الموضوع: تجديد وصيانة الـ "تيحرا" من الألف للـ ياء

المشاركة الأصلية كتبت بواسطة mahmoud kamal

الف مبروك ياباشا وربنا يكفيك شرها

متشكر يا باشا لذوقك :) :) ربنا يبارك فيك

انا كمان لقيت في الوكالة الفوانيس الأمامية استيراد "حالة ممتازة أوي".. سعر الاتنين مع بعض (قبل الفصال) بـ 350 جنيه.. انا هدور على جديد.. ولو ملقتش هروح اخدهم ان شاء الله :) :)

صديقي المواطن
مبروك وبالتوفيق ومن نصر إلى نصر
ملحوظة إنت شخص وطني واﻹسترخاص في الشد لا ينفع النصيحة جمع نفسك ماليا وإمتص صدمة الفلوس اللي دفعتها وبعدين إصرف براحتك بالنسبة للبوهيجي لازم تصر إنك إنت تجيب الخامات بنفسك وتراقبه وهو بيستعملها اللون تجيبه سكنس وكذلك الورنيش
ملحوظة تعمل العربية لونين لون الفبريكة بعد اﻹفتكاسات ولون غريب لزوم شد النظر
بالنسبة للفوانيس ولا تشتري ولا هم يحزنون تروح تعدلها في الحرفيين بإضاءة إنفجارية حديثة
العدادات بالتنظيف والبولش واﻹصلاح تحت كوبري الدقي جنب البنزينة عمدة عدادات مصر
أصول التصليح
العفشة أولا ثم.السمكري تتفق مع سمكري على العربية بشرط يشتغلك في رفرف تتأكد من جودة شغله معجبكش سيبه وحاسبه وشوف غيره
الدواخل إياك تعملها من غير متركب طبقات عوازل
ودمتم للنضال

ولقيت التابلوه بتاعها كامل بـ 400 جنيه في الوكالة (هو سعر غريب طبعاً) بس الراجل عاوز يخلص منه بأي شكل.. ومعرفش اسعاره في الحرفيين عامل كام..

المشاركة الأصلية كتبت بواسطة saddam

صديقي المواطن
مبروك وبالتوفيق ومن نصر إلى نصر
ملحوظة إنت شخص وطني واﻹسترخاص في الشد لا ينفع النصيحة جمع نفسك ماليا وإمتص صدمة الفلوس اللي دفعتها وبعدين إصرف براحتك بالنسبة للبوهيجي لازم تصر إنك إنت تجيب الخامات بنفسك وتراقبه وهو بيستعملها اللون تجيبه سكنس وكذلك الورنيش
ملحوظة تعمل العربية لونين لون الفبريكة بعد اﻹفتكاسات ولون غريب لزوم شد النظر
بالنسبة للفوانيس ولا تشتري ولا هم يحزنون تروح تعدلها في الحرفيين بإضاءة إنفجارية حديثة
العدادات بالتنظيف والبولش واﻹصلاح تحت كوبري الدقي جنب البنزينة عمدة عدادات مصر
أصول التصليح
العفشة أولا ثم.السمكري تتفق مع سمكري على العربية بشرط يشتغلك في رفرف تتأكد من جودة شغله معجبكش سيبه وحاسبه وشوف غيره
الدواخل إياك تعملها من غير متركب طبقات عوازل
ودمتم للنضال

متشكر جدا لنصائح حضرتك وهعمل بيها إن شاء الله..

أنا سألت على الطاير كده النهادره عن البويه الـ "سكينز" ولقيت الكيلو منها بـ 1000 جنيه !!!! هل ده صح ؟؟
انا هستهلك حوالي 2 كيلو ونص او 3 كيلو ... كده المبلغ الرش لوحد هيعدي جامد أوي

.... واحد من أصدقائي قالي على موضوع اللونين ... بس انا فعلاً تقليدي جداً .. واللي مش مشجعني اني مش عارف اللونين هيكون اماكنهم فين بالظبط (الأشكال كتير ومش عارف احدد) ... العربية لونها فضي (زي الفيكترا اللي معايا) (لسه معايا لغاية دلوقتي)... ومش بحب الالوان المطرقعة خالص...

حضرتك تنصحني بإيه ؟؟؟

وبالنسبة للفوانيس ... عندي واحد سليم اوي ... وواحد متدغدغ أوي اوي (لازم يتغير)..
انا سمعت ان فيه لمض نزلت جديد زي الزينون او افضل وارخص بكتير اوي.. واحد قالي انه مركبها عنده وشال الزينون لانه اضعف منها جدا.. وسعر اللمبة حوالي 40 جنيه..

حضرتك تقصد كده ؟؟؟

ولو تعرف عفشجي و سروجي كويس يا ريت تقولي (انا هفرش العربية من طرفها لديلها جلد ... وكمان معرفش انواع) ؟؟؟؟