الموضوع: البانر الإعلاني اللي في الموقع لكيا السبع

المشاركة الأصلية كتبت بواسطة Karim_Monir

هاشرحلك الخطأ حصل منين وان كنت غير ملزم بذلك
هناك شركة برومو ميديا حصلت علي حق التسويق للمنتدي حصريا
اي معلن بيرسل لها الاعلان بتاعه والمصمم بيقوم بشغل علي البانر

في نفس الوقت ارسل احد وكلاء نيسان الاخرين تصميم بحملة اخري
فاختلط الامر علي المصمم في التواريخ ما بين كيا ونيسان
ولما كلمت مهندس كريم هاشم التزم ادبيا بتحمل فرق الخصم
وده بيدل على قمة احترام العميل رغم انه ليس خطأهم

وهنا يجي دور نايل موتورز في توفير مكان محترم لبث الشكوي وفحصها

خالص تحياتي ليك استاذ اشرف
وخالص تحياتي لكل اعضاء ومنسقين قسم كيا المحترمين
وكل عام وانتم بخير وعيد اضحي سعيد عليكم وعلى اسركم

تحياتي

شكرا على التوضيح،
عموماً أنا بشوف إعلانات كيا السبع على الطريق الدائري كتير مفكرتش أروح هناك إلا لما شفت إعلانهم على المنتدى. والخصم الموجود شجعني أكتر إني اختارهم.
بالتالي أنا كعميل من حقي ألاقي الخصم زي ما قريته وإلا حفقد مصداقيتي في الموقع قبل كيا السبع.

طبعا في الزمن ده آخر حاجة نصدقها ان في عميل ياخد حقه، ما أكثر المواقف ان العميل بيضيع حقه ويخبط راسه في الحيط براحته، فأنا سعيد ان أخدت حقي رغم ان ده مش كفاية... مفروض يكون في تعويض كمان

نقطة أخيرة بس أوضحها...

المشاركة الأصلية كتبت بواسطة karim_monir

كلمت مهندس كريم هاشم التزم ادبيا بتحمل فرق الخصم
وده بيدل على قمة احترام العميل رغم انه ليس خطأهم

أنا لما شفت الإعلان كلمت الكول سنتر 16449 وسألتهم على الخصم قالولي موجود لحد يوم 12 أكتوبر، فحجزت موعد وسألت على التكلفة قالولي بعد الخصم 1400 تقريبا.
يعني مش بس شفت الإعلان، أنا كلمت الرقم المختصر اتأكد من صحته واحجز موعد.

الغرض التوضيح وأتمنى عدم معاقبة موظفة الكول سنتر

بس خلاص :)