اللانسر 1300 اوتوماتيك وحشة؟؟؟؟

**akrameladl** · 26-12-2008 08:54 PM

هو ايه دة اللى بياكل بنزين
دى اقتصادية جدا جدا

**M.Osman** · 27-12-2008 05:42 PM

بصراحة ... صديق لى معاه لانسر 2007 1300 اوتوماتك ... بيقوللى لو الزمن رجع كان جابها مانيوال او كان جاب 1600 ... لأنها سحبها تعبان جدا و مع التكييف مخنووقة جدا ... ( مع العلم انها كانت خليجى )

**seadawy** · 08-03-2009 10:48 PM

انا عندى 1300 أوتوماتيك وهى سيارة رائعة بمعنى الكلمة

**Dr_MohSalah** · 08-03-2009 10:59 PM

انا بسمع هنا كلام كثير عن ال 1300 اوتو ولما جيت اسال الناس اللى اعرفهم ومعاهم العربية بصراحة شكرولى فيها قوى يعنى محدش قال ان سحبها ضعيف لدرجة ملحوظة زى ما هو بيتقال كتير هنا .. يمكن الموضوع له علاقة بطريقة السواقة او انه يكون راكب قبلها موتور 1600 ويحس الفرق بس كل الناس اللى اعرفهم شكرولى فى العربية جدا..

**mahmoudzaied** · 09-03-2009 12:38 AM

ايه يا جماعة ده
الموضوع يتلخص كالاتى
انت نوع سواقتك ايه؟
1-هادية وبيس ومفيش كيك دون وعادى المشوار ابو ساعة اروحو فى ساعة ونص ...... هات 1300 اوتو وهتبقى معاك بى ام (مع الاعتذار لل بى ام)
2- سواقتك شد وجرى وحركات وسريعة والمشوار ابو ساعة ترحو فى نص ساعة ...... هات 1300 مانيول
3- لو نفس الكلام اللى فوق وبتقارن بالسيفيا ال 1600 اللى كانت معاك ........ هات صنى مانيول1600 مانيول وا اوتو - لانسر 1600 مانيول او اوتو - النترا مانيول او اوتو
وطبعا المانيول بيسحب اكتر

نصيحة ليك حدد نوع سواقتك واختار العربية على قد امكانياتك

اما عن تجربتى الشخصية
انا معايا لانسر 1300 مانيول خليجى
السحب 100 فل وعشرة ( مش مطلوب من عربية 1300 بالوزن ده تسحب اكتر من كدة ) بجد موتورها حلو اوى ( بس لا يقارن باى عربية 1600 طبعا نخلى عندنا عقل)
مع التكيف السحب بيقل اه زى اى عربية 1300 و 1600 بس مش ضايعة بتجرى والله حلو بالذات لو خليجى زى بتاعتى (عشان انا جربت المصرى حسيت بفرق فى ضعف سحب المصرى مقارنة بالخليجى )
استهلاك البنزين حلو جدا وبيتحسن كل ما الكيلوهات بتزيد كل ما تخش على 10000 كيلو هتحس ان الاستهلاك حلو اوى

انما الاوتو مجربتهاش ومش عايز افتى فيها
بس فيه ناس بتقول ضايعة عشان محسبتهاش صح (زيي للاسف) وشاف نوع سواقتها ايه الاول وكان كل غرضو يركب يابانى اوتو
بس فعلا اكيد سحبها اقل من ال 1300 المانيول حصوصا ان الفتيس الاوتو اللى فيها مش Cvt هوا فتيس اوتو عادى

انا حاسس انى رغيت كتير اسف للتطويل
ويا رب اكون قدرت اوصل رأيي

**vanhim** · 09-03-2009 08:49 PM

بصوا انا لسه شارى 1300 اوتوماتيك 2007 خليجى بصراحه روعه وخصوصا فى الطرق الخنقه اللى الواحد بيمشى فيها ولو حبيت تشد فى الاوتوماتيك انقل على الاlاو2او3 هتيدك عزم ممتاز ومتنساش ان العربيه 1300 يعنى تشم البنزين تمشى وتحط 90 كويس اما 92 تفرق معاك فى العزم بشكل ملحوظ وخصوصا لو جبت منظف لدوره البنزين كل 5000 كيلو حتعيش و فى الاخر اكشف على العربيه لو مستعمله شاسيه وقوايم وعفشه وكبس الموتور وغيره وصدقنى السواقه فى مصر مافيش فيها فرصه للجرى اوى بس لو حبت Lاو 2او3 وعيش عزم لانه بيزود سحب العربيه جامد ومحدش بيستعمله اومش فاهمه هنا فى مصر الكل ماشى على D وnوعايش على كده وبكره حتدعيلى اخوكم احمد روسى

**amrmoneeb** · 12-03-2009 02:01 PM

انا ما اشجعش فكرة اللانسر ال 1300 العربية فعلا تسارعها بطىء و تقيلة قوى و خصوصا مع التكييف

التكييف طبيعى انة بياثر على سحب العربية مهما كانت و المشكلة هنا فى رايى مش فى سرعة السحب المشكلة ان تشغيل التكييف بيضعف اداء موتور العربية اللى هوة اصلا سحبة بطىء و بالتالى بيأثر على عمر الموتور

أخوكم فى الله
عمرو

**ghazy12** · 21-03-2009 02:51 PM

لانسر 1300 مانوال علشان تحس بأداء العربية و السحب يبقى جامد خصوصا مع التكييف في الصيف....

**want_better** · 22-03-2009 11:21 AM

السلام عليكم
اللي اعرفه أن كل من التكييف والهيدروماتيك بيسحب كتير من أداء الموتور و1300 لا يتحمل ها تحس ان العربية ضعيفة معاك
لكن ده يتوقف على احتياجك وتعاملك مع العربية (احيانا ضعف العربية يكون كويس للي بيمشي جوه البلد كتير علشان حتى لو رجله سرحت على البنزين العملية ما تفتحش معاه - وربنا يستر - )