الموضوع: مقارنة بين نيسان الشكل القديم والشكل الجديد

المشاركة الأصلية كتبت بواسطة mw_abaza

السلام عليكم . كنت عايز رأي خبراء المنتدي في نيسان الشكل القديم والشكل الجديد منحيث الماتور والصاج والسحب والأعتمادية لاني شايف ان النيسان القديمة أقوي وخامات أفضل وأعتمادية أكثر من الشكل الجديد كنت عايز أعرف رايكم كخبراء وياريت لو حد جرب الأثنين

أول حاجة


مافيش شركة بتنزل موديل جديد علشان مجرد انها تكون موجودة, لأ بيحصل تعديل وتطوير وتفادي للمشاكل الموجودة في الموديل السابق


فقط في مصر... الفكرة السائدة هي ان القديم كان أحسن (المثل الشهير : القديمة تحلى ولو كانت وحلة ) ... وان كل حاجة بتنزل جديد ضعيفة ووحشة, بس خلينا نتكلم بالواقع


الموديل القديم: وزن تقيل مدي ثبات عالي... استهلاك "متوسط" للبنزين ... صالون داخلي ضيق, عربية محترمة في الاعتمادية والسحب, موتور قوي ممتاز جداً.... تقفيل داخلي وتابلوه شيك جميل, عفشة ونظام تعليق يعتمد عليه وفرامل ممتازة


الموديل الجديد: وزن خفيف وتصميم إيرودايناميكي علشان الهوا يتقل الوزن مع السرعة... استهلاك ممتاز للبنزين (النص تقريباً )...صالون داخلي واسع جداً, عربية محترمة في الاعتمادية والسحب, موتور قوي 1500 سي سي...تقفيل داخلي متوسط وتابلوه عادي شكله مش حلو قوي, عفشة فوق ممتازة ونظام تعليق رائع , بعض الأعضاء اشتكوا من وجود صوت تزييق في المساعدين الخلفيين والبعض الآخر لأ, وأعتقد المصنع عالج المشكلة دي, فرامل ممتازة للغاية, وكل الموديلات الجديدة مجهزة بوسائل أمان كاملة, مافيش في نيسان حاجة اسمها ادفع علشان نديك حماية لحياتك


واسيب باقي الأعضاء الكرام يكملوا ....

ما أنا لو أستلم ........أقول ع طول
باقى الاعضاء مشكورين برجاء استكمال الرد على الموضوع

على فكرة العربيتين مالهومش أى علاقة ببعض, يعني ممكن تعتبروهم عربيتين مختلفتين تماما
مفيش أي وجه شبه بين العربيتين, لا موتور ولا عفشة ولا شكل ولا حتى شاسيه
التشابه الوحيد في الاسم (صني) والشركة المصنعة (نيسان), دا طبعا مايمنعش المقارنة بالعربيتين

[QUOTE=the_air_devil;3874550054]أول حاجة


مافيش شركة بتنزل موديل جديد علشان مجرد انها تكون موجودة, لأ بيحصل تعديل وتطوير وتفادي للمشاكل الموجودة في الموديل السابق


فقط في مصر... الفكرة السائدة هي ان القديم كان أحسن (المثل الشهير : القديمة تحلى ولو كانت وحلة ) ... وان كل حاجة بتنزل جديد ضعيفة ووحشة, بس خلينا نتكلم بالواقع


الموديل القديم: وزن تقيل مدي ثبات عالي... استهلاك "متوسط" للبنزين ... صالون داخلي ضيق, عربية محترمة في الاعتمادية والسحب, موتور قوي ممتاز جداً.... تقفيل داخلي وتابلوه شيك جميل, عفشة ونظام تعليق يعتمد عليه وفرامل ممتازة


الموديل الجديد: وزن خفيف وتصميم إيرودايناميكي علشان الهوا يتقل الوزن مع السرعة... استهلاك ممتاز للبنزين (النص تقريباً )...صالون داخلي واسع جداً, عربية محترمة في الاعتمادية والسحب, موتور قوي 1500 سي سي...تقفيل داخلي متوسط وتابلوه عادي شكله مش حلو قوي, عفشة فوق ممتازة ونظام تعليق رائع , بعض الأعضاء اشتكوا من وجود صوت تزييق في المساعدين الخلفيين والبعض الآخر لأ, وأعتقد المصنع عالج المشكلة دي, فرامل ممتازة للغاية, وكل الموديلات الجديدة مجهزة بوسائل أمان كاملة, مافيش في نيسان حاجة اسمها ادفع علشان نديك حماية لحياتك

لا فيه طبعا مين قال مفيش حضرتك اولا النيسان صنى 2012 -ex whg صالون مفيهاش استبليزر وطبعا اكيد عارف الاستبليزر ومدى اهميته فى مدى ثبات السياره على السرعات العاليه والملفات المستعصيه وكمان مفيهاش ايرباج للراكب الكائن بجوار السائق مفيهاش كمان ebd مفيهاش فاتر للمكيف حتى السوبر صالون هكذا يبقى ازاى بقى مفيهاش ادفع عشان نديك حمايه لحياتك لا طبعا الشعار ده موجود والا مكانوش نزلو السوبر صالون بزياده 10000 جنيه عشان كل ما تدفع يبقى نديلك حمايه اكتر لحياتك حبيت فقط اصححلك معلومتك ودمت بخير صديقى