الجالاكسي نوت 3 (Galaxy Note 3) سعره 5600 بالضمان

السلام عليكم
حبيت بس أنبهكم إن الموبايل موجود عند بعض المحلات ب5600 بالضمان زي دريم 2000 وعند الشناوي ب5800 علشان بس الاستغلاليين اللي بيبيعوه ب6000 وأكتر

يا بلاش...مرتب 6 شهور مرتاحين

مشكور و أعتقد أن المحلين دول أرخص محلين في القاهرة و اسكندرية.

سعره كويس جدا بما انه لسه نازل. على آخر السنة ان شاء الله هينزل شوية حلوين
ربنا يخللى لينا النوت 2 ابن حلال :)

على آخر السنة هيبقى بـ 5.000 مقفولين و يفضل ينزل لحد ما يركز على ال4.500 ... يا خراب بيتك يا كرياكو ...

والله يا هيثم باشا لو ركزنا مع العالم دى مش هنلاقى نشحن اصلا بعد كدة :)

المحلات دى بتبيع اغلى من اللى بيبيع ب 6000
الفكرة ان المحلات اللى بتبيع منغير فاتورة سليمة بتوفر 10% من التمن اللى هو مفروض يروح كضريبة .

يعنى من الاخر لو روحت محل اشتريت التليفون مفروض تشتريه ب 6000 جنيه لو بفاتورة او ب 10% اقل يعنى حوالى 5460 لو هتشتريه منغير فاتورة لان اللى مش بيديك فاتورة او فاتورة اى كلام مضروبة بيوفر 10% ضريبة مبيعات و بيتهرب من ضريبة الربح بتاعته بعد كدا اللى هى 20% على صافى مكسبه

اقتباس:

---

المشاركة الأصلية كتبت بواسطة som3aa

المحلات دى بتبيع اغلى من اللى بيبيع ب 6000
الفكرة ان المحلات اللى بتبيع منغير فاتورة سليمة بتوفر 10% من التمن اللى هو مفروض يروح كضريبة .

يعنى من الاخر لو روحت محل اشتريت التليفون مفروض تشتريه ب 6000 جنيه لو بفاتورة او ب 10% اقل يعنى حوالى 5460 لو هتشتريه منغير فاتورة لان اللى مش بيديك فاتورة او فاتورة اى كلام مضروبة بيوفر 10% ضريبة مبيعات و بيتهرب من ضريبة الربح بتاعته بعد كدا اللى هى 20% على صافى مكسبه

---

أيوة بس هو بيبقى في الضمان برده ولا طالما الفاتورة أي كلام يبقى برة الضمان ؟!
على فكرة آخر سعر 5555 في دريم 2000

اقتباس:

---

المشاركة الأصلية كتبت بواسطة أبو بودي وعمر

أيوة بس هو بيبقى في الضمان برده ولا طالما الفاتورة أي كلام يبقى برة الضمان ؟!
على فكرة آخر سعر 5555 في دريم 2000

---

بيبقى فى الضمان عادى جدا بس الضمان مش بيبقى 12 شهر غالبا بيبقى 11 او 10 شهور حسب التاريخ اللى مختوم على الضمان اللى فى العلبة و طبعا مش فارقة كتير , خد الى 10% خصم احسنلك , لو معاك فاتورة الضمان بيتحسب من تاريخ الفاتورة (بس تبقى فاتورة سليمة), بالنسبة للنوت 3 بما انه لسه نازل هتلافى الضمان مش ناقص غير كام يوم بس مش اكتر.
الفرق كمان فى الفاتورة انك منغيرها مش من حقك ترجع لجهاز حماية المستهلك يعنى لو حصل مشاكل بينك و بين الوكيل مينفعش ترجع لحماية المستهلك.

التليفون بيبقى فى الضمان عادى يعنى لو حصله حاجة تصلحة او تغيره فى سامسونج ( الوكيل ) منغير اى فلوس.

هو التليفون غالى اساسا و سعره فى الخليج 5500 , انا شايف ان 5555 سعر مناسب مع انهم ضاربين 100 جنيه فى جيبهم زيادة عن مكسبهم الطبيعى بس دا الحال فى مصر.

رايى لو عاجبك توكل على الله و اشتريه ب 5555 , كل دا مش مهم لو هتوفر 450 جنيه على الفاضى.

اقتباس:

---

المشاركة الأصلية كتبت بواسطة som3aa

بيبقى فى الضمان عادى جدا بس الضمان مش بيبقى 12 شهر غالبا بيبقى 11 او 10 شهور حسب التاريخ اللى مختوم على الضمان اللى فى العلبة و طبعا مش فارقة كتير , خد الى 10% خصم احسنلك , لو معاك فاتورة الضمان بيتحسب من تاريخ الفاتورة (بس تبقى فاتورة سليمة), بالنسبة للنوت 3 بما انه لسه نازل هتلافى الضمان مش ناقص غير كام يوم بس مش اكتر.
الفرق كمان فى الفاتورة انك منغيرها مش من حقك ترجع لجهاز حماية المستهلك يعنى لو حصل مشاكل بينك و بين الوكيل مينفعش ترجع لحماية المستهلك.

التليفون بيبقى فى الضمان عادى يعنى لو حصله حاجة تصلحة او تغيره فى سامسونج ( الوكيل ) منغير اى فلوس.

هو التليفون غالى اساسا و سعره فى الخليج 5500 , انا شايف ان 5555 سعر مناسب مع انهم ضاربين 100 جنيه فى جيبهم زيادة عن مكسبهم الطبيعى بس دا الحال فى مصر.

رايى لو عاجبك توكل على الله و اشتريه ب 5555 , كل دا مش مهم لو هتوفر 450 جنيه على الفاضى.

---

تمام تسلم على المعلومات والنصيحة
إن شاء الله بكرة هجيب النوت 3 وعلى فكرة هو في الخليج أغلى من هنا أنا لسة سائل عليه في الكويت كان أكتر من 5600