تحذير من شارع فوزي معاذ بالاسكندريه و محاولة سرقه الكارينز

**hesham_one** · 04-10-2013 10:08 PM

المشاركة الأصلية كتبت بواسطة Dr.M_baz

الحمد لله انك بخير الباقي سهل ان شاء الله.

شكرا لحضرتك

**hesham_one** · 04-10-2013 10:10 PM

المشاركة الأصلية كتبت بواسطة ahmed_adham

لاء هيه العربيه مش هتدور فعلا بدون مفتاحها وده اللي حصل مع الحرامي الغشيم ده اللي ميعرفش العربيات اللي فيها ايموبلايزر من اللي مفيهاش عشان لو كان يعرف مكنش حاول معاها أصلا وكان وفر عليك البهدله والمصاريف دي.

المهندس كان يقصد ان الحرامي بوظ الوحده اللي بتتعرف على المفتاح فأصبح صاحب العربيه مش عارف يشغلها بمفتاحها الاصلي أصلا وبالتالي لما اتغيرت الوحده البايظه المفتاح الاصلي اشتغل.

الله ينور علي حضرتك هو ده اللي كنت عاوز اقوله

**kareem_eg** · 04-10-2013 10:21 PM

الحمد لله علي كل حال .. و كويس انك لقيت العربية :)

**hesham_one** · 04-10-2013 10:24 PM

المشاركة الأصلية كتبت بواسطة kareem_eg

الحمد لله علي كل حال .. و كويس انك لقيت العربية :)

طبعا الحمد لله كتير اوي ده انا بتخيل لو لا قدر الله ملقيتهاش

ربنا يعافينا جميعا و شكرا لمشاركة حضرتك

**john55** · 04-10-2013 11:18 PM

الحمد لله ربنا سترها معاك وحضرتك بخير اهم حاجه الواحد من كثره السرقات انا ركبت القطار ورحت بيه اسكندريه علشان اصيف علشان عربيتي مفهاش ايموبليزر دي نقطه مهمه الواحد المفروض كنت عرفتها قبل ما اشتري عربيتي 2012الحمد لله

**hesham_one** · 04-10-2013 11:54 PM

المشاركة الأصلية كتبت بواسطة john55

الحمد لله ربنا سترها معاك وحضرتك بخير اهم حاجه الواحد من كثره السرقات انا ركبت القطار ورحت بيه اسكندريه علشان اصيف علشان عربيتي مفهاش ايموبليزر دي نقطه مهمه الواحد المفروض كنت عرفتها قبل ما اشتري عربيتي 2012الحمد لله

شكرا يا فندم و ربنا يحفظلك عربيتك ان شاء الله

**amrelsaqqa** · 05-10-2013 12:07 AM

حمد لله على سلامتك ، كويس اوى انها جت لحد كدة ، حسبى الله ونعم الوكيل

بس هو قفل الدركسيون اللى عندك شكله ايه ، وازاى الحرامى عرف يكسره ؟

انا بستعمل قفل زي ده كدة ، هل ده ممكن الحرامى يكسره بسهولة ؟

وازاى ابن الكلب ده عمل كل ده في العربية في منطقة زحمة وفيها ناس كدة !

**amr011111** · 05-10-2013 12:50 AM

المشاركة الأصلية كتبت بواسطة amrelsaqqa

حمد لله على سلامتك ، كويس اوى انها جت لحد كدة ، حسبى الله ونعم الوكيل

بس هو قفل الدركسيون اللى عندك شكله ايه ، وازاى الحرامى عرف يكسره ؟

انا بستعمل قفل زي ده كدة ، هل ده ممكن الحرامى يكسره بسهولة ؟

وازاى ابن الكلب ده عمل كل ده في العربية في منطقة زحمة وفيها ناس كدة !

انا كمان بستخدم نفس القفل بس كنت بسمع ان ممكن الحرامى يفتح اى قفل عن طريق حقنة مية نار
بس بصراحه لو كده يبقى حرامى ابن ستين فى سبعين يعنى جاى ومعاه حقنة مية نار ومعاه كل حاجه

ياما يكون فيه طريقه تانيه

**saddam** · 05-10-2013 01:53 AM

صديقي المواطن
أنا سعيد من أجل ربنا سترك بس أنا مستغرب من حاجة شاغلة بالي أنا ليا أصحاب ضالين مضلين والعياذ بالله نسأل الله لهم الهداية وبحاول معاهم بيقولولي الشعب المصري عندنا بيموت في الحشرية ولازم يبص على كل حاجة لدرجة لو حبوا ينحرفوا مع بنت في الشارع مش بيلاقوا في عموم الجمهورية خرم يركنوا فيه من غير محدش يتحشر ويقلهم إنتو بتعملو إيه حتى في وسط الصحرا برضو بيطلعلهم ناس إنما عربية حضرتك كسر زجاج باب ودخل العربية وكسر الفيبرة ونزل الكوتتاكت والسلوك ومحدش من جماعة الشعب المصري شعب متدين بطبعه مد راسه وقال له إنت بتعمل إيه ولا أقلك دلوأتي لو شاف حرامي بيسرق ومعهوش شلة حيسيبه براحته ويقلك وأنا مالي يللا روحي
الحمد لله إن عربيتك مراحتش وترجعها أحسن من أول كمان خدها لعزب في شارع السودان وبعدها نشوف حعملعالك إزاي والتكلفة ورد علينا عشان لو مظبطش اﻷداء ندلك للطريق الصح
ودمتم للنضال