عندي استفسار هو ليه لما الموتور بيجيب اخره بيفصل مش بيبقى عداد ال rpm ثابت عند اخره و ليه في عربيات بتفصل و عربيات تانية لأ و لو تفصيلة الموتور سريعة مش بطيئة هل ده بيدل ان الموتور كويس ؟
عرض للطباعة
عندي استفسار هو ليه لما الموتور بيجيب اخره بيفصل مش بيبقى عداد ال rpm ثابت عند اخره و ليه في عربيات بتفصل و عربيات تانية لأ و لو تفصيلة الموتور سريعة مش بطيئة هل ده بيدل ان الموتور كويس ؟
انا مش فاهم حاجه وضح لوسمحت
عشان لما بيبقى ثابت بيبقى فيه Rev Limiter و ده محدد سرعه عدد لفات المتور هو ده قصد حضرتك ؟؟
هيثبت ازاى يا باشا ؟
القصة كلها ان المفروض ما يثبتش يفضل يزيد لحد ما يجيب اخره واخره ده ممكن الموتور ينفجر فيها
فالفصلة دى معمولة بالكمبيوتر بتاع العربية حماية للموتور عن طريق انه بيفصل كهربا وبنزين عن الموتور على شكل نبضات
بحيث كل ما الموتور يوصل مثلا 7000 ار بي ام ، الكمبيوتر يكنسل شوية كهربة وبنزين لحد ما ينزل لـ 6900 مثلا ، وبعدين يوصل تانى وبعدين يفصل تانى بسرعة ، بحيث يضمن ان الار بي ام ما يعديش رقم معين ، فده اللى بيعمل الفصلة وكونها سريعة او بطيئة معرفش ده له علاقة بجودة الموتور ولا لا بس له علاقة بتصميم الموتور نفسه والسوفتوير بتاع العربية والمصنع بتاع العربية ، وبيبقى صفة مميزة للموتور زي صوت الموتور نفسه ما بيميز اي عربية عن التانية
واللى اعرفه ان الموتور التعبان مش بيجيب ار بي ام عالى فبالتالى ما تحصلش فصلة ، فلو عربية من الجديد بتدوس الدواسة للاخر وما بتفصلش يبقى الموتور ده فيه مشكلة او ادوات التغذية فيها مشكلة (كهربة او بنزين ، زي الموبينة والطرمبة مثلا .. )
طبعا اي موتور قديم او كربراتير عموما ما بتبقاش فيه الفصلة دى ، ولو ان في العربيات القديمة اوى احيانا الابلاتين مش بيستحمل الار بي ام العالى وبتلاقى العربية بطلت لوحدها
والله اعلم
المشكلة بقى فى العربيات القديمه اللى مافيهاش كمان rpm :D وكمان شغاله الكترونى زى عربيتى كده
ماعنديش rpm وكمان شغال موبينه واسبراتير الكترونى يعمل ممكن تستحمل وانا مش عارف والاقى الماتور بوم فى الهواء :D