Wolf Or Mobile

**mohamedxsayed** · 03-10-2013 01:39 AM

عاوز اعرف اغير زيت فرامل وبارو من ولف انا قلقان منه لانه جديد
ولا من موبيل ؟

**saddam** · 03-10-2013 04:52 AM

صديقي المواطن
أنا لا أحب زيوت وولف ولكن مهما كان.أحسن من موبيل و موبيل بقت مقياس للفشل في عالم الزيوت ولو غيرت وحطيت زيت فول وطعمية فقولا واحدا أفضل من موبيل
موبيل بعد التسعينات إنتهت خلاص تكنلوجيا قديمة وآخرهم في عربيات النقل
ودمتم للنضال

**Karim_Monir** · 07-10-2013 10:45 PM

المشاركة الأصلية كتبت بواسطة saddam

صديقي المواطن
أنا لا أحب زيوت وولف ولكن مهما كان.أحسن من موبيل و موبيل بقت مقياس للفشل في عالم الزيوت ولو غيرت وحطيت زيت فول وطعمية فقولا واحدا أفضل من موبيل
موبيل بعد التسعينات إنتهت خلاص تكنلوجيا قديمة وآخرهم في عربيات النقل
ودمتم للنضال

انت ليه مش حابب زيوت وولف يا مواطن :-)
انا جربتها في البي ام 2007 والموتور عندي بيتطلب مواصفت قياسية للزيت ملقتهاش في زيت في مصر غير وولف علي فكرة
مالقتش ولا زيت 5-30 c3
وده الريكومنديد من بي ام لعربيتي
وحطيتة مرتين والزيت عمل اكتر من 10 الالاف وبغير مع الكمبيوتر لما يقوللي
ومع ان في ناس اشتكت من صوت الموتور بيعلي لكن ده عمرة ما كان مقياس ابدا لجودة الزيت

وانا بغير زيت عن واحد ميكانيكي بي ام في التوكيل
لما شاف الزيت عجبه قوي شكله وريحته ولونة
ولما نزلته عندة قاللي نازل كويس لا محروق ولا حالل

فعايز اعرف وجهه نظرك كدردشة

لصاحب الموضوع
زيوت وولف هاتلاقي عندهم كل متطلبات انواع زيوت الفرامل من اول دوت 3 لحد دوت 5

فاسئلهم وزيت الفرامل مافيهوش ضرر قوي الا لو مضروب وهاته من مصدر ثقةعشان كدة بنصح بوولف لانهم وكيل لزيت مستور من بلجيكا مباشرة

**saddam** · 08-10-2013 07:09 AM

المشاركة الأصلية كتبت بواسطة karim_monir

انت ليه مش حابب زيوت وولف يا مواطن :-)
انا جربتها في البي ام 2007 والموتور عندي بيتطلب مواصفت قياسية للزيت ملقتهاش في زيت في مصر غير وولف علي فكرة
مالقتش ولا زيت 5-30 c3
وده الريكومنديد من بي ام لعربيتي
وحطيتة مرتين والزيت عمل اكتر من 10 الالاف وبغير مع الكمبيوتر لما يقوللي
ومع ان في ناس اشتكت من صوت الموتور بيعلي لكن ده عمرة ما كان مقياس ابدا لجودة الزيت

وانا بغير زيت عن واحد ميكانيكي بي ام في التوكيل
لما شاف الزيت عجبه قوي شكله وريحته ولونة
ولما نزلته عندة قاللي نازل كويس لا محروق ولا حالل

فعايز اعرف وجهه نظرك كدردشة

لصاحب الموضوع
زيوت وولف هاتلاقي عندهم كل متطلبات انواع زيوت الفرامل من اول دوت 3 لحد دوت 5

فاسئلهم وزيت الفرامل مافيهوش ضرر قوي الا لو مضروب وهاته من مصدر ثقةعشان كدة بنصح بوولف لانهم وكيل لزيت مستورد من بلجيكا مباشرة

صديقي المواطن.المؤسس
إنت عارف إني مبحبش أخش معاك في جدالات وطنية ﻷني بكن لك تقدير كبير وأسمع إنك بتساعد الناس مجانا وأنا بحترم ده فيك ولكن إنت ثابت على رأيك وأنا ثابت على رأيي أنا لم أقل أن وولف سيء أنا قلت هو أحسن من موبيل وشيل ولكن أكتر من كده ﻷ

أنا بفكر أجيب توكيل زيوت بعد سنة وأحل النزاع القائم في المنتدى بخصوص.الزيوت ونتفق معاك عالدعاية في المنتدى بس بطريقة دعاية جديدة في بالي

وغدا تثبت لك.اﻷيام سوء زيت وولف أما بخصوص صوت الموتور فده أساسي في معرفة الزيت الجيد ولكن مش نحط زيت معدني ثخين عشان نروح الصوت والصح إنك تصل لتخليقي يروح الصوت مش تخليقي وبرضو الصوت موجود

ثم يا رفيق النضال والكفاح أنت تعلم أني بعمل خلطة زيت خاصة بيا مكونة من 5: منتجات عشان أرتاح نفسيا وأخلي محرك عربيتي كل ما يدور يدعيلي

وما.تقوله أنت كله صحيح وعلى رأسي
ودمتم للنضال

**Karim_Monir** · 08-10-2013 12:38 PM

المشاركة الأصلية كتبت بواسطة saddam

صديقي المواطن.المؤسس
إنت عارف إني مبحبش أخش معاك في جدالات وطنية ﻷني بكن لك تقدير كبير وأسمع إنك بتساعد الناس مجانا وأنا بحترم ده فيك ولكن إنت ثابت على رأيك وأنا ثابت على رأيي أنا لم أقل أن وولف سيء أنا قلت هو أحسن من موبيل وشيل ولكن أكتر من كده ﻷ

أنا بفكر أجيب توكيل زيوت بعد سنة وأحل النزاع القائم في المنتدى بخصوص.الزيوت ونتفق معاك عالدعاية في المنتدى بس بطريقة دعاية جديدة في بالي

وغدا تثبت لك.اﻷيام سوء زيت وولف أما بخصوص صوت الموتور فده أساسي في معرفة الزيت الجيد ولكن مش نحط زيت معدني ثخين عشان نروح الصوت والصح إنك تصل لتخليقي يروح الصوت مش تخليقي وبرضو الصوت موجود

ثم يا رفيق النضال والكفاح أنت تعلم أني بعمل خلطة زيت خاصة بيا مكونة من 5: منتجات عشان أرتاح نفسيا وأخلي محرك عربيتي كل ما يدور يدعيلي

وما.تقوله أنت كله صحيح وعلى رأسي
ودمتم للنضال

لاء خالص اي حاجة بخلاف المبادئ والقيم قابلة للتغيير في ضوء اي معطيات جديدة عشان كدة دي وظيفة المنتدي
بخصوص توكيل زيت يا ربت تعمل كدة لاني برحب باي زيت جديد في مصر
علي فكرة
في 6 انواع زيت نزلو مصر خلاف ال 3 شهور اللي فاتو :-) وكلهم اوربي

وبخصوص الاعلان والتسويق مش هايكون معايا للاسف لان حق الاعلان مباع لشركة بومو ميديا حصريا عشان كدة انا شيلت ايدي من الموضوع وعشان افضل عند مصداقيتي مع اخواني في المنتدي لاني خلاص مابقتش صاحب مصلحة من الموضوع
خالص تحياتي لموتور عربيتك ويا بخته :-)
زمان كنت بعمل زيك واكتر لكن دلوقتي مابقاش فيا دماغ
وبعيدن عايز اسقط مكنة 3 في عربيتي بقي لما يجي اجل موتورها :-)