ميكانيكي ف وطنية الوفاء والأمل - محمد هاشم

**M.Osama** · 04-10-2013 10:22 AM

السلام عليكم

امبارح كان في رعشه ف العربيه علي السلانسيه.. وكان واضح جدا ان العربيه متلته

المهم قلت اعدي علي وطنيه الوفاء والامل الي عند جامع السلام - الحي العاشر انا اعرف ان في ميكانيكي اوبل هناك

بصراحه المستوي معجبنيش.. سواء مستوي الصنايعية او مستوي جودة الشغل. وصاحب المكان (م. محمد هاشم) تقريبا مبيمدش ايده ف شغل.. وانا مبحبش كدا..

العيب كان واضح ان فيه بوجيه فاصل.. ومع ذلك لقيت الولد الي شغال ف العربيه بيفك الموبينه كلها !! وهوا بيفكها بوظ سلك بوجيهات.. وقال ايه هوا كان بايظ لوحده ! مع العلم ان العربيه مركونه بقالها اسبوع.. وكانت قبل كدا تمام واول اما دارت لقيتها متلته.. فأكيد السلك متقطعش لوحده يعني !!

المهم قلت للولد غير البوجيهات.. قالي لأ دا السلوك كلها بايظه !! قلتله معلش خدني علي قد عقلي وغيرها انا معايا طقم قديم.. ركبت القديم والرعشه راحت والعربيه رجعت تمام

تقييمي للمكان ده 4 من 10 .. تحس انهم بهوات

كان في حد بيقول ان في واحد تاني ف الشارع الي قدام البنزينه.. ياريت مكانه بقي بالظبط

شكرا

**saddam** · 04-10-2013 11:18 AM

صديقي المواطن
على فكرة أزمة.المواطن المصري هي عدم وجود فنيين وصناع مهرة وإن وجدوا فالغرور يتملكهم و3% فقط يشذ عن القاعدة
ودمتم.للنضال

**tananybasha** · 04-10-2013 07:38 PM

طيب عدى عليا
اشوفك

**احمد فهمى** · 05-10-2013 01:17 AM

عندك طنانى وتروح بره يا راجل يا طيب وعلى فكره كلامك هو نفس رأيي فى صنايعية محمد هاشم واحمد سعيد بس احمد سعيد بيشتغل بنفسو بس لﻷسف كلهم درجه خامسه نادر لو وجدت مكان متكامل الصناع والناس المحترمه المفكره خلصو فساد 60 سنه وصلنا لكده حتى التوكيلات مفيش مخ كلو حافظ ولو عندك مشكله فى بستم يغيرلك متور والناس الفالحه بيسيبو البلد زى عشور وامثالو

**Amrgamal1** · 05-10-2013 02:29 AM

روح لـ طنانـي مافرقتش كتير المعادي من مدينه نصر
دانا والله كنت بفكر ابيع العربيه بس خلاص نفسي اتفتحت أني اظبطها بعد ما طناني فتح جامبي في المعادي
ربنا يباركله مابقيتش شايل هم التعامل مع فئه الصنايعيه اللي بنشوفها

**pharohtemo** · 05-10-2013 01:45 PM

طنانى هو الحل !!! ضمير و دماغ شغالة .. مش حتحتاج أكتر من كده :) بجد ربنا يبارك له و يكتر من أمثاله

**M.Osama** · 06-10-2013 08:35 PM

انا مش محتاج توصيه عشان اروح لطناني.. دا حبيبي.. بس انا يومها كنت مسافر ودا كان اقرب واحد ليا.. بيني وبينه اقل من 5 دقايق..

طناني ليه قعده طويله.. وتظبيط حاجات كتيره افسدها الزمن.. الاسبوع الجاي ان شاء الله.. بالصور.. انتظرونا :d

على فكرة محمد هاشم مش وحش ، بالعكس فاهم عن ناس تانية ، لكن ممكن تكون مشكلته انه معندهوش طقم صنايعية

انا لو مكانك وعند محمد هاشم ولاقيته بعتلي واحد يبص على العربية ، هاقوله بعد اذنك عايزك انت تبص عليها وانا جاي المكان ده عشانك انت
انا لما روحت للشيخ هيثم ولاقيته باشا روحت لمحمود أوبل ولما حاولت معاه ولاقيته باردوا باشا نفضتله هو كمان وبقيت اروح لـ أحمد عجورة عند صابر
الناس ديه بقت بشوات بما فيهم صابر بس صابر أحسن منهم على الأقل بيراضيني ويجي يبص على الحاجة بنفسه ويقولي رأيه
انا لما بروح لـ صابر بروح عشان أحمد عجورة ميكانيكي كويس وفي نفس الوقت بيفهم في العفشة وجربته قبل كدا في كذا حاجة ولاقيته جامد في طريقة شغله تحس انه فني فعلاً مش تعبان كدا زي صنايعية تانية

انا أمنية حياتي اشوف زي فادي في الفيكترا b وطناني في الفيكترا a
وأحمد عاشور في كهربة الموتور

لو الصنايعية عندنا في مصر بقوا زي التلاتة دول يبقى ساعتها نقدر نقول "مع أوبل الحياة ليها طعم تاني"

انا مكنتش اعرف شكله ف الاول.. واعتقد انه مكنش موجود.. بس ف الاخر لما قابلته حسيت اني قاعد مع باشا.. وانا محبش اروح ل ميكانيكي باشا.. مبياكلش معايا

-

-

الموضوع: ميكانيكي ف وطنية الوفاء والأمل - محمد هاشم

LinkBack

أدوات الموضوع

عرض

-

-

-

-

المواضيع المتشابهه

ميكانيكى فى وطنية - الوفاء والامل.

رقم موبايل محمد هاشم بتاع بين السريات لوسمحتم

افيدوني...حد يعرف محمد هاشم لصيانه شيفروليه؟

شكر وتقدير للمهندسين ....محمد هاشم و صلاح في القطامية

تقرير هام جدا عن ميكانيكي الاسكودا على الزفتاوي عند الوفاء والأمل

الكلمات الدلالية لهذا الموضوع

المفضلات

المفضلات

ضوابط المشاركة