السلام عليكم
حبيت بس أنبهكم إن الموبايل موجود عند بعض المحلات ب5600 بالضمان زي دريم 2000 وعند الشناوي ب5800 علشان بس الاستغلاليين اللي بيبيعوه ب6000 وأكتر
يا بلاش...مرتب 6 شهور مرتاحين
مشكور و أعتقد أن المحلين دول أرخص محلين في القاهرة و اسكندرية.
سعره كويس جدا بما انه لسه نازل. على آخر السنة ان شاء الله هينزل شوية حلوين
ربنا يخللى لينا النوت 2 ابن حلال :)
على آخر السنة هيبقى بـ 5.000 مقفولين و يفضل ينزل لحد ما يركز على ال4.500 ... يا خراب بيتك يا كرياكو ...
والله يا هيثم باشا لو ركزنا مع العالم دى مش هنلاقى نشحن اصلا بعد كدة :)
المحلات دى بتبيع اغلى من اللى بيبيع ب 6000
الفكرة ان المحلات اللى بتبيع منغير فاتورة سليمة بتوفر 10% من التمن اللى هو مفروض يروح كضريبة .
يعنى من الاخر لو روحت محل اشتريت التليفون مفروض تشتريه ب 6000 جنيه لو بفاتورة او ب 10% اقل يعنى حوالى 5460 لو هتشتريه منغير فاتورة لان اللى مش بيديك فاتورة او فاتورة اى كلام مضروبة بيوفر 10% ضريبة مبيعات و بيتهرب من ضريبة الربح بتاعته بعد كدا اللى هى 20% على صافى مكسبه
بيبقى فى الضمان عادى جدا بس الضمان مش بيبقى 12 شهر غالبا بيبقى 11 او 10 شهور حسب التاريخ اللى مختوم على الضمان اللى فى العلبة و طبعا مش فارقة كتير , خد الى 10% خصم احسنلك , لو معاك فاتورة الضمان بيتحسب من تاريخ الفاتورة (بس تبقى فاتورة سليمة), بالنسبة للنوت 3 بما انه لسه نازل هتلافى الضمان مش ناقص غير كام يوم بس مش اكتر.
الفرق كمان فى الفاتورة انك منغيرها مش من حقك ترجع لجهاز حماية المستهلك يعنى لو حصل مشاكل بينك و بين الوكيل مينفعش ترجع لحماية المستهلك.
التليفون بيبقى فى الضمان عادى يعنى لو حصله حاجة تصلحة او تغيره فى سامسونج ( الوكيل ) منغير اى فلوس.
هو التليفون غالى اساسا و سعره فى الخليج 5500 , انا شايف ان 5555 سعر مناسب مع انهم ضاربين 100 جنيه فى جيبهم زيادة عن مكسبهم الطبيعى بس دا الحال فى مصر.
رايى لو عاجبك توكل على الله و اشتريه ب 5555 , كل دا مش مهم لو هتوفر 450 جنيه على الفاضى.
6000 جنيه
دي بدعه من بدع الشيطان
أنا جبت النوت 3 يا جماعة من شوية الحمد لله من دريم 2000 اللي في العرب جسر السويس ب5555
وبرضه ال sony xperia z ultra اول م نزل كان ب 6444 دالوقتى ب 5850 فى التوكيلات
سؤال جانبي :)
هو Xperia ZL منزلش مصر ؟!
و ايه ظروف الـZ1 برضه ؟!..
طبعا الجهاز لسة مقدرش أحكم عليه تماما دلوقتي لكن مبدئيا أنا منبهر من شاشته لأنها مناسبة جدا وحجمها رائع فهي لا ضخمة زي ال tablets متعرفش تتحرك بيه في كل مكان وفي نفس الوقت مش صغيرة متقدرش تستمتع بيها بالقراءة وتصفح الإنترنت وباقي ال applications ولما مسكته ومسكت الآيفون 5 بعده حسيت إن الآيفون لعبة واستصغرت شاشته أكتر من الأول !
ألوان الشاشة جميلة جدا وبراقة خاصة لما تتفرج على فيديو Full HD هتحس كأنك قاعد أدام التليفزيون بتتفرج على فيلم High Definition !
الكاميرا صورت بيها كام صورة للآيفون 5 علشان أعرضه للبيع لقيت معظم الصور مهزوزة وألوانها سيئة نوعا ما مقارنة بصور الآيفون مع إني كنت مثبت إيدي وأنا بصور لكن مش بيلقط صور ثابتة وواضحة بسهولة زي الآيفون .. يمكن في حاجة لازم أظبطها الأول أو طريقة معينة للتصوير لسة لم أكتشفها ولكن في الجملة أشعر أن كاميرا الآيفون أقوى وأوضح
البطارية أعتقد أنها كويسة وبتقعد لأني فضلت شغال عليه أكتر من نص ساعة تظبيط إعدادات ومنقصتش غير 3% تقريبا ! فأظنها قوية وبتقعد على عكس الآيفون طبعا اللي لو كنت عملت شوية الشغل دول فيه كانت البطارية نقصت مش أقل من 10% وش !
أخيرا الجاهز شكله شيك جدا بالغطا بتاعه اللي زي الجلد على عكس كل موديلات سامسونج اللي الغطا بلاستيك تشعر فيه بالرداءة كمان الجوانب مش بلاستيك ولكن معمولة بمادة شبيهة بالمعدن مدياله شعور بالفخامة أيضا
ده باختصار انطباعي الأولي عن الجهاز لحد ما استكشف باقي الخبايا والمميزات والعيوب
ألف مبروك وتتهنى بيه. ربنا يرزقك خيره ويكفيك شره :)))
ما شاء الله جميل
ربنا يباركلك فيه
اخبار بطاريته ايه مع الشغل
Sent from my Xperia Arc S using Forum Runner
تصدق بقي يلعب في دماغي من ساعه مشفت النسخه الشريحتين
اه والله نزلت نسخه للسوق الصيني :-D
Sent from my Xperia Arc S using Forum Runner
[quote=أبو بودي وعمر;3875222849]ايه ده بجد هو في منه بشريحتين ؟!
نزلت ولا لسة وبكام[/quote
اولا 5555 مبروك..وربنا يملاه لك بركة.
ثانيا. +1111 متابع
وياريت حد يفدنا فى موضوع الشريحتين دة..وشكرا ليكم مقدما
بصراحة يا جماعة بعد عدة أيام من استخدام السامسونج بعد استخدام آيفون حسيت بالفرق الشاسع فعلا بين أبل وسامسونج
السامسونج جهاز كثير التهنيج والتوقف وإعادة التشغيل على عكس نظام الios على الآيفون اللي نادرا ما هنج أو عمل ريستارت من نفسه
تطبيقات ال Google Play المجانية معظمها تطبيقات مزعجة إما بالإعلانات أو بالفيروسات ده غير تطبيقات الجنس والإباحية الكثيرة واللي متصنفة على أنها الأفضل والأكثر تحميلا ! على عكس تطبيقات الApp Store
كاميرا الآيفون ال8 ميجا بكسل كاميرا رائعة ألوان وجودة على عكس كاميرا سامسونج ال13 ميجا !
بصراحة نادم على استبدال الآيفون بالنوت 3 لكن موضوع حجم الشاشة هو اللي اضطرني لكده ولو أبل فكت نفسها من الجمود اللي عايشة فيه ده شوية وعملت شاشة بحجم النوت 3 مش هتردد لحظة في إني أخلص من النوت 3 وأجيب آبل حتى لو ب8000 جنيه !!
:-D اما تنوي تبيعه قلي هبقي اخده.منك
Sent from my Xperia Arc S using Forum Runner
انا كنت ناوى أتخلى عن أبل وأروح للنوت ٣ .. بس الحمد لله.. أبل هتفضل طول عمرها أبل مع إن الجهاز اللى معايا 3gs ومعايا من ساعة مانزل والحمد لله شغال تمام.. المهم انا عايز أجيب آى باد.. أشترى دلوقتى ال 4 ولا استنى شوية.. وياريت أسعاره بقت إيه دلوقتى للنسخة ٣٢ جيجا واي فاي وداتا
انا شفته فعلا وجربته فتره قصيره فى ستور سامسونج فى مول العرب
الجهاز جميل جدا كشكل وكخامه عكس كل موديلات سامسونج السابقة
حتى احلى كتير جدا من الاس 4 واسرع منه كمان بفرق ملحوظ
ملحظتش فيه اى لاج او تعليق فى الاونشر
الاسماء بتفتح بسرعه عكس كل موديلات سامسونج واللى كان عيب ازلى فيها ان الكونتاكت لازم تاخد ثانية او اتنين لحد ما تظهر
القلم حلو بس محتاج شغل اكتر لان استجابة الزرار ضعيفه دة غير مكان الزرار اللى مش عاجبنى اصلا
الشاشه تعتبر احسن شاشة موبيل سامسونج انتجتها حتى الان ومحدش يقول دة سوبر اموليد زى الباقى
لاء فى فرق وكبير فى تقنيه التصنيع
لكن اللى انت بتتكلم فيه دة فعلا حقيقي
سامسونج طول ما بتحط اضافات على السوفتوير الاندرويد
حيفضل يهنج
حيفضل unstable
حيفضل الاندرويد shitty software مقارنه بال ios
للاسف ios احسن بمراحل من الاندرويد لكن مش كتير بيصدق او بيقتنع بكدة عكس اللى جرب زى حضرتك كدة
للاسف ios كسوفتوير محتاج يبقى منفتح اكتر من كدة بكتير ودة اللى ناقصة علشان يبقى الافضل على مستوى كل انظمه التشغيل الموجودة فى الكون لكن الحلو ميكملش
مبروك عليك الجهاز ومتقارنوش بالايفون علشان متضايقش وحاول تتاقلم معاه هوه جهاز انا شايفه احسن اجهزة سامسونج على الاطلاق بصراحه
وخلى الجهاز معاك سنة لحد ما الايفون 6 ينزل وان شاء الله حيكون بشاشة على الاقل 4.8 لكن السوفتوير المقفول حيفضل مقفول :( لان دى ابل امبراطوريه الانانية والتوحد فى العالم
تحياتى لك ولحياديه تقريرك
بتصطاد في المية العكرة انت :grin54:
عموما ميغلاش عليك يا غالي بس هاتلي قصادة آيفون بشاشة 5.7 بوصة الأول ههههههههههه
بصراحة بعد التجربة دي لو مش في دماغك موضوع الشاشة خليك في الآيفون بدون تردد ولو تقدر تجيب ال5 هاته بصراحة ملوش حل خفة ورفع وشياكة جدا
الآيباد 4 دلوقتي عامل 4650 لل16 جيجا و 5600 لل32 جيجا
Apple Ipad 4 Wi-fi + Cellular - سعر ومواصفات و مميزات وعيوب
بس ما تجيب الميني بصراحة حجمه رائع لا كبير ولا صغير وخفيف وتقدر تشيله معاك في كل حتة وسعره معقول ال16 جيجا ب3700 وال32 ب4400
Apple Ipad Mini Wi-fi + Cellular - سعر ومواصفات و مميزات وعيوب
انت جبت الخلاصة
بالرغم من إن النوت 3 أفضل ما أنتجت سامسونج حتى الآن إلا إنه بالرغم من كده لا يقارن بالآيفون من ناحية الجودة والثبات واستقرار النظام والكاميرا وغيره
هحاول آخد بنصيحتك وأتأقلم مع الجهاز على الأقل لحد ما فلوسه تبرد :pffft: وننتظر نشوف آبل هانم هتغير من جمودها وتنزلنا شاشات كبيرة ولا أبقى أفكر أشوف HTC أو أي حاجة تانية إلا السامسونج والله المستعان
ممكن تبيعه وتجيب nokia lunia 1520 بنظام ويندوز فون هو خلاص على وشك النزول وشاشته 6 بوصة
اعتقد الويندوز فون افضل واكثر استقرارا من اندرويد
ولو عاوز اندرويد فى sony xperia z ultra حاجة فخمة جدا بس كبير شوية انا مسكته كان ضخم فعلا
بس الايفون ونظام ios افضل كتير جداااا وبعده ويندوز فون وبعده اندرويد (من وجهة نظرى)
طب نتفق اتفاق عايز IOS هات ابل اكيد :-D عايز اندرويد هات فئه النيكسس الاندرويد الخام سريع جدا الشركات اللي بتحط التاتش بتاعها زفت لو عايز تحس بالنوت ده استني روم كاستم وانت تحس بيه
Sent from my Xperia Arc S using Forum Runner