الموضوع: الجالاكسي نوت 3 (Galaxy Note 3) سعره 5600 بالضمان

المشاركة الأصلية كتبت بواسطة dr_mido

اه والله نزلت نسخه للسوق الصيني :-d

sent from my xperia arc s using forum runner

بس ممكن يكون للصين بس ومينزلش الشرق الاوسط

المشاركة الأصلية كتبت بواسطة ابوجنى2112

اولا 5555 مبروك..وربنا يملاه لك بركة.

ثانيا. +1111 متابع
وياريت حد يفدنا فى موضوع الشريحتين دة..وشكرا ليكم مقدما

الله يبارك فيك وعقبالك يابو جنى

المشاركة الأصلية كتبت بواسطة Dr_Mido

:-D اما تنوي تبيعه قلي هبقي اخده.منك

Sent from my Xperia Arc S using Forum Runner

بتصطاد في المية العكرة انت
عموما ميغلاش عليك يا غالي بس هاتلي قصادة آيفون بشاشة 5.7 بوصة الأول ههههههههههه

المشاركة الأصلية كتبت بواسطة JAM

انا كنت ناوى أتخلى عن أبل وأروح للنوت ٣ .. بس الحمد لله.. أبل هتفضل طول عمرها أبل مع إن الجهاز اللى معايا 3gs ومعايا من ساعة مانزل والحمد لله شغال تمام.. المهم انا عايز أجيب آى باد.. أشترى دلوقتى ال 4 ولا استنى شوية.. وياريت أسعاره بقت إيه دلوقتى للنسخة ٣٢ جيجا واي فاي وداتا

بصراحة بعد التجربة دي لو مش في دماغك موضوع الشاشة خليك في الآيفون بدون تردد ولو تقدر تجيب ال5 هاته بصراحة ملوش حل خفة ورفع وشياكة جدا
الآيباد 4 دلوقتي عامل 4650 لل16 جيجا و 5600 لل32 جيجا
Apple Ipad 4 Wi-fi + Cellular - سعر ومواصفات و مميزات وعيوب
بس ما تجيب الميني بصراحة حجمه رائع لا كبير ولا صغير وخفيف وتقدر تشيله معاك في كل حتة وسعره معقول ال16 جيجا ب3700 وال32 ب4400
Apple Ipad Mini Wi-fi + Cellular - سعر ومواصفات و مميزات وعيوب

المشاركة الأصلية كتبت بواسطة mido_soliman

انا شفته فعلا وجربته فتره قصيره فى ستور سامسونج فى مول العرب
الجهاز جميل جدا كشكل وكخامه عكس كل موديلات سامسونج السابقة
حتى احلى كتير جدا من الاس 4 واسرع منه كمان بفرق ملحوظ
ملحظتش فيه اى لاج او تعليق فى الاونشر
الاسماء بتفتح بسرعه عكس كل موديلات سامسونج واللى كان عيب ازلى فيها ان الكونتاكت لازم تاخد ثانية او اتنين لحد ما تظهر
القلم حلو بس محتاج شغل اكتر لان استجابة الزرار ضعيفه دة غير مكان الزرار اللى مش عاجبنى اصلا
الشاشه تعتبر احسن شاشة موبيل سامسونج انتجتها حتى الان ومحدش يقول دة سوبر اموليد زى الباقى
لاء فى فرق وكبير فى تقنيه التصنيع
لكن اللى انت بتتكلم فيه دة فعلا حقيقي
سامسونج طول ما بتحط اضافات على السوفتوير الاندرويد
حيفضل يهنج
حيفضل unstable
حيفضل الاندرويد shitty software مقارنه بال ios
للاسف ios احسن بمراحل من الاندرويد لكن مش كتير بيصدق او بيقتنع بكدة عكس اللى جرب زى حضرتك كدة
للاسف ios كسوفتوير محتاج يبقى منفتح اكتر من كدة بكتير ودة اللى ناقصة علشان يبقى الافضل على مستوى كل انظمه التشغيل الموجودة فى الكون لكن الحلو ميكملش

مبروك عليك الجهاز ومتقارنوش بالايفون علشان متضايقش وحاول تتاقلم معاه هوه جهاز انا شايفه احسن اجهزة سامسونج على الاطلاق بصراحه
وخلى الجهاز معاك سنة لحد ما الايفون 6 ينزل وان شاء الله حيكون بشاشة على الاقل 4.8 لكن السوفتوير المقفول حيفضل مقفول :( لان دى ابل امبراطوريه الانانية والتوحد فى العالم
تحياتى لك ولحياديه تقريرك

انت جبت الخلاصة
بالرغم من إن النوت 3 أفضل ما أنتجت سامسونج حتى الآن إلا إنه بالرغم من كده لا يقارن بالآيفون من ناحية الجودة والثبات واستقرار النظام والكاميرا وغيره
هحاول آخد بنصيحتك وأتأقلم مع الجهاز على الأقل لحد ما فلوسه تبرد وننتظر نشوف آبل هانم هتغير من جمودها وتنزلنا شاشات كبيرة ولا أبقى أفكر أشوف HTC أو أي حاجة تانية إلا السامسونج والله المستعان