الموضوع: مقارنة بين بيجو 301 2014ونيسان صني الشكل القديم 2013واوبترا 2013

البيجو ال 301 أختيار رقم واحد ثم النيسان الصنى الشكل القديم ثم الأوبترا
أنا أملك بيجو 301 هاى لاين 2014 و نيسان صنى الشكل القديم 2010
البيجو تتفوق من حيث المساحة الداخلية عن النيسان صنى الشكل القديم بفارق كبير جداً و قوة الفرامل و إستهلاك البنزين و الشكل الأحدث و الأفخم.
بالنسبة للتوكيل النيسان توكيلها جيد جداً و البيجو تعاملى معهم كان جيد جداً فى صيانة ال 2500 الفرع الرئيسى بغمرة .
الأوبترا لا أستطبع التكلم عنها ولكن على حد علمى ليس بها حتى abs و أكيد فيه مالك من ملاكها يستطيع تأكيد هذه المعلومة أو يعطيك بعض المعلومات عنها

بيجو 301
.
.
.
اوبترا نيسان

المشاركة الأصلية كتبت بواسطة mohjarr

البيجو ال 301 أختيار رقم واحد ثم النيسان الصنى الشكل القديم ثم الأوبترا
أنا أملك بيجو 301 هاى لاين 2014 و نيسان صنى الشكل القديم 2010
البيجو تتفوق من حيث المساحة الداخلية عن النيسان صنى الشكل القديم بفارق كبير جداً و قوة الفرامل و إستهلاك البنزين و الشكل الأحدث و الأفخم.
بالنسبة للتوكيل النيسان توكيلها جيد جداً و البيجو تعاملى معهم كان جيد جداً فى صيانة ال 2500 الفرع الرئيسى بغمرة .
الأوبترا لا أستطبع التكلم عنها ولكن على حد علمى ليس بها حتى abs و أكيد فيه مالك من ملاكها يستطيع تأكيد هذه المعلومة أو يعطيك بعض المعلومات عنها

اولا مبروك علي السيارتين وربنا يباركلك فيهم ويكفيك شرهم
ثانيا من خلال خبرتك وتجربتك للسيارتين , انت شايف ان البيجو افضل من النسيان
بس هل فارق السعر بين الاتنين يخلي برده البيجو افضل ولا فارق السعر زياده شوية ؟؟
ثالثا اخبار اداء السيارتين ايه علي الطريق وثباتهم بالاضافة الي اسعار قطع الغيار
لن اسال عن سعر اعاده البيع لانه هيبقي ظالم للبيجو لانها لسة جديدة ومانتشرتش وبمعني اصح ملهاش معالم في سعر اعده بيها
رابعا واخيرا ايه الي خلاك تفضل البيجو عن باقي السيارات المتاحة في السوق مع وجود سيارات محترمه في نفس رنج البيجو مثل الريو و الاكسنت وغيرهم
وشكرا علي مشركتك الكريمة

المشاركة الأصلية كتبت بواسطة د.عماد صلاح

اوكي ركز معاي
البيجو اوتو اول فئه تسليم فوري 127
الاوبترا 117
النيسان 113 تسليم فوري اللي فات ده كله
البيجو فيها كل وسائل الامان و ثبات ممتاز و تكييف كويس و اوروبي ولكن ....اولا اعاده البيع مش واضح هيبقي عامل ازاي ..كونها بيجو يبقي مش هيعرف يشتغل فيها غير التوكيل ...العربيه صغيره علي الطريق يعني مش عريضه تحس انها فئه الافيو و الار بي كده
الاوبترا ...مفيش وسائل امان بس شاسيه قوي جدا و قفص حديدي جبار حول المقصوره الموتور قوي جدا والفتيس ياباني و التقفيل الداخلي اشيك تقفيل فيهم والعربيه كبيره علي الطريق و ثابته جدا و الصالون واسع جدا والتكيف ممتاز
النيسان ...تقفيل داخلي سئ للغايه الثبات قل عن المودلات السابقه عشان في حاجه اتشالت من العفشه الخلفيه الصالون الخلفي ضيق جدا لكن موتور جبار لكن برضه مفيش وسائل امان
انا استبعد النيسان من اول وهله
يبقي الاوبترا و البيجو ...اناﻻاصلا كان معايا افيو فكنا عايز عربيه اكبرو كمان انا من النوع اللي احب راحه البال و سهوله اعاده البيع و بعد سنه بزهق من الضمان وببدا اتعامل بره التوكيل فكنت عايز عربيه الناس تعرف تشتغل فيها بالاضافه انها ارخص 10 الاف جنيه
فجبت الاوبترا في الاخر

بعيدا عن شكلها علي الطريق لانه لا يعنيني الناس شايفها ازاي , هل هي ضيقة زي الافيو ولا واسعة ؟؟
اتفق معاك في موضوع اعاده البيع لانه بدري اوي اننا نتكلم عنه بالنسبة للبيجو , ولكن هل البيجو عموما في فئاتها وسنواتها القديمة سعر اعاده بيها كويس ولا لا ؟؟
مش عارف بالنسبة لموضوع التوكيل والصيانة دي بس اعتقد ان فيه ناس بتفهم في البيجو وخصوصا ان البيجو قديمة في السوق المصري فاكيد ليها ناسها , يمكن الموديل الجديد محدش لسة يعرف عنه حاجة بس ده طبيعي لانه جديد بس اعتقد انه هيتعرف زي اي حاجة بتتعرف بعد فترة
شافك اخترت الاوبترا رغم عدم وجود اي وسائل امان , طيب ليه اخترتها وعلي اي اساس فضلتها علي اقرانها من السيارات الاخري من نفس فئة السعر او اعلي بقليل او اقل بقليل
انت بتتكلم عن النسيان الشكل القديم ولا الجديد ؟؟؟
في رايي ان الي بيشتري سيارة زيرو مبيفكرش في اعاده بيها قبل ما يشتريها والا كنا روحنا للصيني علشان ياخد وقته ومع السلامة بعد كده , في رايي كمان ان البيجو سيارة من السيارات المعمرة مش بتاعة سنتين واقلب
ثم سعر اعاده البيع بيعتمد علي حاجات كتير منها نوعيه الزبون وتفضيله لنوع سيارة معين
بالاضافة الي طبيعة حالة الاقتصاد في البلد واسعار السيارات الجديدة وغيره من عوامل اخري , كل ده بياثر علي اسعار السيارات , ولا يخفي علي احد ان الفترة الاخيرة اسعار السيارات المستعملة وكسر الزيرو بقت غالية لان الناس مبقتش تروح للزيرو علشان غالي
واخيرا شكرا علي مساهمتك ومشاركتك

المشاركة الأصلية كتبت بواسطة د.عماد صلاح

نيسان قديم طبعا الجديد كله مشاكل
المقرانه رسيت بين اوبترا وبيجو وانا من النوع اللي بيحسب بورقه وقلم يعني لازم اعرف لو اتزنقت هصونها فين و لو عايز ابيعها هدوخ ولا ﻷ و هخسر كتير ولا لا و زي ماوضحت لحضرتك الاوبترا كمان ارخص 10 الاف ووانا كنت عايز حاجه اكبر من الافيو مش زيها في الحجم

بس حضرتك مقولتليش برده البيجو 301 زي الافيو من جوة ولا لا , لاني ركبت البيجو وشوفت ان الصالون بتاعها واسع فاحب استفيد من تجربتك برده