الموضوع: تجديد وصيانة الـ "تيحرا" من الألف للـ ياء

السلام عليكم..

بأعلن انتقالي من ملاك أوبل "فيكترا" لملاك أوبل "تيجرا"


وإن شاء الله هزورد حضراتكو بكافة التفاصيل عن السيارة لحظة بلحظة..

أنا هبدأ إن شاء الله تجديد العربية من بكره ومحتاج مساعدة في كذا نقطة..

بداية.. فكرة عامة عن العربية..

.... ميكانيكا/
بصراحة أنضف حاجة فيها وده اللي خلاني أتمسك بيها جداً - ما شاء الله
كل حاجة فيها فبريكا (الموتور مثلاً والحساسات وغيره)
كل حاجة شغالة بكفاءة عالية جداً (ولازم أعمل زيارة للمهندس طنطاني عشان الصيانة الأولى والاطمئنان)
العربية ماشية 55.000 كيلو بس،، مرفوعة 7 سنين.. والموتور لسه بيعرق (1600 تربو)..
فولتها بنزين 95 خلاها - الحمدلله - تفوق أوي أوي..

.... العفشة/
محتاج اعمل فحص كامل على العفشة عشان تتظبط كويس أوي ، وده عند طناني ان شاء الله..

....الصالون/
محتاج شغل.. كل حاجة موجودة ،، بس من ركنة العربية تحس ان الصالون اتاكل..
التابلوه ممتاز كحالة.. بس محتاج تغيير لكل الانوار طبعاً..

.... السمكرة والدهان/
من جوه فابريكة أوي - ما شاء الله، من بره رشة مرة واحدة (بس شغل بلدي أوي)
محتاج أحرقها من أول لأخرها - أجيبها على الصاج بجد عشان أرش على نضيف أوي ان شاء الله..
وفيها حبة سمكرة خارجي على خفيف أوي

محتاج نصايحكوا وتوجيهاتكوا في الآتي: (مع اعتبار اني تقليدي إلى حد كبير جداً ، وبحب مبدأ "فابريكة المصنع" أوي)

1- سمكري (حافظ كويس أي كل "سوكة" في العربية وفنان بجد)
2- بوهيجي (فنان أوي عشان عاوز لونها كأنها فابريكة المصنع)
3- سروجي (تكون أيده تتلف في حرير) لأنه هيبذل مجهود فعلاً كبير..
4- كهربائي (بسبب الركنة فيه شغل كتير أوي) وبصراحة أنا بحب الكهربائي اللي يرجعل الحاجة لأصلها (فابريكة) مش يعملي وصلات تملى العربية..

4- الأهم من ده وده بصراحة "الكاشات".. لأني كيشت مبلغ تقيل :) :)



ملحوظة: أنا لقيت كماليات (زي مرايا وفوانيس خلفي "جديدة" في شمبليون وأسعار ممتازة جدا جدا.. الفوانيس الخلفي عامل الواحد 250 جنيه)..
وهفضل ادور لغاية ملاقي الأمامي كمان جديد إن شاء الله :)

وان شاء الله هبلغ حضراتكوا لحظة بلحظة المستجدات عنها..
وأخبار صيانتها.. وقطع غيارها .. وكل حاجة بإذن الله..


شاكر جداً .. ومنتظر ردود الجميع والمختصين :) :)