الموضوع: ضبط الكهربة ومياة من الجكمان

المشاركة الأصلية كتبت بواسطة mehles

السلام عليكم ورحمة الله وبركاته
طبعا من خلال متابعتى لموضوعات الزملاء وخاصة ا/ صبحى قلت لنفسى لازم اظبط كهربة العربية وفعلا سخنت العربية وبطلت وفكيت المسمار شوية وشغلت العربية تانى وبدات احرك الاسبراتير عكس عقارب الساعة علشان اعلى الكهربة وفعلا صوت العربية زاد والار بى ام زاد وطبعا فرحت(معتقدا ان العالى احسن من الواطى) ووطيت السلانسية شوية ورحت مشوار حوالى 150 كم والنتيجة الغير متوقعة طبعا العربية بتسخن واستهلاك البنزين زاد عن المعدل والسحب ضعيف قلت يفرحة ما تمت .........قلت لنفسى تانى الناس بتقول ضبط الكهربة يعنى ممكن تكون عالية وان عليتها زيادة وفعلا كررت العملية ولكن بحكمة المرة دى ازاى وطيت لغاية العربية كادت تبطل وعليت لغاية ما بقت تبكبك وبعدين ظبطت الاسبراتير فى منتصف المسافة بالظبط والنتيجة مبهرة لدرجة ان الجكمان بدا ينزل مية الصبح زى زمان والحمدلله كل حاجة رجعت احسن من الاول حبيت انقل التجربة للاخوة الاعضاء واقول للجميع كل عام وانتم بخير

اولا كل عام وانتم بخير ......... بصراحة تسلم ايدك هوة دة الكلام نتعلم نعمل كل حاجة بادينا ولا الحوجة للبقر اللى مسميين نفسهم صنايعية ...... تقبل تحياتي