الموضوع: مقبل على شراء فكترا c و محتاج مساعدة

ثبات عالي ... عفشه ناشفه
سحب حلو واستهلاك بنزين قليل .... ايزيترونك ممكن جدا يخليك متفكرش في اوبل طول عمرك تاني

فخامه ورفاهيه

عالخامس والاربي ام 3000 السرعه 100 كم ساعه ... لو بتحب تجري فالسفر هتقرص عالموتور ... ملحوظه العربيه بتجيب فوق ال 200 عادي خالص على 200 كم ال rpm بيكون 6000 للاسف

بخلاف الاسترا اتش الخامس 100 كم ساعه 2250 rpm

الجير ريشيو مختلفه لكن في الزحمه الفكترا سي احسن من الاسترا اتش بكتييييييييير عشان بتفضل عالاولاني لمن الاسترا اتش الاولاني قصير جدا

الايزيترونك لازم تجربه في الزحمه

سيفيك 2007 موتورها انعم و تكييف احسن لكن صالون الفكترا سي يكسب خصوصا لو هاي لين يكسب بكتيير قوي

سيفك يعني لازم تحك على كل المطبات

فكترا سي مستحيل تحك مهما حملتها .. عفشه ناشفه بتدب في المطبات

فتيس السيفيك سلس وناعم في نقلاته عشان اوتو عادي تورك كونفرتر
الايزي ترونك نقلاته محسوسه خاصه بين الاول والتاني لازم تجربه

ممكن تقولي السفك اقصى سرعه ليها كام ؟ وال rpm على اخر نقله على سرعه 100 كم ساعه كام ؟

كثبات ومناورات الفكترا سي حدث ولا حرج ... التوب لاين فيها esp

مبدأيا انا مسمعتش العجل فقد التراكشن ابدا في ملف الحمد لله والفرامل كويسه جدا جدا نادر قوي لما ال abs بيشتغل

في ملفين بحب اجرب فيهم العربيات واحد على محور المشير او الوصله اللي بتوديك عال na دا باخده 110 عادي جدا

في ملف تاني وانت راجع من التجمع الخامس من ال na ملف يمين للوفاء والامل مش اول يمين بقى اليمين اللي بعديه بلف على 100 عادي بردو الانتي رول بتاع الشاسيه عالي جدا يعني العربيه بتفضل افقيه و الكاوتش ليه عامل بردو في الفكترا 215 55 16 معرفش السيفك كام صراحه

بردوا لو عايز تقارن جرب السيفك عال na كدا الفكترا سي بتجيب 180 عليه بسهوله و باخد الطريق من يمينه لشماله عادي

انا مجربتش الحاجات دي في السفك

المشاركة الأصلية كتبت بواسطة ahmedhassan92

تمام يا باشا ربنا يخليك و شكرا على ردك
السيفيك على طريق العلمين جبت بيها 210 و بسهولة بس بصراحة خفت و كانت لسة بتجمع سرعة تانى و ما شاء الله كانت تحفة فى الثبات اما بالنسبة لل rpm كانت 140 على 3000 rpm و الفتيس انا اعرف ان انا لو حسيت بالنقلة يبقى فيه حاجة مش مظبوطة هل الكلام دا صح ولا غلط و خصوصا ان دا يتنافى مع كلام حضرتك و من رأى حضرتك اجرب الفتيس ازاى؟؟؟

انت عايز تغير السفك ليه طيب ؟؟

الفتيس الاوتو زي عندك في السفك لو حسيت بالنقله طبعا يبقى فى حاجه مش كظبوطه

لكن فتيس الايزيترونك مانيوال اصلا يعني هتحس بالنقلات خصوصا بين الاولاني والتاني زي واحد غشيم بيدوس دبرياج

تجرب ازاي دي صعبه بصراحه ! بس لازم تاخدها لفه في الزحمه ضروري جدا

طيب اه اللي مش عاجبك في السيفك و رايح للفكترا سي تدور عليه

يعجبني فيك يا عاشور كرهك اللامتناهي للفتيس الايزي ترونيك رغم عشقك للعربية
لدرجة انك كرهتني انا كمان فيه وانا لسا مجربتوش :)
يا اخي ادينا فرصة نجرب ونقول رأينا

وعلى الأقل انت بترجع بيتك سليم والحمد لله ، انا برجع وبحط ريباريل جيل على ركبتي الشمال دا غير امبارح العضمة اللي تحت أصابع رجلي وجعتني

كنت فاكر ان هو ده الدبرياج عموما ، لكن لما سوقت الاوكتافيا ، عرفت اني ديه مشكلة دبرياج الأوبل بس ، كان الأحرى بيهم انهم يحطوا علامة تحذير على العربية المانيوال ويكتبوا "تحذير هام ! غير مسموح لغير المصارعين"