتير دي,