الموضوع: 318is دبانة m اصلى ممكن نصيحة

السلام عليكو طلب من عشاق البى ام هو المكنة 318is قطع غيارها متوفرة ولا لا و اسعارها قريبة من 316 و هل تنصحونى بيها ولا اركب 318 عادية افيدونى من فضلكم

ال 318is زى ما تفضل الاخ ايمن وذكر فى منهم جيلين الاول m42b18 ويذكر اختصارا m42 لانه موديل وحيد للفئة m42 وهو 1800 سى.سى بقوه حوالى 138bhp وعزم 175 نيوتن . والموتور دا اول ما نزل كان فى e30 وبعد كدا نزل فى e36 و z3.
الجيل الثانى منه هو m44b19 وايضا يذكر اختصرا m44 وهو يعتبر تطوير ل m42 وهو 1900 سى.سى بقوة 138bhp وعزم اعلى بمقدار 5 نيوتن عن سابقة يساوى 180 نيوتن. وهذا الموتور نزل فى e36 و z3.

القوة الحصانية للموتورين متساوية . والقوه الحصانيى 138 هى قوة المحرك حر بدون وزن السيارة او احتكاك العجل ... الخ. الا ان بعض المراجع زكرت ان m44 يزيد بضع احصنة قليله عن سابقة.

الموتورين 4 سلندر باثنين كامة.

نظام الحقن الاليكترونى فى m44 اكثر تقدما.

الموتور m44 مشفر. بمعنى انه يحتاج لطقم دوارة ومفتاح مشفر لا يعمل المحرك بدون هذا المفتاح. وهى ميزه ممتازه لحماية السيارة من السرقة. الا انه يمكن ايقاف هذة الخاصية اذا اردت ذلك. بيعملوها فى الحرافيين وبيحط دوارة تعمل بدون المفتاح المشفر.

فى سوفتوير ممكن تنزلة على كمبيوتر m44 بيوصلة الى 150 حصان. سعرة غالى شويا عشان بيبقى عبارة عن شريحة eprom chip عليها السوفت الجديد بتركب بدلا من القديمة. بتغير فى طريقة ظقت حقن الوقود.

لو هتركب فتيس اوتوماتيك. الموتور m44 فى منه بيجى بضفيرة فيشة الفتيس الكبيرة وبيركب عليه فتيس اوتو فيشه كبيرة. والفتيس دا بيركب على الموديل الاحدث e46 بيحسن حسب السيارة. او بيجننها زى ما بيقولوا فى السوق. كمان فتيس الاتو بتاع m44 سواء فيشه كبيره او صغيرة بيبقى فبه الزرار S E M. و s مود السواقة الرياضى وبيحرق على الغيار حوالى 1000 ار بى ام زياده عن الطبيعى فبيعطى السيارة عزم وتسارع اكبر وطبعا استهلاك بنزين اكتر. e مود السواقه الاقتصادى او الطبيعى. m مود السواقة المانول.

الموتور m42 حساس الهواء اللى فيه افو . اما m44 حساس الهواء اللى فيه ايرماس. وطبعا الايرماس افضل واقل اعطالا. والموتور 42 صوته اعلى قليلا من 44.

اخيرا كان مع واحد صديق المكنة m44 وهى كويسة ولكن للاسف تعبتة فى بعض قطع الغيار على ما لقاها. فبعض قطع غيارها قليلة.

احب الفت نظرك الى ان الموتور m50b20 وهو موتور 2000 سى.سى . 6 سلندر. حوالى 150 حصان وعزم 190 نويتن. هتبقى العربية مرتاحة اكتر فى 6 سلندر . وكمان عمره الافتراضى اطول.

لو العربية 4 سلندر وهتركب موتور 6 سلندر . هتغير عفشة ل 6 سلندر.

كمان المواتير دى قوه وعزم كبير. فالفرامل العاديه هتحتاج تتعدل الفرامل الخلفية تبقى سكاكين بدلا من العادية اللى بيسموها قباقيب او حلل.

الموتور m42 طبعا ارخص من m44.
m42 سعرة كامل بالفتيس وكمبروسيور التكيف ماكنة الباور والمارش والدينمو سعرة حوالى من 4500 الى 5000

m44 سعرة يزيد حوالى الف او الف ونص

ال m42 و m44 عدد الصبابات 16 يعنى 4 صباب وقود لكل سلندر

m50 برضوا 2 كامة و4 صباب لكل سلندر وهو 6 سلندر يعنى 24 صباب وبيسموه المكنه السودا m50 او m52 او m54
وفيه منه بفانوس والى بعد m50 فى منه باتنين فانوس ودى حاجة بتحسن استهلاك الوقود
و m50 تطوير ل m20 اللى بيسموه المكنه البيضة

المكنه السودا وش الموتور الومنيوم وعشان كدا فى ناس بتحب المكنه البيضه عشان كلها دديد زهى. اما السودا فهى حديد ماعدا وش الموتور الومنيوم

شكرا على المجهود الرائع بس قدامى 1993 318 اوتو مكنة m43b18بس نضيفة دواخل جديدة حالة حلوة بس بيحكى فى 70000 الف اية رايكم العربية حلوة و استخدام راجل كبير و ركيب افيدونى

شكراا على المجهود انا وصلت معاة 68 الف اخرة بس العربية احسن ما شفت اخلص معاة ولا اصبر شوية

93 الشكل القديم بتاع e36 بدون ايرباج وبدون abs وزراير التكيف بكر مش تاتش وبدون مفتاح مشفر

السعر غالى شويا والعربية مش is

لو شايفها نظيفة وبحالة شبه الزيرو وإنت مرتاحلها خلص وإدفع الفرق دا لراحتك النفسية ونظافة العربية